![ABP Premium](https://cdn.abplive.com/imagebank/Premium-ad-Icon.png)
पुणेकरांनो आता बाहेर पडू नका! पुण्यातील अनेक भाग महापालिका सील करणार
कोरोनाचा वाढता प्रादुर्भाव रोखण्यासाठी पुणे महापालिकेने शहरातील संवेदनशील भाग सील करण्याचा निर्णय घेतला आहे. आज मध्यरात्रीपासून ही नियम लागू करण्यात येणार आहे.
![पुणेकरांनो आता बाहेर पडू नका! पुण्यातील अनेक भाग महापालिका सील करणार Pune Municipal corporation will seal many parts of Pune पुणेकरांनो आता बाहेर पडू नका! पुण्यातील अनेक भाग महापालिका सील करणार](https://static.abplive.com/wp-content/uploads/sites/4/2020/04/06202141/Pune.jpg?impolicy=abp_cdn&imwidth=1200&height=675)
पुणे : पुण्यातील खुप मोठा परिसर सील करण्याचा निर्णय महापालिकेने घेतला आहे. पुण्यातील महर्षी नगर ते आरटीओ कार्यालयापर्यंतचा काही किलोमीटरचा परिसर आणि संपुर्ण कोंढवा परिसर आज रात्रीपासून सील करण्यात येणार आहे. राज्यात सर्वात पहिल्यांदा कोरोनाचा रुग्ण पुण्यातच आढळला होता. आता जरी मुंबईत कोरोनाचे रुग्ण जात असले तरी सुरुवातीचा आठवडा पुणे राज्यात अग्रेसर होते. आता कोरोना संक्रमितांची संख्या धीम्या गतीने वाढत आहे. मात्र, याला आणखी अटकाव बसला नाही. परिणाणी कोरोनाच्या दृष्टीने संवेदनशील असलेले भाग पुणे महापालिकेकडून सील करण्याचा निर्णय घेतला आहे. आताच्या घडीला पुण्यात 41 कोरोनाग्रस्त आहेत.
कोरोना प्रादुर्भावाचा अंदाज घेऊन विद्यापीठ, महाविद्यालय अन् सीईटी परीक्षेचे वेळापत्रक नव्याने जाहीर होणार
महर्षी नगर ते आरटीओ कार्यालयाच्या दरम्यान पुण्यातील सोमवार, मंगळवार, गुरुवार, कसबा, रास्ता या पेठा, स्वारगेट, गुलटेकडी, मार्केटयार्ड, खडकमाळ वगैरे भागांचा समावेश होतो. या भागात कोरोनाचे 37 पॉझिटीव्ह रुग्ण आढळलेत. तर कोंढवा भागात पाच पॉझिटीव्ह रुग्ण आढळलेत. त्याचबरोबर हा सगळा परिसर दाट लोकवस्तीचा आहे. हा परिसर सील केल्यानंतर या भागातील कोणालाही या परिसरातुन बाहेर पडता येणार नाही आणि बाहेरच्या भागात राहणाऱ्या कोणा व्यक्तीलाही या परिसरात जाता येणार नाही. या परिसरातील गल्ली- बोळातील सगळे रस्ते बॅरीकेडींग करुन सील करण्याच्या सुचना महापालिकेकडून पोलिसांना करण्यात आल्यात. जीवनावश्यक वस्तूंचा पुरवठा करणार्या व्यक्ती मात्र ठराविक कालावधीत या भागात जाऊ शकतील. या दोन भागांव्यतिरिक्त आणखी काही भाग अशाप्रकारे येत्या दिवसांमधे सील करावे लागू शकतात असं महापालिकेने म्हटलयं. त्यामुळे संपुर्ण पुण्यातील नागरिकांनी आठवड्याभरासाठी लागणारा भाजीपाला आणि किराणा आधीच खरेदी करावा अशा लेखी सुचना देखील महापालिकेच्या वतीने करण्यात आलीय.कोरोना 'मातोश्री'च्या उंबरठ्यावर, मातोश्री परिसरातील चहावाल्याला कोरोनाची लागण
राज्यात कोरोनाचे हॉटस्पॉट सील ज्या भागात कोरोना संक्रमित रुग्णांची संख्या अधिक आहे किंवा ज्या भागातून कोरोना पसरण्याची शक्यता अधिक आहे. अशा भागांना कोरोना हॉटस्पॉट म्हणून घोषित करण्यात आले आहे. मुंबईतील धारावी, मालाडसह अन्य काही ठिकाणं हॉटस्पॉट म्हणून घोषित केली आहे. राज्यात अनेक जिल्ह्यात अशी हॉटस्पॉट जाहीर करण्यात आली आहे. या संवेदनशील भागांना आता सील करण्यासाठी प्रयत्न सुरु केल्याची माहिती मिळत आहे.
Pune Universirty | पुणे विद्यापीठातील एनएसएसचे स्वयंसेवक नागरिकांच्या मदतीला
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)