Raj Thackeray: राज ठाकरे, विकी कौशल मराठी कविता वाचन करणार; छत्रपती शिवाजी पार्कवर गुंजणार मराठी आवाज
Raj Thackeray: छत्रपती शिवाजी पार्कवर येत्या मराठी भाषा दिनानिमित्त मराठी कविता वाचन कार्यक्रमाचे आयोजन करण्यात आले आहेत.
Marathi Bhasha Day: मराठी भाषा गौरव दिनानिमित्त (Marathi Bhasha Gaurav Din) महाराष्ट्र नवनिर्माण सेनेकडून (MNS) भव्य पुस्तक प्रदर्शन भरवणार आहे. येत्या 27 फेब्रुवारी 2025 रोजी, मराठी भाषा गौरव दिनाचं औचित्य साधत मुंबईतील छत्रपती शिवाजी महाराज मैदानावर महाराष्ट्र नवनिर्माण सेनेकडून एक भव्य पुस्तक प्रदर्शनाचं आयोजन करण्यात आलं आहे. याबाबत मनसेप्रमुख राज ठाकरे (Raj Thackeray) यांनी घोषणा केली आहे. या भव्य पुस्तक प्रदर्शनाच्या कार्यक्रमात अनेक दिग्गज उपस्थित राहणार आहेत.
छत्रपती शिवाजी पार्कवर येत्या मराठी भाषा दिनानिमित्त मराठी कविता वाचन कार्यक्रमाचे आयोजन करण्यात आले आहे. महाराष्ट्र नवनिर्माण सेनेचे अध्यक्ष राज ठाकरे यांनी या कार्यक्रमाची घोषणा केली आहे. यावेळी अभिनेता विकी कौशल, ज्येष्ठ गायिका आशा भोसले, प्रख्यात लेखक जावेद अख्तर, ज्येष्ठ अभिनेते अशोक सराफ, सोनाली बेंद्रे, नागराज मंजुळे, रितेश देशमुख, आशुतोष गोवारीकर, अभिजात जोशी, शर्वरी वाघ, विजय दर्डा, भरत दाभोळकर, गिरीश कुबेर, पराग करंदीकर, राजीव खांडेकर, महेश मांजरेकर, लक्ष्मण उतेकर या कार्यक्रमाला उपस्थित राहणार आहेत.
राज ठाकरे काय म्हणाले?
येत्या 27 फेब्रुवारी 2025 ला, मराठी भाषा गौरव दिनाचं औचित्य साधत मुंबईतील छत्रपती शिवाजी महाराज मैदानावर महाराष्ट्र नवनिर्माण सेना, एक भव्य पुस्तक प्रदर्शन भरवत आहे. हे पुस्तक प्रदर्शन चार दिवस म्हणजे 2 मार्च 2025 पर्यंत असेल. महाराष्ट्रातील सर्व नामांकित प्रकाशक या प्रदर्शनात त्यांची पुस्तकं घेऊन येत आहेत. मराठी साहित्याचं दर्शन घडवणारं हे सगळ्यात मोठं पुस्तक प्रदर्शन असेल याची मला खात्री आहे. या प्रदर्शनाचं औपचारिक उदघाट्न झाल्यावर काही मान्यवरांना बोलावून त्यांच्या आवडीची एक कविता त्यांनी म्हणावी असा विचार डोक्यात आला, आणि जवळपास 17 मान्यवरांशी मी बोललो आणि प्रत्येकाने आनंदाने या कल्पनेला होकार दिला. इतक्या मान्यवरांच्या मुखातून मराठी कविता ऐकणे हा एक अनुभव असेल तो प्रत्यक्ष अनुभवायला याच. पण, या पुस्तक प्रदर्शनाला, तुमच्या कुटुंबाला घेऊन नक्की या. आपली मराठी भाषा ही आपली ओळख आहे आणि आपली शक्ती पण या भाषेत किती अफाट साहित्य आणि त्यातून विचार निर्माण झाला आहे हे पुढच्या पिढयांना कळायलाच हवं. आणि हे का करावं लागेल तर आजकाल दोन मराठी माणसं सुद्धा सर्रास एकमेकांशी हिंदी किंवा इंग्रजीत बोलतात. असं का होतंय हे कळत नाही…मराठी उत्तम साहित्याची भाषा होतीच आणि ती परंपरा सुरु आहे ,पण मराठी ही आता ज्ञानची भाषा देखील व्हायला लागली आहे. जगभरातील अनेक उत्तमोत्तम पुस्तकं मराठीत येत आहेत, ज्यातून बदलत्या जगाचं भान येणं सहज शक्य आहे. हे आत्ताच पुढच्या पिढ्यांच्या मनात रुजवावं लागेल. आणि हे जर घडलं तर अजून ताकदीने लेखक, विचारवंत या भूमीत निर्माण होतील. मराठी माणसात वैश्विक दृष्टिकोन निर्माण व्हावा अशी आमची मनापासून इच्छा आहे, पण त्यासाठीची खिडकी ही मराठीची असावी. आणि म्हणूनच हे पुस्तक प्रदर्शन आयोजित करत आहोत. जरूर या प्रदर्शनाला भेट द्या. वाट बघतोय..., असं राज ठाकरे सोशल मीडियावर पोस्ट करत म्हणाले.
सस्नेह जय महाराष्ट्र,
— Raj Thackeray (@RajThackeray) February 21, 2025
येत्या २७ फेब्रुवारी २०२५ ला, मराठी भाषा गौरव दिनाचं औचित्य साधत मुंबईतील छत्रपती शिवाजी महाराज मैदानावर महाराष्ट्र नवनिर्माण सेना, एक भव्य पुस्तक प्रदर्शन भरवत आहे. हे पुस्तक प्रदर्शन चार दिवस म्हणजे २ मार्च २०२५ पर्यंत असेल. महाराष्ट्रातील सर्व नामांकित… pic.twitter.com/vAiLZEapXX
संबंधित बातमी:
पीओपीमुळे प्रदूषण जास्त- राज ठाकरे, VIDEO:
महत्त्वाच्या बातम्या
