Chandanpuri Yatrotsav 2024 : चंदनपुरीच्या खंडेराव महाराज यात्रोत्सवास प्रारंभ; 'येळकोट येळकोट जय मल्हार'च्या जयघोष दुमदुमले 'प्रति जेजुरी'

Chandanpuri yatrotsav : भंडारा-खोबऱ्याची मुक्त उधळण करीत, येळकोट येळकोट जय मल्हार सदानंदाचा येळकोटचा जयघोष करीत गुरुवारी मालेगाव येथील चंदनपुरी यात्रोत्सवास प्रारंभ झाला.

Chandanpuri Yatrotsav Malegaon Nashik ( Image Source :ABP Majha Reporter, Nashik )

Nashik Malegaon News मालेगाव : भंडारा-खोबऱ्याची मुक्त उधळण करीत, येळकोट येळकोट जय मल्हार सदानंदाचा येळकोटचा जयघोष करीत गुरुवारी प्रति जेजुरी म्हणून संबोधल्या गेलेल्या नाशिकच्या मालेगाव येथील चंदनपुरी यात्रोत्सवास (Chandanpuri Yatrotsav) मोठ्या उत्साहात सुरुवात झाली. नाशिकचे पालकमंत्री दादा भुसे (Dada Bhuse) यांनी सपत्नीक महापूजा करत वाघ्या मुरळीसह खंडोबाची तळी भरली. 

श्री क्षेत्र चंदनपुरी हे खंडेराव महाराजांच्या दुसरी पत्नी बानुबाईची माहेर असून खंडेराव महाराज (Khanderao Maharaj) चंदनपुरी येथे वास्तव्यास असताना सेवा केल्याने खंडेराव महाराज तिच्या प्रेमात पडले अशी आख्यायिका आहे. बानू आणि खंडेरायाचे वास्तव असल्याच्या आठवणींना उजाळा मिळावा म्हणून दरवर्षी पौष पौर्णिमाचे निमित्ताने पंधरा दिवस ही यात्रा भरवली जाते.

हजारो भाविकांची उपस्थिती

चंदनपुरीचा (Chandanpuri) यात्रोत्सवात तळी भरणं, नवस फेडणे, जागरण - गोंधळ यासह अनेक कार्यक्रम पार पडतात. या यात्रेच्या निमित्ताने भंडाऱ्याची उधळण करत मानाच्या पालखीची मिरवणूक काढण्यात आली. हजारो भाविकांनी या पालखी मिरवणूक सोहळ्यात सहभाग घेतला. 

संपूर्ण देशाची प्रगती होऊ दे, पालकमंत्र्यांनी घातलं साकडं

यावेळी पालकमंत्री दादा भुसे म्हणाले की, चंदनपुरी येथे दरवर्षी प्रमाणे यात्रा संपन्न होत आहे. यात्रेचा शुभारंभ आज करण्यात आला. या वर्षी अनेक भागात पावसाचे प्रमाण कमी राहिले. यामुळे शेतकरी बांधव अडचणीत सापडला आहे. शेतकरी  बांधवांचे दुखः लवकरात लवकर दूर होऊ दे, संपूर्ण महाराष्ट्राची प्रगती होऊ दे, देशाची प्रगती होऊ दे,  अशी प्रार्थना खंडेराव महाराजांच्या चरणी केली. 

...तर ग्रामपालिकेशी संपर्क साधा

चंदनपुरीतील यात्रोत्सव (Chandanpuri Yatrotsav) साधारण २५ दिवस चालतो. यावेळी देशभरातून हजारो भाविक दर्शनासाठी येतात. चंदनपुरी हे  बानू मातेचं माहेर आहे. त्यामुळे खंडेराव महाराजांनी (Khanderao Maharaj) येथे वास्तव्य केले असल्याने ही भूमी पावन झाली आहे. अहिल्याबाई होळकर (Ahilyabai Holkar) यांनी येथे खंडेराव महाराजांचे मंदिर बांधले आहे. ग्रामपालिकेतर्फे यात्रेची जय्यत तयारी करण्यात आली आहे. गावात स्वच्छता मोहीम राबवण्यात आली आहे. भाविकांना कुठलीही अडचण आल्यास त्यांनी ग्रामपालिकेशी संपर्क साधावा, असे आवाहन सरपंच विनोद शेलार (Vinesh Shelar) यांनी केले आहे. 

आणखी वाचा