(Source: ECI/ABP News/ABP Majha)
ठाकरेंचं 'मिशन मुंबई'; 36 विधानसभा मतदारसंघांची मोर्चेबांधणीसाठी 18 दिग्गजांची नियुक्ती, कुणावर कोणत्या मतदारसंघाची जबाबदारी?
Vidhan Sabha Election 2024 : महाराष्ट्रातील 42 लोकसभा मतदारसंघातील शिव सर्वेक्षण अभियानानंतर शिवसेना ठाकरे गटानं 'मिशन मुंबई'वर लक्ष केंद्रीत केलं आहे.
Maharashtra Vidhan Sabha Election 2024 : आगामी विधानसभा निवडणुकांचं अद्याप बिगुल वाजलेलं नाही. तरीदेखील सर्व पक्षांनी आपपल्या परीनं तयारी करण्यास सुरुवात केली आहे. शिवसेनेतील बंडाळीनंतर पहिलीच विधानसभा निवडणूक असल्यामुळे यंदा ठाकरे विरुद्ध शिंदे यांच्यात लढत दिसणार आहे. अशातच राज्याचं विधानसभा निवडणुकांचं मैदान कोण मारणार? हे पाहणं महत्त्वाचं ठरणार आहे. ठाकरेंनी आगामी विधानसभा निवडणुकीसाठी रणनिती आखली असून सर्व मतदारसंघांचा अभ्यास करण्यासाठी शिव सर्वेक्षण अभियान राबवलं होतं.
13 आणि 14 ऑगस्ट रोजी शिव सर्वेक्षण अभियान शिवसेना ठाकरे गटाकडून महाराष्ट्रातील 42 लोकसभा मतदारसंघात राबवलं होतं. आता मुंबईतील सहा लोकसभा मतदारसंघ म्हणजे, छत्तीस विधानसभा मतदारसंघात हे शिव सर्वेक्षण अभियान राबवलं जाणार आहे.
महाराष्ट्रातील 42 लोकसभा मतदारसंघातील शिव सर्वेक्षण अभियानानंतर शिवसेना ठाकरे गटानं 'मिशन मुंबई' वर लक्ष केंद्रीत केलं आहे. पक्षप्रमुख उद्धव ठाकरे यांनी मुंबईतील 36 विधानसभा मतदारसंघांची मोर्चेबांधणी करण्यासाठी नेत्यांवर जबाबदारी सोपवली आहे. मुंबईतील 36 मतदारसंघांची जबाबदारी 18 नेते आणि 18 सहाय्यकांवर सोपवण्यात आली आहे. त्यामुळे ठाकरे गटाकडून आता मुंबईत शिव सर्वेक्षण अभियान राबवलं जाणार आहे.
मुंबईतील शिव सर्वेक्षण अभियानासाठी प्रमुख नेत्यांची नियुक्ती
- विनायक राऊत यांच्याकडे वरळी, दादर- माहीम
- अनिल देसाईंकडे जोगेश्वरी आणि अंधेरी
- अनिल परबांकडे मागाठाणे, दहिसर
- राजन विचारे यांच्याकडे विलेपार्ले, कालिना
- मिलिंद नार्वेकरांकडे दिंडोशी, गोरेगाव
- सुनील प्रभू - मुलुंड, भांडुप
- अजय चौधरींकडे चेंबूर, अणुशक्तीनगर
- सचिन अहिर यांच्याकडे कुलाबा, मुंबा देवी
- विलास पोतनीसांकडे शिवडी आणि मलबार हिल
- वरून सरदेसाईंकडे सायन कोळीवाडा, धारावी
मुंबईतील शिव सर्वेक्षण अभियानासाठी प्रत्येक नेत्यावर दोन विधानसभा मतदारसंघात सर्वेक्षण करण्याची जबाबदारी सोपवली आहे. मुंबईसह इतर महाराष्ट्रातील सर्वेक्षण अहवाल 25 ऑगस्टला उद्धव ठाकरेंना सादर केले जाणार आहेत. त्यानुसार, आगामी विधानसभा निवडणुकांसाठी रणनिती आखली जाणार आहे.
कोणाकडे कोणत्या मतदारसंघांची जबाबदारी?
| नेत्याचं नाव | मतदारसंघ |
| विनायक राऊत | वरळी, माहिम |
| सुनील शिंदे | विक्रोळी, घाटकोपर (पु) |
| दत्ता दळवी | कुर्ला, चांदिवली |
| अनिल देसाई | जोगेश्वरी (पु), अंधेरी (पु) |
| अनिल परब | मागाठाणे, दहिसर |
| सुनील प्रभू | मुलुंड, भांडूप (प) |
| अरविंद सावंत | अंधेरी (प), वर्सोवा |
| राजन विचारे | विलेपार्ले, कलिना |
| सुनिल राऊत | वांद्रे (पु), वांद्रे (प) |
| वरुण सरदेसाई | सायन कोळीवाडा, धारावी |
| मिलींद नार्वेकर | दिंडोशी, गोरेगाव |
| रमेश कोरगांवकर | बोरीवली, कांदिवली |
| मनोज जामसुतकर | चारकोप, मालाड |
| अजय चौधरी | चेंबुर, अणुशक्तीनगर |
| विलास पोतनीस | शिवडी, मलबार हिल |
| विनोद घोसाळकर | वडाळा, भायखळा |
| सचिन अहिर | कुलाबा, मुंबादेवी |
| अमोल कीर्तिकर | घाटकोपर (प), मानखुर्द-शिवाजीनगर |
महत्त्वाच्या बातम्या
ट्रेंडिंग न्यूज
