तिसऱ्या मजल्यावरचा स्लॅब दुसऱ्या मजल्यावर कोसळला, 4 वर्षाच्या मुलाचा मृत्यू, मिरा रोडमधील दुर्दैवी घटना

Mira Road Building Slab Collapses : सदरची इमारती ही 40 वर्षे जुनी असून ती धोकादायक घोषित करून नागरिकांना सुरक्षितपणे हलवण्याची कार्यवाही आधीच का केली नाही असा प्रश्न विचारला जात आहे.

Mira Road Building Slab Collapses

Source : ABP Majha Digital

ठाणे : मिरा रोडच्या नयानगर परिसरातील नूरजहान इमारतीत भीषण दुर्घटना घडली. इमारतीच्या तिसऱ्या मजल्याचा स्लॅब कोसळून थेट दुसऱ्या मजल्यावर कोसळला. या घटनेत एक चार वर्षीय निरागस बालक जागीच ठार झाला तर त्याचे वडील गंभीर जखमी झाले असून त्यांच्यावर उपचार सुरू आहेत.

सुमारे चाळीस वर्षे जुनी असलेली ही इमारत आधीपासूनच जीर्ण अवस्थेत होती. घटनेनंतर प्रशासनाने तातडीने इमारत रिकामी करण्याचे आदेश दिले आहेत. मात्र या घटनेनंतर गंभीर प्रश्न उपस्थित झाले आहेत, इतकी जुनी व धोकादायक स्थितीत असलेली इमारत वेळीच का रिकामी करण्यात आली नाही? असा प्रश्न उपस्थित केला जात आहे.

महापालिकेच्या कार्यपद्धतीवर प्रश्नचिन्ह

महानगरपालिकेने ही इमारत धोकादायक घोषित करून नागरिकांना सुरक्षितपणे हलवण्याची कार्यवाही आधीच का केली नाही? जर असे केले असते, तर एका चार वर्षांच्या निष्पाप जीवाचा बळी गेला असता का? असे प्रश्न नागरिकांकडून विचारले जात आहेत.

या घटनेने नयानगर परिसरात हळहळ व्यक्त केली जात आहे. नागरिकांचा संताप व्यक्त होत असून प्रशासनाच्या दुर्लक्षावर अनेक प्रश्नचिन्ह उपस्थित झाले आहेत.

या आधी मुंबईतील स्लॅब कोसळल्याच्या घटना

नवी मुंबई (नालासोपारा)

सै सिमरन इमारतीचा स्लॅब पडून चौथ्या मजल्यावर एका आई आणि तिच्या 14 वर्षीय मुलाला अडकले. अग्निशमन दलाने बचावकार्य करून दोघांनाही वाचवले. पुढे संपूर्ण इमारत रिकामी करून 22 फ्लॅटचे रहिवासी शाळेत तात्पुरते ठिकठिकाणी ठेवण्यात आले.

मुंबई (विक्रोळी)

विक्रोळी परिसरात एका इमारतीच्या स्लॅब कोसळून 10 वर्षीय मुलासह एकाच ठिकाणी दोन जणांचा मृत्यू झाला. ही दुर्घटना पहिल्या पावसाळ्यातील घटनेचा भाग होती.

मुंबई 

मुम्ब्रा येथे एका इमारतीच्या दुसऱ्या मजल्याचा स्लॅब कोसळला, ज्यामुळे 4 जण जखमी झाले. त्यांना उपचारासाठी रुग्णालयात दाखल करण्यात आले.

ठाणे परिसरातील स्लॅब कोसळण्याच्या घटना

ठाणे (कल्याण ईस्ट)

किरणावस्तीत, एका चार-मंजली इमारतीचा स्लॅब कोसळला आणि या घटनेत 6 जणांचा मृत्यू झाला. त्यात तीन महिला आणि एक मुलगी समाविष्ट आहे. बचाव कार्य सुरू असून तपास सुरू आहे.

ठाणे

जानेवारी 2024 मध्ये, मुम्ब्रा परिसरात दुसऱ्या मजल्याचा स्लॅब कोसळून चार जण जखमी झाले. लोकांना इमारतीतून बाहेर काढण्यात आले आणि रहिवासी दुसऱ्या ठिकाणी स्थलांतरित करण्यात आले.

ही बातमी वाचा: