Gautami Patil: गौतमी पाटीलच्या कार्यक्रमात जोरदार राडा, प्रेक्षकांनी खुर्च्या हवेत भिरकावल्या, पोलिसांनी कार्यक्रमच बंद पाडला
Gautami Patil Wardha Program : सुप्रसिद्ध नृत्यांगना गौतमी पाटीलच्या (Gautami Patil) वर्ध्यातील एका संस्कृतीक कार्यक्रमात प्रेक्षकांनी चांगलाच धुडगूस घातल्याचे पहायला मिळालंय.
Gautami Patil Wardha Program : सुप्रसिद्ध नृत्यांगना गौतमी पाटीलच्या (Gautami Patil) वर्ध्यातील एका संस्कृतीक कार्यक्रमात प्रेक्षकांनी चांगलाच धुडगूस घातल्याचे पहायला मिळालंय. मागच्या प्रेक्षकांना मंचावर सुरु असलेल्या कार्यक्रम (Wardha News) दिसत नसल्यानं मागच्यानी एकच धुडगूस घालायला सुरुवात केली. सोबतच आयोजकांनाही जाब विचारला. मात्र जमावाचा एकच रोष बघता परिस्तिथी चिघळली आणि उपस्थितानी एकमेकांच्या अंगावर खुर्च्या फेकत गोंधळ घातला. तरुणांनी गोंधळ घातल्याने पोलिसांना हस्तक्षेप करावा लागला. अखेर गोंधळ वाढल्यानं गौतमी पाटीलचा कार्यक्रम काही वेळासाठी बंद करण्यात आला.
Gautami Patil Wardha Program : प्रेक्षकांचा एकमेकांच्या अंगावर खुर्च्या फेकत गोंधळ
दरम्यान, नेमण्यात आलेल्या बाउन्सर यांनी प्रेक्षकांत उतरल्याने मोठ्या प्रमाणात राडा झाला. आयोजकांची व्यवस्था तोकडी पडल्यानं या कार्यक्रमाचा पुरता बोजवारा उडाल्याचे चित्र होतं. अखेर पोलिसांनी (Wardha Police) परिस्थितीवर नियंत्रण मिळवत जमावाला शांत केलं. मात्र एकंदरीत या धुडगूसमुळे आयोजकांना मोठ्या त्रासाला समोर जावं लागलं. तसेच खुर्च्यांचंही मोठं नुकसान झालंय.
बापाने स्वतःच्या मुलीचे लैंगिक शोषण करून केले गर्भवती; गोंदियाच्या डुग्गीपार सडक अर्जुनी तालुक्यातील घटना
गोंदिया जिल्ह्यातील सडक-अर्जुनी तालुक्यात डुग्गीपार पोलीस स्टेशन हद्दीत एक धक्कादायक घटना उघडकीस आली आहे. एका बापाने स्वतःच्या 14 वर्षीय मुलीचे लैंगिक शोषण करून गर्भवती केल्याची धक्कादायक घटना घडली आहे. डुग्गीपार पोलीस स्टेशनमध्ये आरोपी बापावर लैंगिक बाल शोषण प्रतिबंधक कायद्यान्वये गंभीर गुन्हा दाखल करण्यात आला असून तो पोलीस कोठडीत आहे. आरोपीची पत्नी अंदाजे 10 वर्षांपासून माहेरी राहत असून आरोपीसोबत घरात मुलगी, मुलगा आणि त्याची (आरोपीची) आई राहत होते. मुलगी लहान असल्याने बापासोबतच झोपत होती आणि याच निरागस विश्वासाचा फायदा घेत आरोपी बापाने विकृतपणे तिच्यावर अत्याचार केला. काही महिन्यांपासून पोटात अस्वस्थता जाणवल्यानंतर मुलीला गोंदियातील महिला रुग्णालयात नेण्यात आले. तपासणीदरम्यान मुलगी गर्भवती असल्याचा धक्कादायक खुलासा झाला. यानंतर पोलिसांत तात्काळ गुन्हा नोंदवण्यात आला अजून आरोपी बापाला पोलिसांनी अटक केली आहे..
इतर महत्वाच्या बातम्या
महत्त्वाच्या बातम्या
