Bus Blasts Near Tel Aviv : इस्रायलची राजधानी तेल अवीवमध्ये भीषण साखळी बॉम्बस्फोटांची मालिका; देशभरात बस आणि रेल्वे सेवा बंद
Bus Blasts Near Tel Aviv : स्फोटांनंतर, नेतन्याहू यांनी इस्रायल संरक्षण दलांना वेस्ट बँकमधील दहशतवादी लपलेल्या ठिकाणांविरुद्ध मोठ्या प्रमाणावर कारवाई करण्याचे आदेश दिले आहेत
Bus Blasts Near Tel Aviv : इस्रायलची राजधानी तेल अवीवमध्ये (Bus Blasts Near Tel Aviv) गुरुवारी रात्री उशिरा तीन बसमध्ये भीषण बॉम्बस्फोटांची मालिका घडली. या बसेस बॅट याम आणि होलोन भागातील पार्किंगमध्ये रिकाम्या उभ्या होत्या. या स्फोटात कोणतीही जीवितहानी झाल्याचे वृत्त नाही. पोलिसांनी दहशतवादी हल्ल्याचा संशय व्यक्त केला आहे. इतर दोन बसमध्येही बॉम्ब सापडले. इस्त्रायली पोलिसांनी सांगितले की एकूण पाच बॉम्ब एकसारखे होते आणि ते टायमरने सुसज्ज होते. बॉम्बशोधक पथकाने निकामी केलेले बॉम्ब सुरक्षितपणे बाहेर काढले आहेत. टाईम्स ऑफ इस्रायलच्या वृत्तानुसार, शुक्रवारी सकाळी स्फोट करण्यासाठी हे बॉम्ब ठेवण्यात आले होते. पण त्यांचे टायमर चुकीच्या पद्धतीने सेट केल्यामुळे रात्री स्फोट झाला.
स्फोटांनंतर, नेतन्याहू यांनी इस्रायल संरक्षण दलांना वेस्ट बँकमधील दहशतवादी लपलेल्या ठिकाणांविरुद्ध मोठ्या प्रमाणावर कारवाई करण्याचे आदेश दिले आहेत. सुरक्षेच्या दृष्टीने सरकारने देशभरातील बस आणि रेल्वे सेवा बंद केल्या आहेत.
BREAKING: Three separate bus explosions rocked Tel Aviv, Israel in what authorities suspect was a coordinated terror attack.
— Libs of TikTok (@libsoftiktok) February 20, 2025
- Two more devices were discovered on another bus and possibly the light rail.
- No injuries reported pic.twitter.com/1iO66jL1N3
चालक खाली उतरताच स्फोट
डॅन बस कंपनीचे संचालक ओफिर करणी यांनी प्रसारमाध्यमांना सांगितले की, स्फोट झालेल्या बसमधील एका प्रवाशाने मागच्या सीटवर एक संशयास्पद बॅग दिसली. याबाबत त्यांनी चालकाला माहिती दिली. ते म्हणाले की ते डेपोत पोहोचले, बसमधून उतरले आणि बाहेर पडताच बसमध्ये स्फोट झाला. तेल अवीवचे पोलीस प्रमुख सरगारॉफ यांनी वेस्ट बँकमधून दहशतवादी हल्ला झाल्याचा संशय व्यक्त केला आहे. सरगारॉफ यांनी सांगितले की, स्फोटक यंत्रावर काहीतरी लिहिले होते. मात्र, याबाबत फारशी माहिती देण्यात आली नाही. मीडिया रिपोर्ट्सनुसार, त्याच्यावर बदला घेण्याची धमकी लिहिली होती.
इस्रायलकडून गेल्या महिन्यापासून वेस्ट बँकेत कारवाई
स्रायली लष्कर 21 जानेवारीपासून वेस्ट बँकच्या वायव्य भागात आयर्न वॉल नावाची मोठी लष्करी कारवाई करत आहे. अमेरिकेचे राष्ट्राध्यक्ष डोनाल्ड ट्रम्प यांच्या शपथविधीनंतर अवघ्या एक दिवसानंतर ही कारवाई सुरू झाली. 7 ऑक्टोबर 2023 रोजी हमासच्या हल्ल्यानंतर इस्रायली सैन्याने वेस्ट बँकमधील संशयित पॅलेस्टिनी दहशतवाद्यांवर अनेक छापे टाकले आहेत. इस्रायलमध्ये पॅलेस्टिनींचा प्रवेशही बंद करण्यात आला आहे. जोपर्यंत आमची जमीन ताब्यात आहे तसेच आम्ही आमच्या शहीदांचा बदला घेण्यास कधीही विसरणार नाही, असे उत्तर वेस्ट बँक शहर तुलकरेम येथील अल-कासिम ब्रिगेड्सने टेलिग्रामवर पोस्ट करण्यात आलं आहे. मात्र, या हल्ल्याची जबाबदारी या गटाने स्वीकारलेली नाही.
काल हमासने 4 इस्रायली ओलीसांचे मृतदेह परत केले
दरम्यान, गुरुवारी चार इस्रायली ओलिसांचे मृतदेह परत आल्यानंतर तेल अवीवमध्ये बॉम्बस्फोट झाले. या ओलीसांमध्ये शिरी बिबास आणि तिची दोन मुले, एरियल बिबास आणि केफिर बिबास यांचा समावेश आहे. 7 ऑक्टोबर 2023 रोजी जेव्हा हमासने त्यांना ओलीस ठेवले तेव्हा एरियल 4 वर्षांचे होते आणि केफिर 9 महिन्यांचे होते. मुलांचे वडील यार्डन बिबास यांना या महिन्याच्या सुरुवातीला सोडण्यात आले.
इतर महत्वाच्या बातम्या
महत्त्वाच्या बातम्या
