Sangli : बैलाच्या अंगावर 'आम्ही साहेबांच्या सोबत' ची कलाकारी, सांगलीतल्या वाळवामधील शेतकऱ्याचं पवार प्रेम
Sangli News : एका शरद पवार (sharad pawar) प्रेमींने बैलाच्या अंगावर 'आम्ही साहेबांच्या सोबत'ची कलाकारी केली आहे.
Sangli News : बेंदूर सणाचे औचित्य साधून एका शरद पवार (sharad pawar) प्रेमींने बैलाच्या अंगावर 'आम्ही साहेबांच्या सोबत'ची कलाकारी केली आहे. सांगली (Sangli) जिल्ह्यातील वाळवा तालुक्यातील तांबवेमधील शेतकऱ्याने ही कलाकारी केली आहे. महाराष्ट्रामध्ये राजकीय वर्तुळात खळबळ माजली आहे. राष्ट्रवादी काँग्रेसमध्ये उभी फूट पडल्यानंतर विविध ठिकाणाहून लोक शरद पवार यांना पाठिंबा देत असून आपल्या भावना व्यक्त करत आहेत.
वाळवा तालुक्यातील तांबवे गावच्या बैलप्रेमींनी बेंदूर सणाचे औचित्य साधून बैलांच्या अंगावर रंगरगोटीद्वारे आम्ही साहेबांच्या सोबत आहोत असे लिहिले आहे. मजकुराची आणि बैलांची चर्चा सध्या तालुक्यात रंगली आहे. वाळवा तालुक्यातील आनंदराव गावडे यांनी काल (3 जुलै) बेंदुर सणाच्या निमित्तानं त्यांच्या कँप्टन आणि पल्सर या बैलांच्या अंगावर आम्ही साहेबांच्यासोबत अशी कलाकृती केली आहे. एका साईडला विठ्ठल आणि दुसऱ्या साईडला शरद पवार यांची छबी रेखाटली आहे. त्यावर आम्ही साहेबांच्या सोबत असे लिहिले आहे.
महाराष्ट्राच्या राजकारणात भूंकप
महाराष्ट्राच्या राजकारणात भूंकप झाला आहे. हा भूकंप अजित पवार यांनी घडवून आणला आहे. अजित पवार (Ajit Pawar) यांनी रविवारी (2 जुलै) राज्याच्या उपमुख्यमंत्रिपदाची शपथ घेतली आहे. अजित पवारांनी विरोधी पक्ष नेत्याचा राजीनामा देत शरद पवारांच्या नेतृत्वाला रामराम केला आहे. अजित पवारांनी चार वर्षात तिसऱ्यांदा उपमुख्यमंत्री पदाची शपथ घेतली आहे. पहाटेच्या शपथविधीवरुन शरद पवार आणि देवेंद्र फडणवीस यांच्यामध्ये आरोप-प्रत्योराप झाले होते. पहाटेच्या शपथविधीनंतर 72 तासात देवेंद्र फडणवीस आणि अजित पवार यांचे सरकार पडले होते. मात्र, आता दुपारी अजित पवार यांनी शपथविधी घेतली आहे. अजित पवारांसह छगन भुजबळ, दिलीप वळसे पाटील, हसन मुश्रीफ,धनंजय मुंडे, आदिती तटकरे ,धर्मरावबाबा अत्राम,संजय बनसोडे ,अनिल पाटील यांनी मंत्री पदाची शपथ घेतली आहे.
अजिप पवारांसोबत राष्ट्रवादीचा एक गट शिंदे-फडणवीस सरकारसोबत सामील झाला आहे. राष्ट्रवादीचे 40 आमदार आपल्यासोबत असल्याचा दावा भाजपचे प्रदेशाध्यक्ष चन्द्रशेखर बावनकुळे यांनी केला आहे. मात्र राष्ट्रवादीचे फक्त आमदारचं नव्हे तर 2 खासदार देखील अजित पवारांच्यासोबत गेले आहेत. राजभवनात खासदार सुनील तटकरे (Sunil Tatkare) आणि अमोल कोल्हे (Amol Kolhe) हे दोन्ही खासदार उपस्थित होते. त्यामुळं शरद पवार यांना हा मोठा धक्का मानला जात आहे. दरम्यान, अमोल कोल्हे यांनी आपण शरद पवार यांच्यासोबत असल्याचे ट्वीट केलं आहे.
महत्त्वाच्या बातम्या:
Maharashtra Politics: अजित पवारांसह 9 जण सत्तेत, सरकारमध्ये सध्या किती मंत्री, किती जागा शिल्लक? वाचा संपूर्ण माहिती
महत्त्वाच्या बातम्या
