पुण्यात पुन्हा हिट अँड रन प्रकरण; मुंबई पुणे महामार्गावर गस्त घालणाऱ्या 2 पोलिसांना भरधाव कारनं उडवलं, एका पोलिसाचा मृत्यू
Pune Hit and Run: पुण्यात मध्यरात्री झालेल्या हिट अँड रन प्रकरणात पुणे पोलीस दलातील एका पोलीस कॉन्स्टेबलचा मृत्यू झाला आहे. तर दुसरा गंभीर जखमी झाला आहे.
Pune Hit and Run: पुणे : पुण्यातील (Pune News) पोर्शे हिट अँड रन (Porshe Hit And Run Case) प्रकरणानंतर पुन्हा एका हिट अँड रनच्या प्रकरणानं सगळीकडे खळबळ माजली आहे. जुन्या पुणे-मुंबई महामार्गावर बापोडीजवळ अज्ञात वाहनानं दोन पोलिसांना चिरडलं. या अपघातात एका पोलीस कर्मचाऱ्याचा मृत्यू झाला आहे. तर दुसरा पोलीस कर्मचारी गंभीर जखमी झाला आहे. रविवारी मध्यरात्रीच्या सुमारास हा अपघात झाल्याचं सांगितलं जात आहे. या अपघातानंतर परिसरात एकच खळबळ उडाली आहे.
पुण्यात मध्यरात्री झालेल्या हिट अँड रन प्रकरणात पुणे पोलीस दलातील एका पोलीस कॉन्स्टेबलचा मृत्यू झाला आहे. तर दुसरा गंभीर जखमी झाला आहे. जुन्या पुणे-मुंबई महामार्गावर हॅरिस ब्रीजच्या खाली रात्री साधारणतः पावणे दोन वाजता हा अपघात घडला. खडकी पोलीस ठाण्यात बीट मार्शल म्हणून काम करणारे दोन पोलीस कॉन्स्टेबल रात्रीची गस्त घालण्यासाठी दुचाकीवरुन निघाले असताना, समोरून वेगानं आलेल्या चारचाकी वाहनानं त्यांना जोरदार धडक दिली. अपघातानंतर वाहनचालक वाहनासह फरार झाला.
मिळालेल्या माहितीनुसार, समाधान कोळी असं मृत पोलीस कर्मचाऱ्याचं नाव आहे. तर, पी. सी. शिंदे असं जखमी पोलीस कर्मचाऱ्याचं नाव आहे. त्यांना उपचारासाठी रुग्णालयात दाखल करण्यात आलं आहे. अपघातानंतर कार चालक घटनास्थळावरून फरार झाला आहे. पोलीस त्याचा शोध घेत आहेत. रविवारी मध्यरात्री साधन कोळी आणि पीसी शिंदे हे बीट मार्शल म्हणून गस्त घालत होते. यावेळी त्यांच्या दुचाकीला अज्ञात वाहनानं धडक दिली.
एका पोलीस कर्मचाऱ्याचा जागीच मृत्यू
पुण्यात मध्यरात्री झालेला अपघात एवढा भीषण होता की, समाधान कोळी यांचा जागीच मृत्यू झाला. तर त्यांच्यासोबत असलेले दुसरे पोलीस कर्मचारी शिंदे गंभीर जखमी झाले आहेत. अपघातानंतर स्थानिक लोकांनी याबाबत पोलिसांना माहिती दिली. माहिती मिळताच पोलीस घटनास्थळी दाखल झाले. जखमी पोलीस शिपाई शिंदे यांना तातडीनं रुग्णालयात उपचारासाठी दाखल करण्यात आलं आहे. साधन कोळी यांचा मृतदेह शवविच्छेदनासाठी रुग्णालयात पाठवण्यात आला आहे. अज्ञात आरोपीविरुद्ध गुन्हा दाखल करण्यात आला आहे. पोलीस आरोपीचा शोध घेत आहेत.
पुण्यात काल रात्रीत दोन वेगवेगळ्या घटनांत दोन पोलीस कर्मचारी दगावले
पुण्यातील हिट अँड रनच्या दोन वेगवेगळ्या घटनांमध्ये दोन पोलीस कॉन्स्टेबल्सचा मृत्यू झाला आहे. तर, एक पोलीस कर्मचारी गंभीर जखमी झाला आहे. पहिला अपघात पुणे-मुंबई जुन्या महामार्गावर हॅरिस ब्रीजच्या खाली रात्री पावणे दोन वाजता झालाय. खडकी पोलीस ठाण्यात बीट मार्शल म्हणून काम करणारे दोन पोलीस कॉन्स्टेबल रात्रीची गस्त घालण्यासाठी दुचाकीवरुन निघाले असताना पाठीमागून आलेल्या चारचाकी वाहनानं त्यांना धडक दिली. अपघातानंतर वाहनचालक वाहनासह फरार झाला आहे. या अपघातात समाधान कोळी या पोलीस कॉन्स्टेबलचा मृत्यू झाला आहे. तर पीसी शिंदे हे पोलीस कॉन्स्टेबल जखमी झाले आहेत. त्यांच्यावर रुबी हॉल क्लिनिकमध्ये उपचार सुरू आहेत. या दोघांना धडक देणारी पांढऱ्या रंगाची इनोव्हा कार होती, असं पोलिसांच म्हणणं आहे. या परिसरातील सीसीटीव्ही कॅमेरांच्या माध्यमातून पोलीस या वाहनचालकाचा शोध घेत आहेत. तर दुसऱ्या प्रकरणात पुण्यातील सीआयडीमध्ये काम करणारे पोलीस कॉन्स्टेबल गणेश शिंदे यांचा मृत्यू झाला आहे. गणेश शिंदे हे पिंपरी चिंचवडमधील पिंपळे सौदागर भागातून दुचाकीवरुन निघाले असताना आज्ञात वाहनाने दिलेल्या धडकेत त्यांचा मृत्यू झाला आहे.
महत्त्वाच्या बातम्या
