Nashik News : महाराष्ट्रदिनी उत्कृष्ट कामगिरीबद्दल विशेष पदक अन् आज खंडणीचा गुन्हा; नाशिक पोलीस दलात खळबळ
Nashik News : महाराष्ट्रदिनी विशेष पदक अन् आज पीआयवर खंडणीचा गुन्हा, नाशिक पोलीस दलात खळबळ
Nashik News : महाराष्ट्र दिनाला (Maharashtra Day) मागील काही केलेल्या उत्कृष्ट कामगिरीबद्दल विशेष पदक मिळवलेल्या नाशिकमधील पोलीस निरीक्षकाची बदली करण्यात आली. त्याच पोलीस निरीक्षकावर फसवणुकीसंदर्भात गुन्हा दाखल झाल्याने नाशिक पोलीस दलात खळबळ उडाली आहे. उपनगरचे तत्कालीन वरिष्ठ पोलीस निरीक्षक निलेश माईनकर यांच्यावर गंगापूर पोलीस ठाण्यात (Gangapur Police) गुन्हा दाखल झाला आहे.
गेल्या काही दिवसांत नाशिक (Nashik) शहरात वाढलेली गुन्हेगारी, नाशिक पोलिसांच्या (Nashik Police) संदर्भात वाढलेल्या तक्रारी यामुळे नाशिक पोलिसांची प्रतिमा मलिन होत असल्याचे चित्र आहे. दरम्यान, एका महिला तक्रारदाराने 2016 मध्ये फसवणुकप्रकरणी गंगापूर पोलीस ठाण्यात तक्रार केली होती. त्यानुसार गंगापूर पोलीस ठाण्यात गुन्हा दाखल करण्यात आला होता. मात्र पुढील तपासासाठी हा गुन्हा उपनगर पोलिसांकडे वर्ग करण्यात आला होता. याच सुमारास पोलीस निरीक्षक निलेश माईनकर (Nilesh Manikar) यांनी वेगवगेळ्या स्वरूपात पैशांची केल्याचे महिला तक्रारदाराने न्यायालयात सांगितले होते. त्यानुसार न्यायालयात फसवणूक तसेच अपहाराच्या जुन्या गुन्ह्यात तक्रारदाराकडून चार लाखांची खंडणी मागितल्याचे निष्पन्न झाल्याने उपनगरचे तत्कालीन वरिष्ठ पोलीस निरीक्षक नीलेश माईनकर यांच्यावर गंगापूर पोलीस ठाण्यात गुन्हा दाखल झाला आहे.
दरम्यान, सन 2016 मध्ये महात्मानगर येथील रहिवासी असलेल्या महिलेने फसवणुकीसंदर्भात फिर्याद दिली होती. त्यानुसार हा दाखल गुन्हा पुढील तपासासाठी गुन्हे शाखा युनिट दोनकडे वर्ग केला होता. तेव्हा गुन्हे शाखा युनिट दोनचे प्रभारी निरीक्षक माईनकर होते. या प्रकरणात संशयित माईनकर यांनी वेगवेगळ्या स्वरूपात पैशांची मागणी केल्याचा दावा न्यायालयात केला आहे. त्रयस्थ व्यक्तीमार्फत चार लाखांची खंडणी मागितल्याचे न्यायालयात दाखल दाव्यावर नमूद आहे. त्यामुळे खंडणीच्या कलमान्वये गुन्हा दाखल करण्याची मागणी आमदार कांदे यांच्या वकिलांकडून करण्यात आली. त्यानुसार माईनकरांवर खंडणीचा गुन्हा दाखल करण्याचा आदेश न्यायालयाने दिल्याने हा गुन्हा दाखल झाला आहे. गंगापूर पोलीस तपास करत आहेत. सत्तारूढ पक्षाच्या आमदाराने फिर्याद दिल्याने हे प्रकरण अत्यंत गांभीर्याने घेतले जात आहे.
महाराष्ट्रदिनाला पोलीस पदकाने सन्मानित...
एकीकडे महाराष्ट्र दिनानिमित्त राज्य पोलिस दलातर्फे जाहीर झालेल्या पोलिस महासंचालक पदकाच्या यादीत निरीक्षक माईनकर यांचाही समावेश होता. पालकमंत्री दादा भुसे (Dada Bhuse) यांच्या हस्ते माईनकर यांना एक मे रोजी हे पदक देत सन्मानित करण्यात आले. यापूर्वीच्या कौतुकास्पद कामगिरीची दखल घेत हे पदक जाहीर झाले. त्यातच या पोलीस अधिकाऱ्यावरच गुन्हा दाखल झाल्याने आश्चर्य व्यक्त केले जात आहे. निरीक्षक माईनकर हे गुन्हे दाखल करण्याच्या प्रक्रियेत टाळाटाळ करीत असल्याचा आरोप काही नागरिकांनी केला आहे. ओळखीतल्या, वरिष्ठ स्तरीय व्यक्तींच्या फिर्यादी त्वरित दाखल होत असत, इतरांना मात्र खेटा माराव्या लागायच्या. अनेकदा माईनकरांच्या टोलवाटोलवीमुळे तक्रारदार त्रस्त व्हायचे. या सोयीच्या भूमिकेमुळे त्यांच्याविषयी सामान्यजनात असंतोष होता. या कारवाईमुळे नागरिकांमध्ये समाधान व्यक्त केले.
महत्त्वाच्या बातम्या
ट्रेंडिंग न्यूज
