(Source: Dainik Bhaskar)
Thane News: ठाण्यात बांधकाम सुरू असताना मेट्रो 4 च्या गर्डरची लोखंडी प्लेट कोसळून महिलेचा मृत्यू, विव्हियाना मॉलजवळील घटना
विवियाना मॉलजवळ मेट्रोच्या कामाकरता खड्डा खोदण्यात आाला. खोदण्यात आलेल्या खड्ड्यामध्ये पिलरच्या सपोर्टसाठी लावण्यात आलेली लोखंडी प्लेट महिलेच्या अंगावर कोसळली.
ठाणे: ठाण्यात मेट्रो 4 च्या गर्डरची लोखंडी प्लेट कोसळल्याने महिलेचा मृत्यू झाला आहे. ठाण्यातील विवियाना मॉलजवळील घटना घडली आहे. स्थानिकांनी माहिती देताच राबोडी पोलीस घटनास्थळी दाखल झाले. महिलेला काढण्यात आले असून पोलीस या प्रकारचा अधिक तपास करत आहेत.
सुनिता बाबासाहेब कांबळे असे मृत्यू झालेल्या महिलेचे नाव आहे. महिलेचे वय 37 वर्षे असून महिला ठाण्यातील लोकमान्य नगर येथील डॉक्टर बाबासाहेब आंबेडकर चाळ येथे राहण्यास आहे. गुरूवारी सकाळी 9.30 ते 10 च्या दरम्यान हा अपघात घडले आहे. समोर आलेल्या माहितीनुसार, मुंबई नाशिक रोड जवळ असलेल्या विवियाना मॉलजवळ मेट्रोच्या कामाकरता खड्डा खोदण्यात आाला. खोदण्यात आलेल्या खड्ड्यामध्ये पिलरच्या सपोर्टसाठी लावण्यात आलेली लोखंडी प्लेट महिलेच्या अंगावर कोसळली. लोखंडी प्लेट अंगाावर कोसळल्याने महिलेचा जागीच मृत्यू झाला.
घटनेची माहिती मिळताच घटनास्थळी आपत्ती व्यवस्थापन कक्षाचे कर्मचारी, पिकअप वाहनासह, राबोडी पोलीस कर्मचारी आणि वर्तक नगर पोलीस कर्मचारी एका रुग्णवाहिकेसह उपस्थित होते.
महत्त्वाच्या बातम्या
ट्रेंडिंग न्यूज
