महाडचा आमदार शिवसेना ठाकरे गटाचाच होणार, टाकाऊ आहे टाकून देऊ; पक्षप्रवेश करताच स्नेहल जगताप यांचा निर्धार
महाडात केवळ शिवसेना ठाकरे गटाचाच आमदार होईल, टाकाऊ आहे ते टाकून द्यायचं आहे, वडिलांचं स्वप्न पूर्ण करायचं आहे. आपल्याला अभिप्रेत असलेली शिवसेना उभी केल्याशिवाय स्वस्थ बसणार नाही, असे त्या म्हणाल्या.
Snehal Jagtap: महाडमधील शिवगर्जना रॅलीत शिवसेना ठाकरे गटाचे पक्षप्रमुख उद्धव ठाकरे यांच्या उपस्थितीत महाडच्या नगराध्यक्षा स्नेहल जगताप यांनी पक्षप्रवेश केला. यावेळी त्यांचे जोरदार स्वागत करण्यात आले. स्नेहल जगताप यांच्या प्रवेशानंतर खासदार अनंत गीते यांनी महाडचे नेतृत्व स्नेहल जगताप करणार ग्वाही दिली.
पक्षप्रवेशानंतर स्नेहल जगताप म्हणाल्या की, वडिलांच्या हात धरून राजकारणात आले. कोरोना कालखंडात उद्धव ठाकरे यांनी कुटुंबप्रमुख म्हणून भूमिका बजावली. धारावीचा अभ्यास जगाने केला. याच कोरोनाने माझे वडील गेले. त्यांनी 26 जुलै 2021 रोजी त्यांनी जगाचा निरोप घेतला. महाडने पूर अनुभवला. अण्णा कामाचा आढावा घेत होते, सूचना देत होते. महापुरानंतर आम्ही शहर पुन्हा उभा केले.महाडने खूप प्रेम दिलं आहे, माझ्या कुटुंबाला प्रेम दिलं आहे. त्यामुळे मी उभी आहे. या मतदारसंघातून शिवसेना आमदार सहावेळा निवडून आला आहे. या मतदारसंघात केवळ शिवसेना ठाकरे गटाचाच आमदार होईल, टाकाऊ आहे ते टाकून द्यायचं आहे, वडिलांचं स्वप्न पूर्ण करायचं आहे. आपल्याला अभिप्रेत असलेली शिवसेना उभी केल्याशिवाय स्वस्थ बसणार नाही.
रायगडात तीन तीन गद्दार जन्माला आले, हा रायगडला लागलेला कलंक
रायगडात तीन तीन गद्दार जन्माला आले, हा रायगडला लागलेला कलंक आहे. तो पुसून काढायचा आहे, त्यांना टकमक टोक दाखवल्याशिवाय राहणार नाही, असा इशारा खासदार अनंत गीते यांनी दिला. महाडचे नेतृत्व स्नेहल जगताप करणार असल्याची ग्वाही शिवसेना ठाकरे गटाचे नेते खासदार अनंत गीते यांनी दिली. महाडमधील एकमुखाने सर्वांनी शिवसेनेत प्रवेश केल्याचे ते म्हणाले. शिवगर्जना सभा विराट होत असल्याचे ते म्हणाले.
इतर महत्वाच्या बातम्या
महत्त्वाच्या बातम्या
