धक्कादायक! अल्पवयीन मुलाने टेम्पो चालवून चार वाहनांना दिली धडक, पुण्यातील हडपसरमध्ये ऐन गर्दीच्या वेळी घडला प्रकार 

पुण्यात एक धक्कादायक घटना घडली आहे. एका 17 वर्षांच्या अल्पवयीन मुलाने टेम्पो चालवून चार वाहनांना धडक दिल्याचा प्रकार घडला आहे.

Pune Accident News

Source : Getty Images

Pune Accident News :  पुण्यात एक धक्कादायक घटना घडली आहे. एका 17 वर्षांच्या अल्पवयीन मुलाने टेम्पो चालवून चार वाहनांना धडक दिल्याचा प्रकार घडला आहे. पुण्यातील हडपसर भागात ऐन गर्दीच्या वेळी हा प्रकार घडल्याने काही काळ भीतीचं वातावरण निर्माण झालं होतं. दरम्यान, यामध्ये कोणीही जखमी झाले नसले तरी वाहनांची नुकसान झाल्याची माहिती मिळत आहे. 

पोलिसांच्या सुचनेला न जुमानता हा टेंपो वेगाने पुढे निघाला

टेम्पो  पॉइंट दरम्यान पोलिसांनी MH 42 AR 4246 या क्रमांकाचा टेम्पो थांबवण्याचा प्रयत्न केला. मात्र पोलिसांच्या सुचनेला न जुमानता हा टेंपो वेगाने पुढे निघाला. यावेळी चार वाहनांना या टेम्पोने धडक दिली. टेम्पो थांबल्यानंतर लोकांनी या 17 वर्षांच्या टेम्पो चालकाला चोप दिला आणि पोलिसांच्या हवाली केलं. त्यानंतर टेम्पोच्या मालकावर गुन्हा दाखल करण्यात आला आहे. 

सांगली जिल्ह्यातील कराड तासगाव मार्गावर खासगी ट्रॅव्हल्स बसचा भीषण अपघात, दोघांचा जागीच मृत्यू

सांगली जिल्ह्यातील कराड तासगाव मार्गावर खासगी ट्रॅव्हल्स बसचा भीषण अपघात झाला आहे. यामध्ये बस चालक आणि क्लीनर या दोघांचा जागीच मृत्यू झाला आहे. मुंबईहून तासगावच्या दिशेने जात असताना  भरधाव वेगातील ट्रॅव्हल्सवरील चालकाचा ताबा सुटला आणि बस पलटी होऊन रस्त्याकडेला असलेल्या झाडावर जाऊन धडकली. या दुर्दैवी घटनेत बस चालक आणि क्लीनर या दोघांचा जागीच मृत्यू झाला असून, बसमधील अनेक प्रवासी किरकोळ जखमी झाले आहेत. अपघाताची माहिती मिळताच कुंडल पोलिसांनी तातडीने घटनास्थळी धाव घेतली. ​कराड तासगाव महामार्गाच्या रुंदीकरणाचे काम पूर्ण झाले असले, तरी घोगाव व पलूस हद्दीतील पुलाची रुंदी वाढवण्यात आलेली नाही आणि हे काम अजूनही अर्धवट स्थितीत आहे.

 

चिक्कोडी तालुक्यातील हिरेकोडी-चिक्कोडी रस्त्यावर एक भीषण अपघात घडला आहे. भरधाव वेगाने जाणाऱ्या ट्रक चालकाचा वाहनावरील  ताबा सुटल्याने ट्रक थेट रस्त्याच्या कडेला असलेल्या वीज खांबाला धडकून शेतात उलटला. ट्रक उलटून भीषण अपघात झाला असला, तरी सुदैवाने यात कोणतीही जीवितहानी झालेली नाही.

राखेने भरलेला हा ट्रक अत्यंत वेगाने हिरेकोडी-चिक्कोडी रस्त्यावरून जात होता. अचानक चालकाचे ट्रकवरील नियंत्रण सुटले आणि ट्रक रस्त्याशेजारी असलेल्या वीज खांबावर जाऊन जोरात धडकला. ही धडक इतकी भीषण होती की, वीज खांब पूर्णपणे मोडून पडला आणि ट्रक थेट बाजूच्या शेतात जाऊन पलटी झाला. वीज खांबाला धडक दिल्याने विद्युतभारीत ताराही खाली पडल्या पण अनर्थ टळला.