पहिल्या कसोटीत ऑस्ट्रेलियाचा दारुण पराभव अन् दुसरी सुरु होण्यापूर्वीच बसला तगडा झटका; आरसीबीकडून मेगा लिलावात याच खेळाडूवर 12.5 कोटींचा खर्च!
ऑस्ट्रेलियन संघाचा अष्टपैलू खेळाडू मिचेल मार्शलाही दुखापत झाली आहे. त्याचे स्नायू ताणले गेले आहेत. मार्शच्या दुसऱ्या कसोटीत खेळण्याबाबत साशंकता आहे.
Josh Hazlewood : ऑस्ट्रेलियाचा वेगवान गोलंदाज जोश हेझलवूड 6 डिसेंबरपासून ॲडलेडमध्ये सुरू होणाऱ्या बॉर्डर-गावस्कर ट्रॉफीच्या दुसऱ्या कसोटीतून बाहेर पडला आहे. त्याला दुखापत झाल्याने दुसरी कसोटी खेळू शकणार नाही. क्रिकेट ऑस्ट्रेलियाने शुक्रवारी रात्री सांगितले की, हेझलवूडच्या जागी सीन ॲबॉट आणि ब्रेंडन डॉगेट यांचा संघात समावेश करण्यात आला आहे. हेजलवूडने पर्थ कसोटीत 5 विकेट घेतल्या होत्या. त्याने पहिल्या डावात 4 तर दुसऱ्या डावात एक विकेट घेतली.
मार्शलाही दुखापत झाल्याने दुसरी कसोटी खेळण्याबाबत शंका
ऑस्ट्रेलियन संघाचा अष्टपैलू खेळाडू मिचेल मार्शलाही दुखापत झाली आहे. त्याचे स्नायू ताणले गेले आहेत. मार्शच्या दुसऱ्या कसोटीत खेळण्याबाबत साशंकता आहे. त्याच्या जागी अष्टपैलू ब्यू वेबस्टरचा संघात समावेश करण्यात आला आहे. पर्थ कसोटीनंतर मार्शच्या स्नायूंना ताण आला होता. मार्शच्या दुखापतीवर ऑस्ट्रेलियाचे मुख्य प्रशिक्षक अँड्र्यू मॅकडोनाल्ड म्हणाले होते की, 'मार्शच्या फिटनेसबद्दल काही शंका आहे.' ऑस्ट्रेलियन कर्णधार पॅट कमिन्सनेही मार्शच्या फिटनेसवर चिंता व्यक्त केली होती.
बोलंड सराव सामन्यात खेळू शकतो
दुसऱ्या सराव सामन्यात हेजलवूडच्या जागी स्कॉट बोलंडला संधी दिली जाऊ शकते. दोन दिवसीय सराव सामन्यादरम्यान बोलंड पीएम एव्हलिनकडून खेळणार आहे. बोलंडने शेवटचा कसोटी सामना 2023 च्या ऍशेस कसोटीत लीड्स येथे खेळला. बॉर्डर-गावस्कर करंडक स्पर्धेत भारतीय संघ 1-0 ने आघाडीवर आहे. संघाने पहिल्या कसोटीत ऑस्ट्रेलियाचा चार दिवसांत 295 धावांनी पराभव केला. बॉर्डर-गास्कर ट्रॉफीचा दुसरा सामना 6 डिसेंबरपासून ॲडलेडमध्ये खेळवला जाणार आहे. ऑस्ट्रेलियाचे माजी कर्णधार ॲलन बॉर्डर यांनी पर्थ कसोटीत विराट कोहलीला बाद न केल्याने ऑस्ट्रेलियाने निराशा व्यक्त केली आहे. ते म्हणाले की, ऑस्ट्रेलियन संघाने कोहलीला शतक झळकावण्याची संधी दिली. यामुळे यजमानाला 5 सामन्यांची मालिका गमवावी लागू शकते.
इतर महत्वाच्या बातम्या
महत्त्वाच्या बातम्या
