एक्स्प्लोर

Supriya Sule Net Worth : सदानंद सुळे 150 कोटींचे 'धनी', सुप्रिया सुळेंची संपत्ती किती?

Supriya Sule Net Worth : खासदार सुप्रिया सुळे कोट्यवधींच्या मालकीन आहेत. त्यांनी दाखल केलेल्या प्रतिज्ञापत्रातून माहिती समोर आली आहे.

By : नामदेव कुंभार | Updated at : 18 Apr 2024 08:16 PM (IST)

Supriya Sule

Supriya Sule Net Worth : खासदार सुप्रिया सुळे कोट्यवधींच्या मालकीन आहेत. त्यांनी दाखल केलेल्या प्रतिज्ञापत्रातून माहिती समोर आली आहे. सुप्रिया सुळे यांनी आज बारामती लोकसभा मतदारसंघातून (Baramati Lok Sabha Election) उमेदवारी अर्ज दाखल केला. बारामतीमध्ये सुनेत्रा पवार आणि सुप्रिया पवार असा थेट सामना होणार आहे. शरद पवार गटाच्या सुप्रिया सुळे (Supriya Sule) यांनी आपला उमेदवारी अर्ज भरला. त्यांनी भरलेल्या प्रतिज्ञापत्रातून (supriya sule Election Affidavit) त्यांच्या संपत्तीविषयी मोठी माहिती समोर आली आहे. सुप्रिया सुळे यांच्याकडील एकूण स्थूल मालमत्ता 38 कोटी रुपये इतकी आहे. त्यांचं पती सदानंद सुळे यांची संपत्ती एक अब्ज 14 कोटी इतकी आहे. सुप्रिया सुळे यांच्याकडे कोणतीही कार, विमान नाही.

सुप्रिया सुळे यांच्यावर 55 लाखांचं कर्ज -

खासदार सुप्रिया सुळे यांच्या प्रतिज्ञापत्रातल्या महितीनुसार सुप्रिया सुळे यांनी सुनेत्रा पवार आणि त्यांचा मुलगा पार्थ पवार यांच्याकडून 55 लाख रुपये उधार घेतले आहेत. त्यामुळे सुप्रिया सुळे यांच्यावर भावजय आणि भाच्याचं एकूण 55 लाखांचं कर्ज आहे, अशी माहिती प्रतिज्ञापत्रातून समोर आली आहे. अर्ज भरताना उमेदवाराची सांपत्तिक स्थितीही नमूद करावी लागते. प्रतिज्ञापत्रात सुप्रिया सुळे यांनी आपल्यावर 55 लाखांचं कर्ज असल्याचं सांगितलं आहे. सुळेंनी पार्थ पवार यांच्याकडून २२ लाख रूपये कर्ज घेतलंय तर सुनेत्रा पवार यांच्याकडून ३५ लाखांचं कर्ज घेतलंय. याशिवाय सुप्रिया सुळे यांची 142 कोटींची मालमत्ता आहे अशी माहिती समोर आलीय. विशेष म्हणजे सुप्रिया सुळे यांना यावर्षी शेतीतून शून्य उत्पन्न मिळालंय.

सुप्रिया सुळे आणि सदानंद सुळे यांच्याकडे एकूण किती संपत्ती आहे.. गाड्या, सोनं, चांदी, जमीन याबाबतचा तपशील प्रतिज्ञापत्रातून समोर आलाय. पाहूयात सुळे कुटुंबाकडे किती संपत्ती आहे..

2022-2023 मध्ये आयकर विवरणपत्रामध्ये दर्शवण्यात आलेले एकूण उत्पन्न -

सुप्रिया सुळे - 1 कोटी 78 लाख 97 हजार 460 रुपये

सदानंद सुळे - 3 कोटी 90 लाख 02 हजार 220

रोख रक्कम

सुप्रिया सुळे - 42 हजार 500

सदानंद सुळे - 56 हजार 200

बँक खात्यातील ठेवी -

सुप्रिया सुळे - 11 कोटी 83 लाख 29 हजार 195

सदानंद सुळे - 2 कोटी 57 लाख 74 हजार 150

शेअर्समधील गुंतवणूक -

सुप्रिया सुळे - 16 कोटी 44 लाख 24 हजार 140

सदानंद सुळे - 33 कोटी 57 लाख 58 हजार 962