![ABP Premium](https://cdn.abplive.com/imagebank/Premium-ad-Icon.png)
Pune Crime News: धक्कादायक! पुण्यात 8 लाखांचे अमली पदार्थ जप्त; तस्कराला अटक
Pune Crime News: गुन्हे शाखेच्या अंमली पदार्थ विरोधी पथकाने येरवडा येथे एका अमली पदार्थ तस्कराला अटक केली आहे. त्याच्याकडून Mephedrone, ७.८८ लाख रुपये किमतीचे मोबाईल जप्त करण्यात आले आहेत.
![Pune Crime News: धक्कादायक! पुण्यात 8 लाखांचे अमली पदार्थ जप्त; तस्कराला अटक maharashtra new Pune Crime News Mephedrone worth 8 lakh seized from smuggler Pune Crime News: धक्कादायक! पुण्यात 8 लाखांचे अमली पदार्थ जप्त; तस्कराला अटक](https://feeds.abplive.com/onecms/images/uploaded-images/2022/05/01/d879474fb9e2eff50e521c0b6b495667_original.jpg?impolicy=abp_cdn&imwidth=1200&height=675)
Pune Crime News: गुन्हे शाखेच्या अंमली पदार्थ विरोधी पथकाने येरवडा येथे एका अमली पदार्थ तस्कराला अटक केली आहे. त्याच्याकडून मेफेड्रॉन (Mephedrone), इलेक्ट्रॉनिक वजनाचा तराजू, ७.८८ लाख रुपये किमतीचे मोबाईल जप्त करण्यात आले आहेत. समीर उर्फ आयबा शाहजहान शेख असे अटक केलेल्या आरोपीचं नाव आहे.
काय आहे प्रकरण?
शेख हा अमली पदार्थांच्या तस्करीत कुख्यात गुन्हेगार आहे. त्याच्यावर यापूर्वीच चार ड्रग्ज गुन्ह्यांचे गुन्हे दाखल आहेत. येरवडा आणि इतर भागात हायप्रोफाईल पार्ट्यांमध्ये तो अमली पदार्थांची विक्री करत होता. त्याचे अनेक ग्राहक अमली पदार्थांची तस्करी करण्यासाठी यायचे. अमली पदार्थ विरोधी पथक व पथकातील पोलीस निरीक्षक विनायक गायकवाड येरवड्यातील पर्णकुटी परिसरात गस्त घालत होते. त्यावेळी पर्णकुटी टेकडीच्या पायथ्याशी कर्मचारी विशाल शिंदे याला थांबवून त्याच्याकडे अमली पदार्थ असल्याचे आढळून आले.
पोलीस उपायुक्त श्रीनिवास घाडगे, सहाय्यक आयुक्त गजानन टोम्पे यांच्या मार्गदर्शनाखाली कर्मचारी मारुती पारधी, मनोज साळुंके, पांडुरंग पवार, विशाल दळवी यांनी सापळा रचून शेख याला पकडले. त्याच्याकडून 52 ग्रॅम मेफेड्रोन, एक बॅग आणि एक मोबाईल असा एकूण 7 लाख 81 हजार रुपये किमतीचा मुद्देमाल जप्त करण्यात आला आहे.
महिन्याभरापुर्वीसुद्धा 12 लाख रुपयांचे अमली पदार्थ केले होते जप्त
पुणे रेल्वे स्टेशन परिसरातून म्याव म्याव ड्रग्ज म्हणजेच एमडी (Mephedrone Drugs) जप्त करण्यात आलं होतं. दहशतवादविरोधी पथकाने ही कारवाई करण्यात आली होती. जप्त केलेल्या ड्रग्जची किंमत सुमारे 12 लाख रुपये होते. पोलिसांनी या कारवाईत अंमली पदार्थ तस्कराला अटक करण्यात आली. महंमद फारुख महंमद उमर टाक असं अटक केलेल्या तस्कराचं नाव असून तो मूळचा राजस्थानचा होता.
पुणे रेल्वे स्टेशनच्या परिसरातील मालधक्का चौकात सोमवारी (2 मे) एक इसम येणार असल्याची माहिती पथकाला मिळाली होती. त्यानुसार दहशतवादविरोधी पथकाच्या पुणे युनिटने सापळा रचला. पाठीला सॅक लावलेला एक तरुण फूटपाथवर संशयास्पद रेंगाळताना दिसला. साध्या वेशातील पोलिसांनी महंमद टाक याला ताब्यात घेतलं होतं.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)