मुख्यमंत्री देवेंद्र फडणवीस विधानभवनात धडधडीत खोटं बोलले; शवविच्छेदनाचा रिपोर्ट खोटा आहे का? दिवंगत सोमनाथ सूर्यवंशी यांचा आईचा संतप्त सवाल
Somnath Suryavanshi Death Case : मुख्यमंत्री देवेंद्र फडणवीस हे विधानभवनात धडधडीत खोटं बोलले. असा आरोप सोमनाथ सूर्यवंशी यांच्या आई विजयाबाई सूर्यवंशी यांनी मुख्यमंत्र्यांना विचारला आहे.
Somnath Suryavanshi Death Case : मुख्यमंत्री देवेंद्र फडणवीस (Devendra Fadnavis) हे विधानभवनात (Vidhan Bhavan) धडधडीत खोटं बोलले. त्यांचे हे बोलणे म्हणजे महाराष्ट्राला आणि संविधानाला कलंक लावण्याचे काम आहे. माझ्या मुलाला पोलिसांनी मारले, घाटी रुग्णालयात न्यायधीशांसमोर शवविच्छेदन केले तो रिपोर्ट खोटा आहे का? असा सवाल सोमनाथ सूर्यवंशी (Somnath Suryavanshi) यांच्या आई विजयाबाई सूर्यवंशी यांनी मुख्यमंत्र्यांना विचारला आहे.
शवविच्छेदनाचा रिपोर्ट खोटा आहे का?- विजयाबाई सूर्यवंशी
संपूर्ण महाराष्ट्राला हादरवून सोडलेल्या सोमनाथ सूर्यवंशी यांच्या पोलिस कोठडीतील मृत्यू प्रकरणात मुंबई उच्च न्यायालयाच्या औरंगाबाद खंडपीठाने पोलिसांवर ताशेरे ओढले आहे. अशातच आता सोमनाथ सूर्यवंशी यांच्या आई विजयाबाई सूर्यवंशी यांनी मुख्यमंत्र्यांना जाब विचारत देवेंद्र फडणवीस हे विधानभवनात धडधडीत खोटं बोलले असल्याचा आरोप केला आहे. माझ्या मुलाला पोलिसांनी मारले, त्याचे शव विच्छेदन न्यायाधीशांसमोर करण्यात आले त्याचा रिपोर्ट काय खोटा आहे का? असा सवाल करत मुख्यमंत्री धडधडीत विधान भवनात खोटे बोलले असुन त्यांचे बोलले हे महाराष्ट्र आणि संविधानाला कलंक असल्याचेही त्या म्हणाला. माझ्या मुलांच्या मारेकऱ्यांना पाठीशी घालू नका, असे आवाहन दिवंगत सोमनाथ सूर्यवंशी यांच्या आई विजयाबाई सूर्यवंशी यांनी केल आहे. जे जे मध्ये जे रिपोर्टसाठी सरकार गेले त्याची माहिती आणि परवानगी आमच्याकडून घेण्यात आली नाही किंवा सांगण्यात ही आले नसल्याचे त्या म्हणाल्या आहे.
काय आहे संपूर्ण प्रकरण?
परभणीमध्ये 10 डिसेंबर 2024 रोजी स्टेशन रोडवरील डॉ. बाबासाहेब आंबेडकर यांच्या पुतळ्यासमोर असलेल्या संविधानाच्या प्रतिकृतीची तोडफोड करून विटंबना करण्यात आली होती. या विटंबनेमुळे संतप्त झालेल्या नागरिकांनी 11 डिसेंबर रोजी परभणी जिल्हा बंदची हाक दिली. बंददरम्यान परभणीत जाळपोळ आणि दगडफेकीच्या घटना घडल्या. त्यानंतर परभणी पोलिसांनी कोंबिग ऑपरेशन राबवत गुन्हे दाखल केले आणि सोमनाथ सूर्यवंशी यांनाही अटक केली. अटक केलेल्यांपैकी सोमनाथ सूर्यवंशी या 35 वर्षीय तरूणाचा न्यायालयीन कोठडीत मृत्यू झाला. सोमनाथ सूर्यवंशीच्या शरीरावर अनेक जखमा असल्याने सोमनाथ सूर्यवंशी यांचा मृत्यू झाल्याचे प्राथमिक अहवालात स्पष्ट झाले आहे. त्यामुळे पोलिसांच्या अमानुष मारहाणीमुळेच सोमनाथचा मृत्यू झाल्याचा आरोप केला गेला. सोमनाथ सूर्यवंशीच्या मृत्यूस जबाबदार धरून परभणी एलसीबीचे पोलिस निरीक्षक अशोक घोरबांड यांच्यावर सदोष मनुष्यवधाचा गुन्हा दाखल करून त्यांना तातडीने बडतर्फ करण्याची मागणी आंबेडकरी अनुयायांनी केली होती.
इतर महत्वाच्या बातम्या
महत्त्वाच्या बातम्या
