Sangli Crime : आटपाडीत हॉस्पिटलमध्ये जाऊन रुग्णावर जादुटोणा; भोंदूबाज संजय गेळेला पोलिसांनी ठोकल्या बेड्या
बुधवारी रात्री सापळा रचून सांगलीत संजय गेळेला अटक केली. त्याची पत्नी अश्विनी अद्याप फरार आहे. आरोपी संजय गेळेला आटपाडी नायालयासमोर हजर केले असता नायालयाने त्याला 31 तारखेपर्यंत पोलीस कोठडी दिली.
Sangli Crime : आटपाडीमधील कथित ख्रिस्ती धर्म प्रचारक संजय गेळेला आटपाडी पोलीसांनी सांगलीत अटक केली. आटपाडीमधील वरद हॉस्पिटलमध्ये संजय गेळे व पत्नी अश्विनी या दोघांनी अतिदक्षता विभागात महिला पेशंटच्या डोक्यावर हात ठेवून प्रार्थना करून तंत्रमंत्र, जादूटोण्याने भोंदुगिरी करत अंधश्रध्दा पसरवली होती. याबाबत संपतराव नामदेव धनवडे यांनी फिर्याद दिली होती. आटपाडीचे पोलीस निरीक्षक शरद मेमाणे व सहकाऱ्यांनी ही कारवाई केली. बुधवारी रात्री सापळा रचून सांगलीत संजय गेळेला अटक केली. त्याची पत्नी अश्विनी अद्याप फरार आहे. आरोपी संजय गेळेला आटपाडी नायालयासमोर हजर केले असता नायालयाने त्याला 31 तारखेपर्यंत पोलीस कोठडी दिली.
धर्मपरिवर्तन करण्यास प्रवृत्त करणारे व अंधश्रध्दा पसरवण्याचा प्रकार तालुक्यात पहिल्यांदाच उघडकीस आला. गेळे दाम्पत्याचे छुपे काम या घटनेने उघडकीस आलं आहे. विविध समाज बांधव आणि हिंदुत्ववादी संघटनांनी या दाम्पत्यावर तत्काळ कारवाई करावी, त्यांना अटक करावी अशी मागणी केली होती. मोर्चा काढून या घटनेचा तीव्र निषेध केला होता. 25 डिसेंबरला आटपाडी शहरात एक दिवस कडकडीत बंद पाळण्यात आला होता. दरम्यान, संजय गेळेच्या कारभाराची चौकशी करा या मागणीसाठी उद्या सकल हिंदू समाजातर्फे आटपाडीमध्ये मोर्चाचे करण्यात आले आहे.
पोलिसांनी दिलेल्या माहितीनुसार संशयित आरोपी संजय गोळे आणि त्याची पत्नी अश्विनी गोळे यांनी (दोघेही रा. आटपाडी, जि. सांगली) अंगी दिव्यशक्त असल्याचे भासवून तसेच जादूटोणा करण्याच्या उद्देशाने वरद हाॅस्पिटलमधील अतिदतक्षता विभागात रुग्णाचे नातेवाईक असल्याचे सांगून घुसले होते. यानंतर त्यांनी रुग्णाच्या डोक्यावर हात फिरवत टॅबमधील मजकूर वाचून दाखवला होता. तसेच बोटाने शस्त्रक्रिया करत असल्याचे भासवून भोंदूगिरी करण्याचा प्रयत्न केला होता. धनवडे यांनी आपल्या तक्रारीत आटपाडीत बेकायदेशीर अंधश्रद्धा पसरवून धर्म परिवर्तन करण्याचे काम जाणून-बुजून सुरू असल्याचे म्हटले होते.
काय आहे प्रकरण?
आटपाडीमध्ये (Sangli News ) धर्मांतर, जादूटोणा, अंधश्रद्धा आदी विषयावरून खळबळ माजली आहे. संजय गेळे व त्याची पत्नी अश्विनी गेळे यांनी आपल्या अंगी दिव्य शक्ती असल्याचे भासवून जादूटोणा करून पेशंट बरा करण्याच्या उद्देशाने वरद हॉस्पिटलमधील अतिदक्षता विभागात रुग्णांचे नातेवाईक असल्याची खोटी माहिती दिली. तसेच आयसीयूमध्ये विनापरवानगी प्रवेश केला. सोनाली शिवदास जिरे (वय 18, रा. मापटेमळा आटपाडी) हिच्या कपाळावरून बोटे फिरवून टॅबमधील मजकूर वाचून बोटाने शस्त्रक्रिया करीत असल्याचे भासवले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
