Viral Video : प्रियकराने मृत प्रेयसीची मागणी केली पूर्ण, मृतदेहासोबत प्रियकराने केले लग्न, नेटकरी झाले भावूक 

Viral Video : आपले प्रेम सिद्ध करण्यासाठी काही लोकं सर्व मर्यादा ओलांडतात. आसाममधील एका तरुणाची अशीच काहीशी कहाणी चर्चेत आहे

Viral Video marathi news users emotional

Viral Video : प्रेमाला (Love Story) सीमा नसते, आपले प्रेम सिद्ध करण्यासाठी काही लोकं सर्व मर्यादा ओलांडतात. आसाममधील एका तरुणाची अशीच काहीशी कहाणी चर्चेत आहे, ज्याने आपले प्रेम सिद्ध करण्यासाठी समाजाचे सर्व नियम धाब्यावर बसवले. तरुणाने आपल्या मृत प्रेयसीची मागणी पूर्ण करून केवळ लग्नच केले नाही, तर आयुष्यभर अविवाहित राहण्याची शपथही घेतली. या संपूर्ण घटनेचा व्हिडीओ (Viral Video) सोशल मीडियावर व्हायरल होत आहे.

प्रेयसीच्या मृतदेहापाशी प्रियकर ढसाढसा रडला.
मीडिया रिपोर्ट्सनुसार, आसाममधील मोरीगाव येथील रहिवासी 27 वर्षाचा बिटुपन तामुली आणि चपरमुख येथील कोसुआ गावातील 24 वर्षाची प्रार्थना बोरा हे अनेक दिवसांपासून प्रेमात होते. पण नियतीला काही वेगळेच मंजूर होते. दीर्घकाळापासून आजारी असलेल्या प्रार्थनाला गुवाहाटी येथील खासगी रुग्णालयात दाखल करण्यात आले होते, तेथे शुक्रवारी तिचा मृत्यू झाला. बिटुपनला त्याच्या मृत्यूची बातमी कळताच तो हादरला. यानंतर, ताबडतोब तिच्या घरी पोहोचला आणि तिची वधू बनण्याची इच्छा पूर्ण करण्यासाठी तिच्या मृतदेहाशी लग्न केले. तिच्या मृतदेहापाशी बिटुपन ढसाढसा रडला.

 

 

येथे पाहा व्हिडिओ, जेव्हा प्रियकराने मृत प्रेयसीकडे मोठी मागणी केली पूर्ण

एका खासगी टीव्हीच्या रिपोर्टनुसार, प्रार्थना आणि बिटुपन खूप दिवसांपासून प्रेमात होते. दोघांनाही लवकरच लग्न करायचे होते. मात्र प्रार्थनाची तब्येत अचानक बिघडल्याने तिला 18 नोव्हेंबरला तातडीने रुग्णालयात नेण्यात आले. मात्र सर्व प्रयत्न करूनही डॉक्टर तिला वाचवू शकले नाहीत. वृत्तानुसार, बिटुपनने पुन्हा कधीही लग्न न करण्याची शपथ घेतली आहे.

अनोखे प्रेम पाहून संपूर्ण कुटुंबाचे हृदय पिळवटले

प्रार्थनाच्या नातेवाईकांनी सांगितले की, दोघांच्या घरच्यांना त्यांच्या नात्याबद्दल माहिती होती. या नात्याने आम्ही सर्वजण आनंदी होतो, पण नंतर आमच्या आनंदाला ग्रहण लागले. प्रार्थनेच्या अंतिम संस्कारावेळी बिटुपन खूप भावूक झाल्याचे त्यांनी सांगितले. त्यांचे हे अनोखे प्रेम पाहून संपूर्ण कुटुंबाचे हृदय अश्रूंनी भरून आले. या घटनेची व्हायरल क्लिप पाहिल्यानंतर प्रत्येकजण त्यांच्या प्रेमाला खरे प्रेम म्हणत आहे. बिटुपनने पुन्हा कधीही लग्न न करण्याची शपथ घेतली आहे

वाचा इतर महत्वाच्या बातम्या: