ठरलं! वंचितला ‘जय महाराष्ट्र’ म्हणत वसंत मोरेंनी पुण्यातील 'या' मतदारसंघावर केला दावा, विधानसभेला लढणार

Vasant More: वसंत मोरे यांनी पुणे लोकसभा निवडणूक वंचितकडून लढवली होती. मात्र त्यांना पराभव पत्करावा लागला. आता पुढील राजकीय वाटचाल मोरे हे ठाकरे गटातून पार पाडणार आहेत.  

Vasant More

पुणे : पुण्यातले (Pune News)  मनसेचे माजी नेते वसंत मोरे (Vasant More)  येत्या 9 तारखेला ठाकरे गटात प्रवेश करणार आहेत. त्याबद्दल आज मोरेंनी मातोश्रीवर जाऊन उद्धव ठाकरेंची (Uddhav Thackeray)  भेट घेतली.  उद्धव ठाकरेंच्या भेटीनंतर वसंत मोरेंनी आगामी विधानसभा लढवण्याचे संकेत दिले आहे.  पुण्यातील दोन  मतदारसंघावर त्यांनी  दावा ठोकला आहे.  मोरे यांनी पुणे लोकसभा निवडणूक वंचितकडून लढवली होती. मात्र त्यांना पराभव पत्करावा लागला. आता पुढील राजकीय वाटचाल मोरे हे ठाकरे गटातून पार पाडणार आहेत.  

वसंत मोरे म्हणाले, विधानसभा निवडणुकीसाठी मला दोन पर्याय आहेत.  आगामी निवडणूक  खडकवासला आणि हडपसर, दोन्हीकडून लढू शकतो.  पुणे शहरात माझं मतदान नव्हतं, माझा तो भाग नव्हता तरीही मला चांगली मते मिळाली.  माझ्यावर पहिला गुन्हा शिवसेनेत असताना झाला. मी बदलणार नाही, जनतेसाठी, जनतेच्या हितासाठी काम करत राहू.  शिवसेना शहरात आणि बाहेरच्या भागात त्यांची ताकद आहे, 10 नगरसेवक आहेत. बाहेर त्यांची ताकद आहे.  

'या' मतदारसंघातून मिळू शकते तिकिट

 उद्धव ठाकरे गटात प्रवेश केल्यानंतर वसंत मोरेंना   हडपसर किंवा खडकवासला या विधानसभा मतदारसंघातून त्यांना आमदारकीचं तिकीट मिळू शकते. वसंच मोरे उद्धव ठाकरेंची मातोश्रीवर जाऊन भेट घेतली आहे. यावेळी दोन्ही नेत्यांमध्ये महत्त्वाची चर्चा झाली आहे. वसंत मोरे यांना पुण्यातून वंचित बहुजन आघाडीने पाठिंबा दिला होता. मात्र, तरी त्यांचा पराभव झाला होता. आता ते ठाकरे गटात प्रवेश करणार असल्याची माहिती समोर आली आहे. आज माध्यमांशी बोलताना संजय राऊत यांनी सकाळी पत्रकारांशी बोलताना सांगितलं की, वसंत मोरे आमच्याकडे येत आहेत.

...अन् वसंत मोरेंना मिळाली राज्यभरात ओळख

वसंत मोरे यांची स्वतःच्या जीवावर निवडून येणारे नेते अशी ओळख आहे. त्यांनी राज ठाकरेंचे आदेश कधीच मोडले नाहीत. मनसेच्या प्रत्येक आंदोलनात त्यांनी सक्रिय सहभाग नोंदवला. कोरोना काळात वसंत मोरे यांच्या कामाचे सर्वांनीच कौतुक केले होते. जनतेची केलेली सेवा ते व्हिडीओमार्फत सोशल मीडियावर टाकतात. त्यामुळेच त्यांना राज्यभरात ओळख मिळाली आहे. 

हे ही वाचा :