एक्स्प्लोर
'लास्ट ख्रिसमस' गाणाऱ्या पॉपस्टार जॉर्ज मायकलचं ख्रिसमसलाच निधन
लंडन : ज्याने 'लास्ट ख्रिसमस' म्हणत अवघ्या पॉप जगतावर अधिराज्य गाजवलं, त्या पॉपस्टार जॉर्ज मायकलचं ख्रिसमसच्याच दिवशी निधन झालं. वयाच्या 53 व्या वर्षी इंग्लंडमधल्या राहत्या घरी त्याने अखेरचा श्वास घेतला. मायकलच्या अकाली मृत्यूने पॉप जगतात खळबळ उडाली आहे. मृत्यूचं कारण अद्याप अस्पष्ट असलं, तरी हा मृत्यू नैसर्गिक असल्याचा दावा जॉर्ज मायकलच्या निकटवर्तीयांनी केला आहे. 1963 साली जन्मलेल्या जॉर्जने 80 च्या दशकामध्ये पॉप विश्वामध्ये वादळ आणलं होतं. शाळेतील मित्रांसह जॉर्जने व्हाम नावाचा म्युझिक बॅण्ड सुरु केला. 'केअरलेस व्हिस्पर' या अल्बमने तेव्हा धुमाकूळ घातला. त्या अल्बमच्या तब्बल 60 लाख प्रती विकल्या गेल्या. जॉर्जच्या सर्व अल्बमच्या मिळून तब्बल 10 कोटी प्रती विकल्या गेल्या आहे. त्यानंतरच्या तीन दशकांमध्ये जॉर्ज मायकलचं गारुड तरुणाईवर कायम राहिलं. गुड लुक्स, स्टेज अपियरन्स आणि लेटेस्ट फॅशन ट्रेण्ड्समुळे जॉर्ज कायमच तरुणाच्या गळ्यातील ताईत बनला. ग्रॅमी, बिलबोर्ड, एमटीव्ही अशा अनेक पुरस्कारांनी सन्मानित जॉर्ज मायकल अनेक कॉन्ट्रॉव्हर्सीजमुळे बदनामही झाला होता. जॉर्जनं आयुष्यातला हाच चढ उतार 'अ डिफरंट स्टोरी' नावाच्या रुपाने आत्मचरित्रातूनही मांडला. पण 'लास्ट ख्रिसमस' हे गाणं लिहून आणि गाऊन चाहत्यांना मंत्रमुग्ध करणारा जॉर्ज ख्रिसमसच्या दिवशीच जाणे हा नियतीचा क्रूर खेळच म्हणावा लागेल.
Before You Go
Manoj Jarange Pc : फडणवीस सरकारची डोकेदुखी वाढणार? रुग्णालयातून मनोज जरांगे काय म्हणाले?
महत्त्वाच्या बातम्या
विश्व
धक्कादायक! AI चा वापर करुन बॉस बनला, बँकेच्या चेअरमनला फोन केला, तब्बल 1 हजार 34 कोटी रुपयांना गंडा घातला
विश्व
13 वर्ष फ्रिजमध्ये राहिला, तरीही पोलिसांना सुगावा नाही लागला, मृत्यू झाल्याचे समजून कुटुंबांसह गावकऱ्यांनी शोकसभाही केली
विश्व
दहा वर्षे तोंडातून शब्द नाही, आता माझ्या कामाचं श्रेय कशाला घेताय? स्वीडनच्या खासदार नीला विखेंचा राधाकृष्ण आणि सुजय विखेंवर हल्लाबोल
विश्व
Video: संयुक्त राष्ट्र महासभेत तब्बल 75 देशांचा इस्त्रायली पीएम नेतान्याहूंवर बहिष्कार, डोळ्यादेखत खिल्ली उडवली, तीन मिनिटे जाग्यावर शांत उभं राहण्याची वेळ अन् भाषण सुरु करताच म्हणाले..
