Ashok Chavan Live : आता व्यक्तिगत टीका करणार नाही, वेळ आल्यावर बोलेन - अशोक चव्हाण
माजी मुख्यमंत्री आणि काँग्रेसचे दिग्गज नेते अशोक चव्हाण यांनी भाजपमध्ये अधिकृत प्रवेश केला. चंद्रशेखर बावनकुळे, देवेंद्र फडणवीस, आशिष शेलार यांच्या उपस्थितीत अशोक चव्हाण यांनी भाजपमध्ये प्रवेश केला.
Background
माजी मुख्यमंत्री आणि काँग्रेसचे दिग्गज नेते अशोक चव्हाण यांनी भाजपमध्ये अधिकृत प्रवेश केला. चंद्रशेखर बावनकुळे, देवेंद्र फडणवीस, आशिष शेलार यांच्या उपस्थितीत अशोक चव्हाण यांनी भाजपमध्ये प्रवेश केला. अशोक चव्हाण यांनी सोमवारी काँग्रेस सदस्यत्व आणि आमदारकीचा राजीनामा दिला. आज त्यांचा अधिकृत भाजपमध्ये प्रवेश झाला.
चव्हाणांच्या जाण्याने केवळ जालन्यात फरक पडेल
अशोक चव्हाण यांच्या भाजप प्रवेशाने आम्हाला कोणताही फरक पडणार नाही...काँग्रेस तसा मोठा सागर आहे, एक गेला म्हणजे पक्ष संपत नाही असं विधानपरिषदेचे विरोधी पक्ष नेते अंबादास दानवे यांनी म्हंटले आहे...एक जण गेला तर दुसरा येईल असंही ते म्हणाले सोबतच राज्यसभेच्या जागेवर याचा कोणताही परिणाम होणार नाही, एका सदस्यावर राज्यसभा अवलंबून नसते, मोठा ग्रुप असता तर फरक पडला असता...अशोक चव्हाण यांच्या भाजप प्रवेशाने जालन्यात थोडाफार फटका बसू शकतो, उर्वरीत मराठवाड्यात कोणताही फरक पडणार नाही असंही दानवे म्हणाले.
Ashok Chavan BJP : अनेक नेते आमच्या संपर्कात- देवेंद्र फडणवीस
आम्ही टार्गेट घेऊन चालत नाही. जे नेते योग्य वाटतात त्यांच्याशी आमची चर्चा आहे. हे खरं आहे काही नेते आमच्या संपर्कात आहेत. जमिनीशी जोडलेल्या नेत्याशी आमचा संपर्क सुरू आहे, असे देवेंद्र फडणवीस म्हणाले. अशोक चव्हाण दोन वेळा राज्याचे मुख्यमंत्री राहिले. त्यांचा रोल काय असेल याबाबत केंद्र सरकारसोबत बोलून निर्णय घेतला जाईल, असेही देवेंद्र फडणवीस म्हणाले.
महत्त्वाच्या बातम्या
