Solapur Airport : PM मोदींच्या हस्ते झालेल्या विमानतळाच्या उद्घाटनाला महायुतीच्या आमदारांची दांडी, काय दिली कारणं?
Solapur Airport : जिल्ह्यात एकूण 11 विधानसभा आमदार, 1 विधानपरिषद सदस्य, दोन खासदार आहेत. प्रणिती शिंदे, धैर्यशील मोहिते पाटील या दोन महाविकास आघाडीच्या खासदारांसह महायुतीच्या बहुतांश आमदारांनी उद्घाटनाच्या कार्यक्रमाकडे पाठ फिरवल्याचे दिसून आले.
सोलापूर : आज सोलापूर विमानतळाचे (Solapur Airport) पंतप्रधान नरेंद्र मोदींच्या (PM Narendra Modi) हस्ते ऑनलाईन पद्धतीने उद्घाटन करण्यात आले. मात्र, या कार्यक्रमाला जिल्ह्यातील बहुतांश आमदार आणि खासदारांनी दांडी मारल्याचं दिसून आले. जिल्ह्यात एकूण 11 विधानसभा आमदार, 1 विधानपरिषद सदस्य, दोन खासदार आहेत. प्रणिती शिंदे, धैर्यशील मोहिते पाटील या दोन महाविकास आघाडीच्या खासदारांसह महायुतीच्या बहुतांश आमदारांनी उद्घाटनाच्या कार्यक्रमाकडे पाठ फिरवल्याचे दिसून आले. सोलापूर विमानतळाचे उदघाट्न कार्यक्रम ऑनलाईन पद्धतीने असले तरी प्रशासनाने सोलापूर विमानतळावर या कार्यक्रमाचे थेट प्रेक्षपण आयोजित केले होते.
कार्यक्रमाचे निमंत्रण जिल्ह्यातील सर्व आमदार, खासदारांना देखील देण्यात आले होते. या कार्यक्रमाला भाजप आमदार सुभाष देशमुख आणि माजी खासदार डॉ. जयसिद्धेश्वर शिवाचार्य वगळता एक ही आमदार, खासदार गैरहजर होते. तर आपण सर्व लोकप्रतिनिधींना निमंत्रण दिले होते, अशी माहिती जिल्हाधिकारी कुमार आशीर्वाद यांनी दिली आहे. तर आपल्याला निमंत्रण होते त्यामुळेच आपण आलोय, इतरांबद्दल कल्पना नाही, अशी प्रतिक्रिया माजी खासदार डॉ. जायसिद्धेश्वर शिवाचार्य यांनी दिली आहे. या कार्यक्रमाला दांडी मारलेल्या आमदार खासदारांनी कारणं दिली आहेत
9 विधानसभा आमदार, 1 विधानपरिषद आमदार, 2 खासदार
(यातील दोन खासदार हे महाविकास आघाडीचे इतर सर्व जण 10 जण हे महायुतीचे आहेत)
1) सचिन कल्याणशेट्टी ( भाजप अक्कलकोट आमदार)
कारण : बंगळूरू येथे महत्वाचे धार्मिक कार्यक्रम असल्याने सहपरिवार आलोय. निमंत्रण होते पण पूर्वनियोजित कार्यक्रममुळे जमले नाही.
2) विजयकुमार देशमुख (भाजप उत्तर सोलापूर)
कारण : पहिल्या कार्यक्रमचे निमंत्रण होते पण ते कार्यक्रम रद्द झाले दुसऱ्यांदा निमंत्रण नसल्याने उपस्थित नाही. अक्कलकोट येथे बैठकीला होते.
3) राजेंद्र राऊत
(भाजप पुरस्कृत, बार्शीचे आमदार)
कारण : निमंत्रण होते पण मतदारसंघात कार्यक्रम आणि बैठक होते.
4) समाधान आवताडे
(भाजप, पंढरपूरचे आमदार)
कारण : निमंत्रण होते पण मंगळवेढा येथील पूर्वनियोजित कार्यक्रमात व्यस्त.
5) राम सातपुते
(भाजप - माळशिरस आमदार)
कारण : निमंत्रण होते पण मतदारसंघात संघटनात्मक बैठक होती.
6) शहाजीबापू पाटील
(शिवसेना शिंदे गट - सांगोला आमदार)
कारण : संपर्क झाला नाही. कारण अस्पष्ट
7) यशवंत माने
(राष्ट्रवादी अजित पवार गट - मोहोळ आमदार )
कारण : कारण अस्पष्ट, संपर्क झाला नाही.
8) बबनराव शिंदे
(राष्ट्रवादी अजित पवार गट - माढा आमदार )
9) संजय शिंदे
(राष्ट्रवादी अजित पवार गट पृरस्कृत अपक्ष - करमाळा आमदार )
10) प्रणिती शिंदे
( शहर मध्य आमदार होत्या आता खासदार झालेत.)
कारण : अकलूज येथे पूर्वनियोजित कार्यक्रम. उदघाटन आधीपासूनच झालेलं असल्याने हजर राहिले नाही.
11) धैर्यशील मोहिते पाटील
( शरद पवार गट - खासदार, माढा लोकसभा)
कारण : अकलूज येथे पूर्वनियोजित कार्यक्रम.
12. रणजितसिंह मोहिते पाटील, विधानपरिषद आमदार
कारण : संपर्क नाही, कारण अस्पष्ट
कार्यक्रमाला उपस्थित असलेले आमदार
- सुभाष देशमुख - आमदार भाजप दक्षिण सोलापूर
- जयसिद्धेश्वर महास्वामी - माजी खासदार
महत्त्वाच्या बातम्या
