Pune Election: पुणे पोटनिवडणुकीचा आखाडा; चिंचवडच्या जागेसाठी शिवसेना इच्छुक, संजय राऊतांची माहिती

Sanjay Raut on Pune Bypoll Election 2023: चिंचवडच्या जागेसाठी शिवसेना इच्छुक, संजय राऊतांची माहिती. तर आम्हाला परंपरा शिकवू नये, मुख्यमंत्र्यांना संजय राऊतांचा टोला

Sanjay Raut on Pune Bypoll Election 2023

Sanjay Raut on Pune Bypoll Election 2023: सध्या राज्याच्या राजकारणात (Maharashtra Politics) पुण्यातील (Pune News) दोन पोटनिवडणुकांची चर्चा सुरू असल्याचं पाहायला मिळतंय. अशातच सर्वच राजकीय पक्षांनी दोन्ही जागांसाठी तयारी सुरू केली आहे. दोन्ही जागांची पोटनिवडणूक (Maharashtra By-Election 2023) बिनविरोध करण्यासाठी भाजप (BJP) प्रयत्नशील आहे. तर, महाविकास आघाडी (Maha Vikas Aghadi) मात्र दोन्ही जागा लढवणार असल्याचं बोललं जात आहे. यासंदर्भात बोलताना ठाकरे गटाचे खासदार संजय राऊत (Sanjay Raut) यांनी चिंचवडची (Chinchwad By-Election) जागा आहे, ती शिवसेनेनं (Shiv Sena) लढावी, असं आमचं मत आहे. तर, पुण्यातील कसबा पेठेच्या जागेबाबत (Kasba Peth By-Election) राष्ट्रवादी (NCP) आणि कॉंग्रेसमध्ये (Congress) निर्णय होईल, असं म्हटलं आहे. 

शिवसेना खासदार संजय राऊत बोलताना म्हणाले की, "परंपरा आहे, मात्र अंधेरी पोटनिवडणूक (Andheri By Poll Election)देखील बिनविरोध झाली नाही. भारतीय जनता पक्ष निवडणूक लढला नाही. पण, नांदेड (Nanded) आणि पंढरपूर (Pandharpur) या दोन्ही निवडणुका झाल्या. दोन्ही ठिकाणी आमदारांच्या जवळच्या नातेवाईकांनी निवडणूक लढवली होती. अंधेरीची पोटनिवडणूक हा अपवाद होता. अंधेरीची (Andheri) निवडणूक मुंबईत (Mumbai News) होती आणि भाजपला जिंकण्याची संधी नव्हती. काल रात्री राष्ट्रवादीचे नेते मातोश्रीवर आले होते. दोन्ही पोटनिवडणुकींसंदर्भात बैठक झाली. यासंदर्भात उद्या पुन्हा बैठक घेत काय निर्णय घ्यायचा याची चर्चा करू. मात्र निवडणूक लढलीच तर जी चिंचवडची जागा आहे, ती शिवसेनेनं लढावी, असं आमचं मत आहे. पुण्यातील कसबा पेठेच्या जागेबाबत राष्ट्रवादी आणि कॉंग्रेसमध्ये निर्णय होईल. पण चिंचवडची जागा शिवसेनेनं लढावी, अशी चर्चा झाली यासंदर्भातला निर्णय होईल." 

"कालच्या बैठकीत निवडणूक टाळता येईल का? यासंदर्भातही चर्चा झाली. दिवंगत आमदारांच्या घरातले लोकं आहेत, त्यावरही चर्चा झाली. उद्धव ठाकरे स्वतः होते. इतर आमच्या प्रमुख सहकाऱ्यांशी देखील चर्चा झाली. मात्र कालच्या बैठकीत हाच सूर आहे की, निवडणूक लढायला हरकत नाही. जरी आम्ही निवडणुकीतून दूर राहिलो, तरीही ती होणारंच आहे. कारण काही अपक्ष निवडणुकीत उतरतील आणि निवडणूक होईल.", असंही संजय राऊत म्हणाले.  

आम्हाला परंपरा शिकवू नये, संजय राऊतांचा टोला 

मुख्यमंत्री एकनाथ शिंदेंनी (CM Eknath Shinde) कसबा (Kasba Peth) आणि चिंचवड (Chinchwad) पोटनिवडणुकीत विरोधकांनी आपले उमेदवार मागे घ्यावेत आणि महाराष्ट्राची परंपरा कायम ठेवावी, असं आवाहन केलंय. यासंदर्भात बोलताना संजय राऊत म्हणाले की, "महाराष्ट्राची संस्कृती काय आहे आणि त्या संस्कृतीची सध्या कशी रोज पायमल्ली होतेय, हे कोणी शिकवू नये. नांदेड आणि पंढरपूरमध्ये ही संस्कृती दिसली नाही, अंधेरीत दिसली त्याला वेगळी कारणं होती."

कसबा आणि चिंचवड पोटनिवडणुकांसाठी राष्ट्रवादी आग्रही : जयंत पाटील 

पुण्यातील पोट निवडणुकांबाबत बोलताना काँग्रेससोबत चर्चा करणार असल्याचं जयंत पाटील यांनी सांगितलं आहे. मुंबईतील माीतोश्रीवर उद्धव ठाकरे आणि राष्ट्रवादीच्या नेत्यांची काल रात्री उशीरा बैठक पार पडली. बैठकीनंतर कसबा आणि चिंचवड पोटनिवडणुकांसाठी राष्ट्रवादीचा आग्रह असल्याची माहिती जयंत पाटलांनी दिली.  

कसबा मतदार संघातील (Kasba Peth By-Election) आमदार मुक्ता टिळक (Mukta Tilak) आणि चिंचवड मतदारसंघातील (Chinchwad By-Election) आमदार लक्ष्मण जगताप (Laxman Jagtap) या आमदारांचं निधन झाल्याामुळे पोटनिवडणूक होत आहे. या दोन्ही पोटनिवडणुका बिनविरोध व्हाव्यात यासाठी भाजप प्रयत्नशील आहे. तर महाविकास आघाडी तिथं उमेदवार देणार, अशीही चर्चा सुरू आहे. त्यामुळे आता निवडणूक बिनविरोध होणार की, चुरशीची होणार याकडे सर्वांचं लक्ष लागलं आहे. 

महत्त्वाच्या इतर बातम्या :