Hasan Mushrif ED Raids Live Updates : 12 तासांनंतर हसन मुश्रीफ आणि कुटुंबियांची चौकशी संपली, मुश्रीफांच्या घरातून अधिकारी निघाले
Hasan Mushrif ED Raids :
LIVE
Background
Hasan Mushrif ED Raids : माजी मंत्री, आमदार हसन मुश्रीफ (Hasan Mushrif News) यांच्या कोल्हापुरातील कागलमधील आणि पुण्यातील घरावर सकाळी सहा वाजल्यापासून छापेमारी सुरु केली आहे. सकाळी 6 वाजल्यापासून ईडीकडून (ED) छापेमारी सुरु करण्यात आली आहे. छापेमारी होत असल्याची मुश्रीफ यांनी एबीपी माझाकडे पुष्टी केली आहे. लवकरच सर्व माहिती घेऊन बोलणार असल्याचे हसन मुश्रीफ यांनी म्हटले आहे. सध्या आपण घरी नसल्याची एबीपी माझाला माहिती त्यांनी दिली आहे.
हसन मुश्रीफ यांच्यावर गेल्या काही दिवसांपासून भाजप नेते किरीट सोमय्या यांनी आरोपांची मालिका सुरु केली होती. सातत्याने त्यांच्यावर ईडीची छापे पडणार असल्याचे वक्तव्य केले होते. त्यामुळे ते चांगलेच अडचणीत आले होते. सोमय्या यांनी कारखाना कार्यस्थळावर भेट दिली होती. दरम्यान, प्राथमिक मिळालेल्या माहितीनुसार, हसन मुश्रीफ यांच्या कागलमधील घरावर तसेच पुणे येथील कार्यालयांवर छापे पडल्याचे समजते. आज सकाळपासून कोल्हापूर आणि पुण्यामध्ये छापेमारी सुरू केली आहे. दरम्यान, प्राथमिक माहितीनुसार आपासाहेब नलवडे कारखान्यामधील झालेल्या कथित भ्रष्टाचाराच्या आरोपांवरून हे प्रकरण आहे. हसन मुश्रीफ यांनी या प्रकरणावरून आरोप यापूर्वीच फेटाळून लावले आहेत. त्याचबरोबर आपला काही संबंध नाही असं म्हटलं होतं.
मुश्रीफ आणि प्रकाश गाडेकर यांच्या निवासस्थानी दिल्ली पोलिसांचा बंदोबस्त तैनात करण्यात आला आहे. या छाप्याची माहिती स्थानिक पोलिसांना नसल्याची माहिती समोर आली आहे. कोणाला काही समजण्या अगोदरच अधिकाऱ्यांनी बंगल्यामध्ये प्रवेश केला आणि छाप्यास सुरुवात केली. बंगल्याच्या चारी बाजूने बंदोबस्त तैनात करण्यात आला आहे. या ठिकाणी बंदोबस्त झालेले सर्व पोलीस दिल्ली पोलिस दलातील आहेत.
यापूर्वीही हसन मुश्रीफ यांच्या घरावर छापेमारी
जुलै 2019 मध्ये हसन मुश्रीफ यांच्या कागल येथील घरावर आणि साखर कारखान्यावर छापेमारी झाली होती. आयकर विभागानं केवळ कोल्हापुरातच नव्हे, तर हसन मुश्रीफ यांच्या पुण्यातील घरीही छापेमारी केली होती. हसन मुश्रीफ यांचा मुलगा साजिद मुश्रीफ यांच्या कोंढव्यातील घरावर आयकर विभागानं छापा टाकला होता.
Hasan Mushrif ED Raids Live Updates : 12 तासांनंतर हसन मुश्रीफ आणि कुटुंबियांची चौकशी संपली, मुश्रीफांच्या घरातून अधिकारी निघाले
Hasan Mushrif ED Raids Live Updates : 12 तासांनंतर हसन मुश्रीफ आणि कुटुंबियांची चौकशी संपली, मुश्रीफांच्या घरातून अधिकारी निघाले
महाविकास आघाडीच्या नेत्यांकडून छापेमारीचा निषेध
Hasan Mushrif ED Raid : कोल्हापूर जिल्ह्यातील मातब्बर नेते आणि राष्ट्रवादी काँग्रेसमधील ज्येष्ठ नेते आमदार हसन मुश्रीफ यांच्या कागलमधील तसेच पुण्यामध्ये आज ईडीकडून दुसऱ्यांदा छापेमारी करण्यात आली. त्यामुळे आज कोल्हापूर जिल्ह्यासह संपूर्ण राज्यांमध्ये खळबळ उडाली आहे. गेल्या 11 तासांपासून छापेमारी सुरुच असल्याने कोल्हापुरात हसन मुश्रीफ समर्थकांकडून आंदोलन करण्यात आले. महाविकास आघाडीच्या नेत्यांनी या छापेमारीचा निषेध केला आहे.
Hasan Mushrif ED Raids Live Updates : कोल्हापुरात हसन मुश्रीफांचे कार्यकर्ते आक्रमक, समर्थकांचं आंदोलन
Hasan Mushrif ED Raids Live Updates : कोल्हापुरात हसन मुश्रीफांचे कार्यकर्ते आक्रमक, समर्थकांचं आंदोलन
Hasan Mushrif ED Raid : कारवाई करायची असेल तर समन्स पाठवा, बोलवा, मुलाबाळांना नाहक त्रास देणं चुकीचं : हसन मुश्रीफ
Hasan Mushrif ED Raid : "ईडीच्या छाप्याचं कारण माहित नाही. पुण्यातील चंद्रकांत गायकवाड माझे मित्र आहेत. तसंच जावयावरील आरोप खोटे आहेत. परंतु त्यांच्याशी व्यायसायिक संबंध नाहीत. काही कारवाई करायची असेल तर समन्स पाठवा, बोलवा, मुलाबाळांना नाहक त्रास देणं चुकीचं आहे," असंही हसन मुश्रीफ म्हणाले.
Hasan Mushrif ED Raid : संबंधित कारखान्याशी माझा संबंध नाही : हसन मुश्रीफ
Hasan Mushrif ED Raid : "संबंधित कारखान्याशी माझा संबंध नाही. कोणतीही नोटीस न देता ईडीने छापे टाकले आहेत. किरीट सोमय्यांनी केलेले आरोप आधीचेच आहेत, जे खोटे आहेत. यापूर्वीच्या छाप्यातून काहीच निष्पन्न झालेलं नाही," अशी प्रतिक्रिया राष्ट्रवादी काँग्रेसचे नेते हसन मुश्रीफ यांनी दिली.
महत्त्वाच्या बातम्या
ट्रेंडिंग न्यूज
