The Kashmir Files : पुण्यातील 'हॉटेल खान्देश'चा देशप्रेमी तडका,'द कश्मीर फाइल्स'चे तिकीट दाखवा अन्...

The Kashmir Files : 'द कश्मीर फाइल्स' सिनेमाचे तिकीट दाखवल्यानंतर पुण्यातील हॉटेल खान्देशमध्ये जेवणावर 20 टक्के सवलतीत जेवण मिळणार आहे.

The Kashmir Files

The Kashmir Files : विवेक अग्निहोत्री दिग्दर्शित 'द कश्मीर फाईल्स' (The Kashmir Files) या सिनेमाला प्रेक्षकांचा उत्तम प्रतिसाद मिळत आहे. हा सिनेमा बॉक्स ऑफिसवर चांगली कमाई करत आहे. अनेक राज्यांत हा सिनेमा करमुक्त करण्यात आला आहे. पुण्यातील 'हॉटेल खान्देश'ने तर देशप्रेमींना खान्देशी तडका दिला आहे. 

पुण्यातील 'हॉटेल खान्देश'ने देशप्रेमी आणि सिनेप्रेमींसाठी चांगलीच ऑफर दिली आहे. 'हॉटेल खान्देश'मध्ये 'द कश्मीर फाइल्स' सिनेमाचे तिकीट दाखवल्यानंतर जेवणाच्या बिलावर 20 टक्क्यांची सवलत देण्यात येणार आहे.  'हॉटेल खान्देश' हे पुण्यातील पाषाण येथील बालाजी चौकात आहे.

'द कश्मीर फाईल्स' सिनेमाला देशप्रेमींकडून चांगलाच पाठिंबा मिळत आहे. अनेक राज्यांत हा सिनेमा करमुक्त करण्यात आला आहे. महाराष्ट्रातदेखील हा सिनेमा करमुक्त व्हावा, अशी मागणी करण्यात आली आहे. गेल्या तीन दिवसांत या सिनेमाने रेकॉर्डब्रेक कमाई केली आहे. हा सिनेमा पाहिल्यानंतर प्रेक्षक भावूक होत आहेत. काश्मिरी पंडितांवर झालेल्या अन्यायाची कथा मांडणाऱ्या या चित्रपटाला देशभरातून जोरदार प्रतिसाद मिळत असून, अनेक कारणांमुळे हा चित्रपट चर्चेत राहिला आहे.  काश्मीरमधील काश्मिरी पंडितांवर होणारे अत्याचार आणि आजच्या तरुणांच्या मनात सुरू असलेल्या संघर्षाची कथा या सिनेमात दाखवण्यात आली आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha