Pune : PMPML चालकांनो, हेडफोन विसरा नाहीतर नोकरी जाणार; ड्रायव्हिंग करत असताना मोबाईल पाहिल्यास निलंबनाची कारवाई
Pune News : काही चालक बस चालवत असताना सर्रास मोबाईल किंवा हेडफोनचा वापर करत असल्याच्या अनेक तक्रारी आल्या आहेत. त्यावर PMPML संचालक मंडळाच्या बैठकीत निर्णय घेण्यात आला.
पुणे : पीएमपीएमएल चालकांसाठी एक महत्त्वाची बातमी असून ड्रायव्हिंग करताना मोबाईल-हेडफोन (Mobile Phone) वापरास बंदी घालण्यात आली आहे. या नियमाचे उल्लंघन केल्यास थेट निलंबनाची (Immediate Suspension) कारवाई करण्याचे आदेश देण्यात आले आहेत. पीएमपीएमएलच्या संचालक मंडळाच्या बैठकीत वाहतूक सुरक्षेच्या दृष्टिकोनातून हा मोठा निर्णय घेतला आहे.
प्रवाशांच्या सुरक्षिततेसाठी पुणे महानगर परिवहन महामंडळ लिमिटेडची (PMPML) बैठक 4 सप्टेंबर रोजी पार पडली. त्यामध्ये पीएमपीएमएल बसचे काही चालक हे कानाला हेडफोन लावून बस चालवत असल्याच्या अनेक तक्रारी आल्या. यावर रीजनल ट्रान्सपोर्ट ऑफिसर (Regional Transport Officer) आणि PMPML चे संचालक (Director) यांनी अशा चालकांच्या असुरक्षित वर्तनाबाबत गंभीर चिंता व्यक्त केली.
काही चालक बस चालवताना मोबाईलवर बोलत असल्याचे किंवा हेडफोन वापरत असल्याचे अनेक प्रकरणे समोर आली आहेत. या नियमभंगामुळे एक अपघातही झाला होता, त्यामुळे अधिकाऱ्यांनी त्यावर संताप व्यक्त केला आहे.
Pune PMPML Oder : नवीन आदेशात काय म्हटलंय?
- बस चालकांना (Bus Drivers) त्यांचामोबाईल फोन कॉन्डक्टरकडे (Conductor) सुपूर्द करावा लागेल, आणि ड्यूटी संपेपर्यंत त्यांना मोबाईल परत मिळणार नाही.
- हा नियम पाळला नाही तर अशा चालकांचे त्वरित निलंबन केले जाईल.
- हा आदेश PMPML अंतर्गत कार्यरत खाजगी बस कंत्राटदारांवर (Private Bus Contractors) ही लागू होतो. डिपो व्यवस्थापक (Depot Managers) याची काटेकोर दक्षता घ्यायला सांगितली आहे.
PMPML प्रशासनाने सर्व चालकांना जबाबदारीपूर्वक बस चालवण्याचे आणि नियम काटेकोर पाळण्याचे आवाहन केले आहे. प्रवाशांच्या सुरक्षिततेसाठी हा निर्णय अत्यंत महत्त्वाचा मानला जात आहे.
ही बातमी वाचा:
महत्त्वाच्या बातम्या
