BSNL, Airtel आणि Jio कंपनीच्या दीर्घ वैधतेसह फ्री कॉलिंगच्या बेस्ट ऑफर्स

भारतीय बड्या टेलिकॉम कंपन्या कमी किंमतीत आपल्या ग्राहकांना दीर्घकालीन सर्वोत्कृष्ट योजना ऑफर करतात. जेणेकरून त्यांचे ग्राहक दुसर्‍या कंपनीकडे त्यांचा नंबर पोर्ट करणार नाहीत.

रिलायन्स जिओ, एअरटेल आणि व्होडाफोन सारख्या कंपन्यांशी स्पर्धा करणारी सरकारी दूरसंचार कंपनी बीएसएनएल आपल्या युजर्ससाठी अनेक परवडणार्‍या योजना देत आहे. यात नि:शुल्क कॉलिंगबरोबरच डेटा बेनिफिट्सही देण्यात येत आहेत. वाढत्या स्पर्धेत युजर्सला कमी किंमतीत दीर्घ मुदतीसह विनामूल्य मेसेजेस आणि व्हॉईस कॉलिंग अशी वैशिष्ट्ये देणे हे चॅलेंजचं आहे. परंतु, बीएसएनएल आपल्या वापरकर्त्यांना ही योजना देत आहे. चला या योजनेबद्दल जाणून घेऊया.

BSNL चा 485 रुपयांचा प्लॅन BSNL दररोज 1.5 जीबी डेटासह एकूण 135 जीबी डेटा 485 रुपयांमध्ये देत आहे. या योजनेव्यतिरिक्त आपण देशातील कोणत्याही नेटवर्कवर विनामूल्य कॉल करू शकता. या योजनेचे वैशिष्ट्य म्हणजे FUP मर्यादेशिवाय मोफत कॉलिंग प्रदान केली जात आहे. एवढेच नाही तर या योजनेत तुम्ही दररोज 100 संदेश फ्री करू शकता. ही योजना 90 दिवसांसाठी वैध आहे.

Airtel चा 598 रुपयांचा प्लॅन बीएसएनएल व्यतिरिक्त, एअरटेल आपल्या वापरकर्त्यांना दीर्घ वैधता असलेली ऑफर देत आहे. एअरटेलच्या 598 रुपयांच्या प्लॅननुसार दररोज 1.5 जीबी डेटा मिळत आहे. आपण ही ऑफर निवडल्यास कोणत्याही नेटवर्कवर आपल्याला खरी अमर्यादित कॉलिंगची सुविधा उपलब्ध आहे. या योजनेची वैधता 84 दिवसांची आहे.

Jio चा 555 रुपयांचा प्लॅन याशिवाय रिलायन्स जिओसुद्धा 555 रुपयांमध्ये दररोज 1.5 जीबी डेटा देत आहे. या योजनेत यूजर्सना अमर्यादित कॉलिंगची सुविधा मिळत आहे. तसेच आपण दररोज 100 एसएमएस विनामूल्य करू शकता. आपण ही योजना घेतल्यास आपल्याला Jio अॅप्सवर विनामूल्य सदस्यता देखील दिली जाईल. ही योजना 84 दिवसांसाठी वैध आहे.