Bolivia Plane Crash : नोटांनी भरलेलं विमान थेट रस्त्यावर कोसळलं; 15 जणांचा जागीच मृत्यू, नेमकं काय घडलं?

Bolivia Plane Crash: दक्षिण अमेरिकेतील बोलीवियामध्ये मोठी विमान दुर्घटना घडली आहे. बोलीविया एअरफोर्सचे हरक्यूलिस C-130 हे विमान धावपट्टीवरून घसरले आणि विमानतळाची सीमाभिंत तोडत थेट रस्त्यावर जाऊन कोसळले.

Bolivia Plane Crash

Source : ABP Majha

Bolivia Plane Crash: दक्षिण अमेरिकेतील बोलीविया या देशात शुक्रवारी (27 फेब्रुवारी) मोठी दुर्घटना घडली. राजधानी ला पाझजवळील एल आल्टो शहरात बोलीविया एअरफोर्सचे हरक्युलिस C-130 हे विमान अपघातग्रस्त झाले. या दुर्घटनेत 15 जणांचा मृत्यू झाला असून किमान 30 जण जखमी झाले आहेत. या घटनेचे अनेक व्हिडिओ सोशल मीडियावर वेगाने व्हायरल होत आहेत.

हा अपघात स्थानिक वेळेनुसार सायंकाळी सुमारे 6 वाजता घडला. लँडिंग किंवा टेक-ऑफदरम्यान विमान धावपट्टीवरून घसरल्याची माहिती समोर येत आहे. त्यानंतर विमानाने विमानतळाची सीमाभिंत तोडत थेट रस्त्यावर कोसळले. विमान अनेक कार आणि इतर वाहनांवर आदळले. ही धडक इतकी भीषण होती की अनेक वाहने पूर्णपणे नुकसानग्रस्त झाली आहेत. 

Bolivia Plane Crash: रस्त्यावर विखुरलेल्या नव्या चलनी नोटा

माध्यमांच्या अहवालानुसार, हे विमान देशाच्या विविध भागांत नवीन चलनी नोटा पोहोचवण्यासाठी जात होते. अपघातानंतर रस्त्यावर नोटा विखुरलेल्या अवस्थेत आढळल्या. घटनास्थळी उपस्थित असलेल्या लोकांनी याचे व्हिडिओ चित्रण केले असून ते आता सोशल मीडियावर वेगाने व्हायरल होत आहे. स्थानिक अधिकाऱ्यांच्या माहितीनुसार, या लष्करी विमानाने यापूर्वी सांता क्रूझ शहरातून उड्डाण केले होते आणि एल आल्टो येथे धावपट्टीवरून घसरून जवळील रस्त्यावर उतरल्यानंतर हा अपघात झाला.

🛫A Bolivian Air Force C-130H Hercules crashed Friday evening on a roadway near El Alto International Airport in La Paz. At least 15 killed and 30+ injured, according to sources. Investigation ongoing. 

Sources: @sentdefender, Reuters pic.twitter.com/x9sggH3IdR

— Mossad Commentary (@MOSSADil) February 28, 2026

स्थानिक मीडिया संस्था युनिटेलने बोलिवियाच्या संरक्षण मंत्रालयाचा हवाला देत म्हटले आहे की, हे विमान देशाच्या अंतर्गत भागांत चलन (नोटा) घेऊन जात होते. राष्ट्रीय विमान कंपनी बोलिवियाना डी एव्हिएशनने जारी केलेल्या निवेदनात म्हटले आहे की, अपघातानंतर एल आल्टो आंतरराष्ट्रीय विमानतळ तात्पुरते बंद करण्यात आले होते. तसेच, या अपघातात सहभागी झालेले विमान त्यांच्या ताफ्यातील नव्हते, असेही स्पष्ट करण्यात आले आहे.

इतर महत्त्वाच्या बातम्या