धक्कादायक! शाळेतून घरी परतणाऱ्या 10 वर्षीय मुलाचा दुचाकीच्या धडकेत मृत्यू, घटना CCTV त कैद, दोघांवर गुन्हा दाखल
भिवंडीत धक्कादायक घटना घडली आहे. शाळा सुटल्यानंतर रस्ता ओलांडत असलेल्या 10 वर्षीय मुलाचा वेगात आलेल्या दुचाकीने दिलेल्या जोरदार धडक दिल्याने मृत्यू झाल्याची दुर्दैवी घटना घडली
Thane Bhiwandi Accident : भिवंडीतील नारपोली पोलीस ठाण्याच्या हद्दीत धक्कादायक घटना घडली आहे. शाळा सुटल्यानंतर रस्ता ओलांडत असलेल्या 10 वर्षीय मुलाचा वेगात आलेल्या दुचाकीने दिलेल्या जोरदार धडक दिल्याने मृत्यू झाल्याची दुर्दैवी घटना घडली आहे. या अपघातात दुचाकी चालवणारा गौरव कैलास सोनवणे आणि त्याचे वडील कैलास एकनाथ सोनवणे दोघेही जखमी झाले आहेत. दोघांविरुद्ध विविध कलमान्वये गुन्हा दाखल करण्यात आला आहे. सर्वात महत्त्वाची बाब म्हणजे ही संपूर्ण घटना सीसीटीव्ही कॅमेऱ्यात स्पष्टपणे कैद झाली आहे. ज्यावरून पोलिसांनी पुढील कारवाई वेगाने सुरू केली आहे.
दुचाकीस्वराने निष्काळजीपणे आणि अत्यंत वेगात वाहन चालवत दिली धडक
फिर्यादी नितीन तानाजी कदम यांच्या तक्रारीनुसार, त्यांचा मुलगा श्रीनिवास नितीन कदम (वय 10) हा शाळा सुटून घरी जात असताना रस्ता ओलांडत होता. त्याच वेळी लाल रंगाच्या युनिकॉर्न मोटारसायकलवरून येणाऱ्या गौरव सोनवणे यांनी निष्काळजीपणे आणि अत्यंत वेगात वाहन चालवत थेट श्रीनिवास याला जोरदार धडक दिली. धडकेत मुलगा दूर फेकला गेला आणि त्याच्या डोक्यातून, हातातून व पायातून प्रचंड रक्तस्राव सुरू झाला. तातडीने रुग्णालयात हलविल्यानंतरही उपचारादरम्यान त्याचा मृत्यू झाला. या दुर्घटनेने परिसरात मोठी खळबळ उडाली असून शोककळा पसरली आहे.
अपघातात दुचाकीवरील बाप–लेक दोघेही जखमी
अपघातात दुचाकीवरील बाप–लेक दोघेही जखमी झाले आहेत. अल्पवयीन मुलगा वाहन चालवत होता, तसेच वाहन वेगाने व निष्काळजीपणे चालवल्याचे पुरावे सीसीटीव्हीत स्पष्ट दिसत असल्याने पोलिसांनी दोघांविरुद्ध विविध कलमान्वये गुन्हा दाखल केला असून नारपोली पोलीस अधिक तपास करत आहे.
महत्त्वाच्या बातम्या
