Pune news : उन्हाचा चटका वाढला; राज्याला पुढील 10 दिवस 'ऑक्टोबर हिट'च्या झळा
पुढील दहा दिवस राज्याला ऑक्टोबर हीटच्या झळा बसणार आहे. त्यानंतर तापमानात हळूहळू घट होणार आहे, असं अंदाज हवामान विभागाचे शास्त्रज्ञ अनुपम कश्यपी यांनी व्यक्त केला आहे.
पुणे : पुढील दहा दिवस राज्याला ऑक्टोबर (october heat) हीटच्या झळा बसणार आहे. त्यानंतर तापमानात हळूहळू घट होणार आहे, असं अंदाज हवामान विभागाचे प्रमुख अनुपम कश्यपी यांनी व्यक्त केला. विदर्भात तापमान सरासरी 35 अंशावर जाणार असून मराठवाडा, उत्तर महाराष्ट्र, मध्य महाराष्ट्र, कोकणात सरासरी तापमान 33 अंश सेल्सिअस असण्याची शक्यता आहे. त्यामुळे पुढील दहा दिवस उन्हाच्या झळा जाणवणार आहे.
राज्याच्या बहुतांश भागांतून मान्सूनने माघार घेतल्याने कोरडे हवामान आहे. उन्हाचा तडाखा तीव्र स्वरुपाचा जाणवणार आहे. पावसाची शक्यता नाही. ही उष्णतेची लाट पुण्यापूरती मर्यादित नाही तर राज्यात उष्णतेच्या झळा जाणवणार आहे. गेल्या 24 तासांत राज्यातील सर्वाधिक तापमानाची नोंद ब्रह्मपुरी येथे 37.1 अंश सेल्सिअस तर अकोल्यात 37.2 अंश सेल्सिअस नोंद झाली. मध्य महाराष्ट्र, विदर्भ आणि मराठवाड्यातील काही भागात पारा 34 अंशांच्या वर गेला आहे.येत्या रविवारी म्हणजेच 15 ऑक्टोबरपर्यंत पुणे आणि परिसरात कमाल तापमान 35 ते 37 अंश सेल्सिअसच्या दरम्यान जाण्याची शक्यता हवामान खात्याने वर्तवली आहे. पाऊस नसल्यामुळे नागरिकांना पुढील आठवड्यात उष्णतेचा सामना करावा लागणार आहे.
मागील चार-पाच वर्षांच्या तुलनेत यंदा 14 दिवस अगोदर मोसमी वारे राज्यातून माघारी गेले आहे. त्यामुळे हवेतील बाष्पाचे प्रमाण कमी झाले आहे. सूर्याची किरणे थेट जमिनीवर पडत आहेत. सध्या सूर्य विषुववृत्तावर असल्यामुळे भारतीय उपखंडाला जास्त उष्णता मिळत आहे, असंही हवामान खात्याने सांगितलं आहे. देशातील वातावरणावर ऑगस्टपासून एल-निनोचा प्रभाव दिसून येत आहे. या सर्वांचा परिणाम म्हणून ऑक्टोबर हीटच्या झळा अधिक तीव्र झाल्या आहेत. पुढील दहा दिवस अशीच स्थिती राहण्याचा अंदाजही हवामान विभागाने व्यक्त केला आहे.
कोणत्या जिल्ह्यात किती तापमान ?
पुणे- 34.7 अंश सेल्सिअस
लोहगाव- 33.1 अंश सेल्सिअस
अहमदनगर-NA
जळगाव- 36.2 अंश सेल्सिअस
कोल्हापुर-32.6 अंश सेल्सिअस
महाबळेश्वर-26.4अंश सेल्सिअसनाशिक- 33.7अंश सेल्सिअस
सांगली- 32.7अंश सेल्सिअस
सातारा- 32.8अंश सेल्सिअस
सोलापुर-35.2अंश सेल्सिअस
मुंबई-31.7अंश सेल्सिअस
सांताक्रूज-33.6अंश सेल्सिअस
अलिबाग-31.6अंश सेल्सिअस
रत्नागिरी-33.5अंश सेल्सिअस
पणजी-32.0अंश सेल्सिअस
डहाणू -33.6अंश सेल्सिअस
उस्मानाबाद-Na
औरंगाबाद-34.2अंश सेल्सिअस
परभणी- 35.7अंश सेल्सिअस
नांदेड-NA
बीड-32.7अंश सेल्सिअस
अकोला- 37.2अंश सेल्सिअस
अमरावती-35.0अंश सेल्सिअस
बुलढाणा-33.2अंश सेल्सिअस
ब्रम्हपूरी-35.8 अंश सेल्सिअस
चंद्रपूर-35 अंश सेल्सिअस
गोंदिया-34.9अंश सेल्सिअस
नागपुर-36.1 अंश सेल्सिअस
वाशिम-36.0 अंश सेल्सिअस
वर्धा-35.5 अंश सेल्सिअस
यवतमाळ-35.7 अंश सेल्सिअस
इतर महत्वाची बातमी-
महत्त्वाच्या बातम्या
ट्रेंडिंग न्यूज
