मिनी मेट्रोचं 'विदर्भ सर्किट'; विदर्भातल्या प्रमुख शहरांना नागपूरशी मिनी मेट्रोनं जोडणार, केंद्रीय मंत्री नितीन गडकरींची घोषणा

Nagpur Metro : विदर्भातल्या प्रमुख शहरांना नागपूरशी मिनी मेट्रोनं जोडणार असल्याची घोषणा केंद्रीय मंत्री नितीन गडकरींनी केली आहे.

Nitin_Gadkari

Nagpur Metro : विदर्भातील शहरं नागपूरशी मेट्रोनं जोडणार असल्याची महत्वपूर्ण घोषणा केंद्रीय मंत्री नितीन गडकरींनी केली आहे. पुढील दीड वर्षांत मिनी मेट्रोद्वारे विदर्भातील शहरं जोडण्याचं नियोजन असल्याचंही त्यांनी म्हटलं आहे. नागपूर येथून वडसा, बडनेरा, यवतमाळ, रामटेक, चंद्रपूर, वर्धा अशा शहरांना मिनी मेट्रोद्वारे जोडण्याचा प्रकल्प हाती घेण्यात आल्याची माहिती नितीन गडकरींनी दिली आहे. ते अमरावती येथे एका महामार्गाच्या लोकार्पण कार्यक्रमात बोलत होते. 

विदर्भातील महत्वाच्या शहरांना पुढच्या दीड वर्षात मिनी मेट्रोनं नागपुरशी जोडण्याची घोषणा केंद्रीय रस्ते वाहतूक मंत्री नितीन गडकरी यांनी केली. अमरावतीत महामार्गाचं लोकार्पण आणि भूमीपूजन कार्यक्रमात बोलताना गडकरी यांनी ही नवी घोषणा केली. नागपूर ते वडसा, बडनेरा, यवतमाळ, रामटेक, चंद्रपूर, वर्धा अशा शहरांना मिनी मेट्रोनं जोडण्याचा प्रकल्प हाती घेण्यात आला आहे. आठ डब्ब्यांच्या या रेल्वेतील इकॉनॉमी श्रेणी डब्यातील प्रवासाचे दर बसच्या दराएवढेच माफक असतील. या प्रकल्पासाठी उद्योजकांनी पुढे यावं, असं आवाहन गडकरी यांनी केलं. 

विदर्भातील शहरं नागपूरशी मेट्रोनं जोडणार : नितीन गडकरी

श्रीक्षेत्र बहिरम येथे 1 किलोमीटर दुतर्फा सेवा रस्त्यासाठी 35 कोटी, मोझरी येथे वळण रस्त्यासाठी 115 कोटी निधीबरोबरच मोर्शी, वरूड, चांदूर बाजार येथील बायपास मार्गासाठी आवश्यक निधी उपलब्ध करून देण्याची महत्वपूर्ण घोषणा केंद्रीय रस्ते वाहतूक आणि महामार्ग मंत्री नितीन गडकरी यांनी आज अमरावती येथे केली. 1945 कोटी निधीतून अमरावती जिल्ह्यातून जाणाऱ्या 255 किमी महामार्ग प्रकल्पाचे लोकार्पण आणि भूमीपूजन केंद्रीय मंत्री नितीन गडकरी यांच्या हस्ते आज अमरावती येथे झाले त्यावेळी ते बोलत होते.

मंत्री गडकरी म्हणाले की, पुढील दीड वर्षात मिनी मेट्रोद्वारे विदर्भातील शहरे जोडण्याचे नियोजन आहे. नागपूर येथून वडसा, बडनेरा, यवतमाळ, रामटेक, चंद्रपूर, वर्धा अशा शहरांना मिनी मेट्रोद्वारे जोडण्याचा प्रकल्प हाती घेण्यात आला आहे. आठ डब्यांच्या या मेट्रोत अत्याधुनिक सेवा उपलब्ध असतील. त्यातील इकॉनॉमी श्रेणी डब्याचे प्रवास दर बस प्रवासा इतके माफक असतील. या प्रकल्पासाठी उद्योजकांना पुढे येण्याचे आवाहन नितीन गडकरी यांनी केलं आहे. विदर्भात अनेक रस्त्यांच्या  कामांना चालना देण्यात आली आहे. नागपूर, काटोल, मोर्शी, अचलपूर, अकोट, शेगाव अशी अनेक उत्तम रस्त्यांनी शहरे जोडली जाणार आहेत.

महत्त्वाच्या इतर बातम्या :