व्हॉट्स अॅपवरील चुकून डिलीट झालेले मेसेज 'असे' मिळवा परत

व्हॉट्स अॅपवरील चुकून डिलीट झालेले मेसेज पुन्हा मिळवता येतील, काही सोप्या स्टेप्स करतील मदत

मुंबई : सोशल मीडिया प्लॅटफॉर्म  असलेलं WhatsAppचा देशामध्ये अनेक लोक वापर करतात. मेसेज पाठवण्यासाठी सर्वात उत्तम असलेलं व्हॉट्स अॅप अल्पावधीतच अनेकांच्या जीवनाचा अविभाज्य घटक बनलं आहे. वेळेनुसार व्हॉट्स अॅपने यूजर्ससाठी अनेक बदल केले आहेत. अनेकदा व्हॉट्स अॅप वापरताना चुकून आपल्याकडून महत्त्वाचे मेसेज डिलीट होतात. त्यानंतर आपल्याला समजत नाही की, तो मेसेज पुन्हा कसा रिकव्हर करू शकतो. आज आम्ही तुम्हाला तेच सांगणार आहोत.

जर तुमच्याकडून चुकून डिलीट झालेल्या मेसेज तुम्हाला पुन्हा मिळवायचा असेल तर त्यासाठी सर्वप्रथम तुम्हाला चॅटचं बॅकअप घेणं आवश्यक आहे. जर तुम्ही वेळोवेळी गूगल ड्राइव्हमध्ये बॅकअप घेतलं असेल तर तुम्ही डिलीट झालेल्या मेसेज पुन्हा मिळवू शकता. लक्षात ठेवा जर तुम्हाला माहित असेल की, तुमचा एखादा महत्त्वाचा मेसेज डिलीट झाला असेल तर फोन अजिबात अपडेट करू नका. व्हॉट्सअॅप मेसेज पुन्हा मिळवण्याची ही पहिली पायरी आहे. त्यानंतर तुमचं व्हॉट्स अॅप अनइन्स्टॉल करून पुन्हा इन्स्टॉल करा.

या स्टेप्स फॉलो करा :

गूगल ड्राइव्ह/iCloud बॅकअपची मदद घ्या.

-चॅट डिलीट झालं असेल तर व्हॉट्सॅप अनइन्स्टल करा. - आता प्लेस्टोअर वरून पुन्हा इन्स्टॉल करा. - आपल्या जुन्या नंबरवरून व्हॉट्सअॅप सेटअप करा. - शेवटी तुम्हाला बॅकअप रिस्टोअर करण्यासाठी ऑप्शन मिळेल. - रिस्टोअर वर क्लिक करा आणि मेसेज रिस्टोअर होतील. - तुमचे डिलीट झालेले मेसेज आणि चॅट पुन्हा येतील.

लोकल बॅकअपच्या मदतीने डिलीट मेसेज पुन्हा मिळवता येऊ शकतात. ही पद्धत अॅन्ड्रॉइड फोनवरच वापरता येऊ शकते. व्हॉट्स अॅप दररोज रात्री दोन वाजता (नेट ऑन असेपर्यंत) डिव्हाइसमध्ये एक लोकल बॅकअपही तयार करण्यात येतं.

संबंधित बातम्या :