Maharashtra Gram Panchayat Election 2022: शिंदे गटाच्या बंडानंतर राज्यातील सर्वात मोठी निवडणूक जाहीर, 7750 ग्रामपंचायतींसाठी 18 डिसेंबरला मतदान
Maharashtra Gram Panchayat Election 2022: शिंदे गटाच्या बंडानंतर राज्यातील सर्वात मोठी निवडणूक जाहीर झाली आहे. राज्य निवडणूक आयोगाने राज्यातील 7750 ग्रामपंचायतींची निवडणूक जाहीर केली आहे.
Maharashtra Gram Panchayat Election 2022: शिंदे गटाच्या बंडानंतर राज्यातील सर्वात मोठी निवडणूक जाहीर झाली आहे. राज्यातील विविध जिल्ह्यांतील 7 हजार 750 ग्रामपंचायतींच्या (Maharashtra Gram Panchayat election) सदस्यपदांसह थेट सरपंचपदाच्या सार्वत्रिक निवडणुकांसाठी 18 डिसेंबर 2022 रोजी मतदान होणार आहे. त्यासाठी संबंधित ठिकाणी आजपासून आचारसंहिता लागू झाली असून 20 डिसेंबर 2022 रोजी मतमोजणी होईल, अशी घोषणा राज्य निवडणूक आयुक्त युपीएस मदान (State Election Commissioner UPS Madan) यांनी आज केली आहे.
ब्रेकिंग
— Prashant Kadam (@_prashantkadam) November 9, 2022
राज्यातील 7750 ग्रामपंचायतींच्या निवडणुका जाहीर
18 डिसेंबरला मतदान, 20 डिसेंबर मतमोजणी
शिंदे गटाच्या बंडानंतर राज्यात पहिली मोठी निवडणूक pic.twitter.com/R3ZWHTzOBz
राज्य निवडणूक आयुक्त युपीएस मदान (State Election Commissioner UPS Madan) यांनी सांगितले की, ऑक्टोबर 2022 ते डिसेंबर 2022 या कालावधीत मुदत संपणाऱ्या, तसेच नव्याने स्थापित या सर्व ग्रामपंचायतींच्या निवडणुकांसाठी 18 नोव्हेंबर 2022 रोजी संबंधित तहसीलदार निवडणुकीची नोटीस प्रसिद्ध करतील. नामनिर्देशनपत्र 28 नोव्हेंबर 2022 ते 2 डिसेंबर 2022 या कालावधीत दाखल करण्यात येतील. नामनिर्देशनपत्रांची छाननी 5 डिसेंबर 2022 रोजी होईल. नामनिर्देशनपत्र मागे घेण्याची अंतिम मुदत 7 डिसेंबर 2022 रोजी दुपारी 3 वाजेपर्यंत असेल व त्याच दिवशी निवडणूक चिन्हांचे वाटप होईल. मतदान 18 डिसेंबर 2022 रोजी सकाळी 7.30 ते सायंकाळी 5.30 या वेळेत होईल. नक्षलग्रस्त भागात दुपारी 3 वाजेपर्यंतच मतदानाची वेळ असेल. मतमोजणी 20 डिसेंबर 2022 रोजी होईल.
विविध जिल्ह्यांत निवडणूक होणाऱ्या ग्रामपंचायतींची जिल्हा व तालुकानिहाय संख्या: अहमदनगर- 203, अकोला- 266, अमरावती- 257, औरंगाबाद- 219, बीड- 704, भंडारा- 363, बुलडाणा- 279, चंद्रपूर- 59, धुळे- 128, गडचिरोली- 27, गोंदिया- 348, हिंगोली- 62, जळगाव- 140, जालना- 266, कोल्हापूर- 475, लातूर- 351, नागपूर- 237, नंदुरबार- 123, उस्मानाबाद- 166, पालघर- 63, परभणी- 128, पुणे- 221, रायगड- 240, रत्नागिरी- 222, सांगली- 452, सातारा- 319, सिंधुदुर्ग- 325, सोलापूर- 189, ठाणे- 42, वर्धा- 113, वाशीम- 287, यवतमाळ- 100, नांदेड- 181 व नाशिक- 196.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
