![ABP Premium](https://cdn.abplive.com/imagebank/Premium-ad-Icon.png)
Pune news : पुण्यात अन्न, औषध प्रशासनाची मोठी कारवाई; लाखोंचा गुटखा जप्त
अन्न व औषध प्रशासनाने पुणे विभागात मोठी कारवाई केली आहे. सुमारे 30 लाख 37 हजार रुपये किंमतीचा गुटखा, पानमसाला आदी प्रतिबंधित पदार्थाचा साठा जप्त करण्याची कारवाई करण्यात आली आहे.
![Pune news : पुण्यात अन्न, औषध प्रशासनाची मोठी कारवाई; लाखोंचा गुटखा जप्त pune news Food and Drug Administration in pune 30 lakh 37 thousand Gutkha, Panmasala stock seized Pune news : पुण्यात अन्न, औषध प्रशासनाची मोठी कारवाई; लाखोंचा गुटखा जप्त](https://feeds.abplive.com/onecms/images/uploaded-images/2022/11/05/b7a55763bd641f8d73a6c117bf4528871667645244970442_original.jpeg?impolicy=abp_cdn&imwidth=1200&height=675)
Pune news : अन्न व औषध प्रशासनाने (Food and Drugs) पुणे विभागात (Pune update) मोठी कारवाई केली आहे. सुमारे 30 लाख 37 हजार रुपये किंमतीचा गुटखा, पानमसाला आदी प्रतिबंधित पदार्थाचा साठा जप्त करण्याची कारवाई करण्यात आली आहे. पुणे कार्यालयाने वारजे माळवाडी परिसरातील मे. मुकेश सुपर मार्केट येथे विमल पान मसाला, आर एम डी पान मसाला, व्ही. एन सुगंधित तंबाखू या प्रतिबंधित पदार्थाचा सुमारे 1 लाख 20 हजार 129 रुपये किंमतीचा साठा जप्त करण्यात आला आहे.
मालक मुकेश कुमार अग्रवाल यांच्याविरुद्ध वारजे पोलिस ठाण्यात गुन्हा दाखल करुन अटक करण्यात आली आहे. या ठिकाणी पुन्हा प्रतिबंधित पदार्थाची विक्री रोखण्यासाठी सगळा माल जप्त करण्यात आला आहे.दुकानाचे नोंदणी प्रमाणपत्र रद्द करण्याची कारवाई करण्यात येत आहे. तसंच यापूर्वी बावधन येथील मे. नरेंद्र ट्रेडर्सचे मालक गोविदराम प्रजापती यांच्याकडून सुमारे 23 हजार 350 रुपये किमतीचा साठा जप्त करून त्यांच्याविरुद्ध हिंजवडी पोलिस ठाण्यात अहवाल देखील देण्यात आला आहे.
सांगली ,कोल्हापूरमध्येही कारवाई
कोल्हापुर कार्यालयातर्फे कनार्टकमधून वाहनातून महाराष्ट्रामध्ये विक्रीसाठी सुमारे 18 लाख 72 हजार 100 रुपये किंमतीचा प्रतिबंधित पदार्थाचा साठा तसेच 8 लाख 50 हजार रुपये किंमतीचे वाहन असा सुमारे 27 लाख 22 हजार 100 रुपये किमतीचा मुद्देमाल जप्त करण्यात आला असून या प्रकरणी त्यांच्याविरुद्ध गोकुळ शिरगाव पोलिस ठाणे, कोल्हापुर येथे गुन्हा दाखल करुन त्यांना अटक करण्यात आली आहे. सांगली कार्यालयातर्फे मागील पाच दिवसात विविध सात ठिकाणावरून सुमारे 1 लाख 71 हजार 519 रुपये किंमतीचा प्रतिबंधित पदार्थाचा साठा जप्त करुन संबंधितांविरुद्ध गुन्हा दाखल करुन त्यांना अटक करण्यात आलेली आहे.
टोल फ्री क्रमांकारवर संपर्क साधण्याचं आवाहन
पुणे विभागातील सर्व किराणा, पान टपरी अशा अन्न पदार्थाच्या व्यावसायिकांनी आपल्या दुकानातून प्रतिबंधित पदार्थाची विक्री करु नये. अन्न किंवा औषध संबंधात कोणतीही तक्रार असल्यास नागरिकांनी प्रशासनाच्या टोल फ्री क्रमांक 1800222365 वर संपर्क साधण्याचे आवाहन अन्न व औषध प्रशासन पुणे विभागाचे सह आयुक्त संजय नारागुडे यांनी केलं आहे. मागील काही दिवसांपासून अन्न व औषध प्रशासनाने कारवाईचा तडाखा लावला आहे. ऐन दिवाळीत त्यांनी अनेक ठिकाणांवर कारवाई केली होती.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)