Pune Bypoll Election : पुणे पोटनिवडणुकीच्या पार्श्वभूमीवर पोलिसांचे आदेश; मतदान केंद्राजवळील दुकाने, टपऱ्या रविवारी बंद
रविवारी कसबा आणि चिंचवड पोटनिवडणुकीसाठी मतदन होणार आहे. यावेळी सुरक्षेच्या कारणास्तव मतदान केंद्रापासून शंभर मीटर अंतरावरील सर्व दुकानं बंद ठेवण्याचे आदेश पुणे शहर पोलिसांनी दिले आहेत.
Pune Bypoll Election : रविवारी कसबा आणि चिंचवड (Kasba Bypoll Election) पोटनिवडणुकीसाठी मतदन होणार आहे. यावेळी सुरक्षेच्या कारणास्तव मतदान केंद्रापासून शंभर मीटर अंतरावरील सर्व दुकानं बंद ठेवण्याचे आदेश पुणे शहर पोलिसांनी दिले (Pune Police) आहेत. मतदान केंद्राच्या परिसरातील भोजनालये आणि बार बंद ठेवण्यास सांगितलं आहे. या आदेशाचे उल्लंघन केल्यास कारवाई करण्यात येईल, असा इशारा पोलिसांनी दिला आहे. कसबा मतदारसंघाच्या (Kasba Election) निवडणुकीपूर्वी 18 जानेवारीपासून आचारसंहिता लागू झाली आहे. 26 तारखेला रविवारी मतदान होणार असून 2 मार्चला निकाल (Maharashtra Pune Bypoll Election Result) जाहीर होणार आहे.
निकाल जाहीर होईपर्यंत आचारसंहिता लागू राहणार आहे. कसबा मतदार संघात समर्थ, फरासखाना, विश्रामबाग, खडक आणि दत्तवाडी पोलीस ठाणे येतात. निवडणुकीसाठी 76 मतदान केंद्रांवर एकूण 270 बूथ तयार करण्यात आले आहेत. शांततेत आणि सुरळीत मतदान व्हावे आणि सार्वजनिक शांतता आणि मालमत्तेला कोणताही धोका पोहोचू नये यासाठी पोलिसांनी या उपाययोजना केल्या आहेत. त्यांनी कसबा विधानसभा मतदारसंघाचा मतदार नसलेल्या किंवा राजकीय पक्षाचा सदस्य नसलेल्या कोणत्याही राजकीय व्यक्तीला मतदारसंघात राहण्यास किंवा राहण्यास बंदी घातली आहे.
शिवाय, निकाल जाहीर झाल्यानंतर विजयी मिरवणुका काढण्यास पोलिसांनी मनाई केली आहे. 2 मार्च रोजी कोरेगाव पार्क येथील भारतीय अन्न महामंडळाच्या (FCI) गोदामात मतमोजणी होणार आहे. मतमोजणी क्षेत्राच्या दोनशे मीटरच्या आत सुरक्षा दलांशिवाय कोणालाही शस्त्रे ठेवण्याची परवानगी दिली जाणार नाही आणि या परिसरात मोबाईल फोन, लाऊडस्पीकर आणि वाहनांचा वापर करण्यास मनाई असेल. मतमोजणी क्षेत्रात कोणताही मजकूर लिहिता येणार नाही. निवडणुका शांततेत आणि सुव्यवस्थितपणे पार पडाव्यात यासाठी या उपाययोजना करण्यात आल्या आहेत. याबाबत सर्व नागरिकांनी सहकार्य करावे, असे आवाहन पुणे पोलिसांनी केले आहे.
पुण्यात दुकाने, टपऱ्या रविवारी बंद
पुण्यात रविवारी मतदान असल्याने पोलिसांनी आस्थापने बंद ठेवण्यासाठी आदेश काढले आहेत. मतदान केंद्राच्या 100 मीटर अंतरातील दुकाने, टपऱ्या रविवारी बंद ठेवण्याचे आदेश देण्यात आले आहे. पोलीस सहआयुक्त संदीप कर्णिक यांनी हे आदेश काढले असून या आदेशाचे उल्लंघन केल्यास कारवाई करण्यात येणार आहे.
18 दिवसांपासून जल्लोषात प्रचार
पुणे पोटनिवडणूक जाहीर झाल्यानंतर आणि उमेदवार घोषित झाल्यानंतर मागील 18 दिवसांपासून जल्लोषात प्रचार सुरु आहे. उमेदवार आणि पक्षाच्या नेतेमंडळींनी कसबा मतदार संघ पिंजून काढला आहे.
महत्त्वाच्या बातम्या
ट्रेंडिंग न्यूज
