Nilesh Lanke : हे सरकारच शापित, महायुतीतील बडा मंत्री खासगीत बोललाय; निलेश लंकेंच्या दाव्यानं भुवया उंचावल्या!
Nilesh Lanke : पालकमंत्रिपदावरून महायुतीतील वाद चव्हाट्यावर आल्याचे पाहायला मिळाले. यावरून खासदार निलेश लंके यांनी महायुतीवर निशाणा साधलाय.
Nilesh Lanke : राज्य सरकारकडून शनिवारी (दि. 18) सर्व जिल्ह्यांच्या पालकमंत्र्यांची यादी (Maharashtra Guardian Minister List) जाहीर करण्यात आली. यात नाशिकमधून भाजपचे गिरीश महाजन (Girish Mahajan) आणि रायगडमधून राष्ट्रवादीच्या अदिती तटकरे (Aditi Tatkare) यांची पालकमंत्रिपदी नियुक्ती करण्यात आली होती. मात्र नाशिकमधून दादा भुसे (Dada Bhuse) आणि रायगडमधून भरत गोगावले (Bharat Gogawale) यांच्या समर्थकांनी नाराजी व्यक्त केली. गोगावले आणि भुसे यांना पालकमंत्रिपद न मिळाल्याने एकनाथ शिंदे नाराज होऊन साताराच्या दरेगावी गेल्याची चर्चा राजकीय वर्तुळात रंगली होती. यानंतर रविवारी (दि. 19) नाशिक आणि रायगडच्या पालकमंत्रिपदाचा निर्णय स्थगित करण्यात आला. यामुळे पालकमंत्रिपदावरून महायुतीतील वाद चव्हाट्यावर आल्याचे पाहायला मिळाले. आता यावरून राष्ट्रवादी शरद पवार गटाचे खासदार निलेश लंके यांनी हल्लाबोल केलाय.
खासदार निलेश लंके म्हणाले, हे सरकारच शापित आहे. महायुतीतीलच एका बड्या मंत्र्याने एका पत्रकारांसोबत खासगीत बोलताना हे वक्तव्य केल्याचा दावा त्यांनी केलाय. तसेच ईव्हीएमच्या जोरावर निवडून आलेल्या लोकांना पाडायचं आणि पडलेल्या नेत्यांना निवडून आणायचं, हे या सरकारने केलं, असं निलेश लंके यांनी म्हटलं आहे. तर ईव्हीएमच्या जोरावर निवडून आलेलं सरकार टिकत नसतं, असा टोला लंके यांनी लगावला आहे.
महाविकास आघाडी एक संघ राहील
स्थानिक स्वराज्य संस्थांच्या निवडणुकांमध्ये महाविकास आघाडी एकत्र लढणार का वेगळी लढणार या संदर्भात आज मुंबई येथे तिन्ही पक्षातील प्रमुख नेत्यांची बैठक पार पडणार आहे. यावर खासदार निलेश संख्येने प्रतिक्रिया दिली आहे. महाविकास आघाडी एक संघ राहील तसेच एकत्र लढतील, असे त्यांनी म्हटले आहे.
जितेंद्र आव्हाडांनी केलेल्या वक्तव्यात तथ्य असेल
धनंजय मुंडे यांना पक्षात घेण्यासाठी शरद पवार यांचा विरोध होता, असा गौप्यस्फोट राष्ट्रवादी शरद पवार गटाचे आमदार जितेंद्र आव्हाड यांनी केला आहे. याबाबत बोलताना खासदार निलेश लंके म्हणाले की, जितेंद्र आव्हाड हे आमचे मोठे नेते आहे. त्यांनी जे वक्तव्य केले त्यात तथ्य असेल.
जलजीवन मिशनच्या कामात भ्रष्ट्राचार
जलजीवन मिशनअंतर्गत झालेल्या कामांमध्ये भ्रष्टाचार झाल्याचा आरोप राष्ट्रवादी शरद पवार गटाचे खासदार निलेश लंके यांनी केला आहे. या संदर्भात त्यांनी केंद्रीय जनशक्ती मंत्री आर. सी. पाटील यांना निवेदन दिले आहे. तर माझ्या मतदारसंघात अनेक ठिकाणी ही योजना फक्त कागदवर झाल्याचं त्यांनी म्हटलं आहे. सोबतच ज्या ठिकाणी 60 टक्के काम झाल आहे. त्या ठिकाणी 90 टक्के कामांचं बिल घेतल असल्याचा आरोप लंके यांनी केला आहे. या संदर्भात माझ्याकडे व्हिडिओ असून क्षमता नसतानाही ठेकेदारांना ही कामे देण्यात आले, असे त्यांनी सांगितले आहे.
आणखी वाचा
महत्त्वाच्या बातम्या
ट्रेंडिंग न्यूज
