ठाकरे गट 20 ते 22 जागांसाठी आग्रही, शरद पवार गट सात जागांसाठी उत्सुक; मविआ मुंबईतील तिढा कसा सोडवणार?

मविआच्या पुढील बैठकीतही मुंबईतल्या जागांसंदर्भात चर्चा होत राहणार आहे शिवसेना ठाकरे गट अजूनही 20  ते 22 जागांवर आग्रही आहे.

Mahavikas Aghadi

Source : PTI

 मुंबई :  महाविकासआघाडीच्या (Maha Vikas Aghadi)  गोटातून मोठी बातमी समोर आली आहे.  मुंबईतील जागावाटपाचं महाविकास आघाडीचं भिजत घोंगडं कायम आहे. 2019 ला जिंकलेल्या जागांव्यतिरिक्त इतर 16 जागांवर अजूनही चर्चा सुरूच आहे. काही जागांवर तीनही पक्ष तर काही जागांवर दोन पक्षांचा दावा कायम आहे. त्यामुळे मविआच्या पुढील बैठकीतही मुंबईतल्या जागांसंदर्भात चर्चा होत राहणार आहे शिवसेना ठाकरे गट अजूनही 20  ते 22 जागांवर आग्रही आहे. तर त्यातील काही जागांवर काँग्रेसही आग्रही आहे. राष्ट्रवादीने मुंबईतल्या 5 ते 7 जागांवर आपला दावा सांगितलाय.  

 आगामी विधानसभा निवडणुकीच्या जागा वाटपासंदर्भात (Seat Sharing) मुंबईत महाविकास आघाडीची (Maha Vikas Aghadi) बैठक पार पडली. या बैठकीत आगामी विधानसभेसाठी जागा वाटपाच्या रणनितीवर चर्चा झाली असल्याची माहिती आहे. मुंबईतील वादाती जागांचा निर्णय काँग्रेस हायकमांड सोडवणार असल्याची माहिती आहे. काँग्रेस नेत्यांकडून मविआतील घटक पक्षाकडे भूमिका स्पष्ट झाली आहे.  जागेबाबतचा हायकमांडचा निर्णय मान्य असेल अशी भूमीका काँग्रेस नेत्यांनी  केली आहे. मुंबईत काँग्रेस-ठाकरे गटात जागांवरुन मतभेद असल्याची माहिती सूत्रांनी  दिली आहे. आगामी बैठकांमध्ये जागावाटपाचा निर्णय होईल असा  मविआतील नेत्यांना विश्वास आहे.

शरद पवारांच्या राष्ट्रवादीला मुंबईत हव्यात सात जागा 

शरद पवारांच्या राष्ट्रवादीला मुंबईत सात जागा  हव्या आहेत. शरद पवारांच्या राष्ट्रवादीने  काँग्रेस,शिवसेना उद्धव बाळासाहेब ठाकरे गटाकडे सात जागांसाठी  प्रस्ताव दिल्याची माहिती एबीपी माझाला सूत्रांनी दिली आहे.  विशेष म्हणजे मुंबईतील घाटकोपर पूर्व, कुर्ला, वर्सोवा, जोगेश्वरी, दहिसर, अणुशक्ती नगर, मलबार हिल या जागांवर राष्ट्रवादी लढवण्यास इच्छुक असल्याची माहिती सूत्रांनी दिली आहे. मुंबईतील विधानसभेच्या जागांचा प्रस्ताव सादर  केला आहे.  

कोणत्या पक्षाला किती जागा मिळणार?  

मुंबईतील 6 लोकसभा मतदारसंघात एकूण विधानसभेच्या 36 जागा आहेत. त्यापैकी, 7  जागांवर राष्ट्रवादी काँग्रेसने मागणी केली आहे. त्यामुळे, उर्वरीत जागा ठाकरेंच्या शिवसेना आणि काँग्रेसला सोडल्या जातील. त्यामुळे, नेमकं किती व कोणत्या जागा कोणत्या पक्षाला मिळतील, हे पुढील काही दिवसांत स्पष्ट होईल.   लोकसभा निवडणुकांच्या जागावाटपात झालेला उशीर महायुतीसाठी डोकेदुखी ठरल्याने आता विधानसभेसाठी लवकरच जागावाटप करण्याची योजना महायुतीच्या सर्वच पक्षांकडून आखली जात आहे.

हे ही वाचा :