![metaverse](https://cdn.abplive.com/imagebank/metaverse-top.png)
Vande Bharat Express : छत्तीसगडमध्ये 3 तर विदर्भात एकच थांबा; कामठी, तुमसरमध्येही वंदे भारतला थांबा देण्याची मागणी
देशाच्या विकासासाठी सेमी हायस्पीड ट्रेनचा विदर्भासाठी काय उपयोग? त्यामुळे वंदे भारतला गोंदियाशिवाय कामठी आणि तुमसर येथेही थांबे देण्यात यावेत. अशी मागणी माजी विधान परिषद सदस्य परिणय फुके यांनी केली.
![Vande Bharat Express : छत्तीसगडमध्ये 3 तर विदर्भात एकच थांबा; कामठी, तुमसरमध्येही वंदे भारतला थांबा देण्याची मागणी Three stops in Chhattisgarh and one stop in Vidarbha Demand to stop Vande Bharat in Kamathi Tumsar too Vande Bharat Express : छत्तीसगडमध्ये 3 तर विदर्भात एकच थांबा; कामठी, तुमसरमध्येही वंदे भारतला थांबा देण्याची मागणी](https://feeds.abplive.com/onecms/images/uploaded-images/2022/12/15/febc48477b2c445ca2ff14f749e098071671086935146440_original.jpg?impolicy=abp_cdn&imwidth=1200&height=675)
Nagpur News : देशातील सर्वात वेगवान आणि सुरक्षित मानली जाणारी वंदे भारत एक्स्प्रेस (Vande Bharat Express) भारतीय रेल्वेचा चेहरामोहरा बदलण्यासाठी उचललेले म्हत्वाचे पाऊल म्हटले जात आहे. पंतप्रधान नरेंद्र मोदींनी (PM Narendra Modi) नागपूर ते बिलासपूर (Nagpur to Bilaspur) दरम्यानच्या वंदे भारत एक्सप्रेसला नागपूर रेल्वे स्थानकावरुन हिरवा झेंडा दाखवून प्रवाशांना समर्पित केला. विदर्भातील ही पहिली वंदे भारत एक्स्प्रेस असल्याने स्थानिकांना तिच्याकडून मोठ्या अपेक्षा होत्या, मात्र शेजारच्या छत्तीसगड राज्यातील राजनांदगाव, दुर्ग आणि रायपूर येथे थांबे दिले आहेत, तर विदर्भात फक्त गोंदिया थांबा देण्यात आला आहे. अशा परिस्थितीत देशाच्या विकासासाठी या सेमी हायस्पीड ट्रेनचा विदर्भासाठी काय उपयोग? त्यामुळे वंदे भारतला गोंदियाशिवाय कामठी आणि तुमसर येथेही थांबे देण्यात यावेत, अशी मागणी माजी विधान परिषद सदस्य परिणय फुके यांनी केली.
कामठीसाठी उपयुक्त
वंदे भारत एक्सप्रेस ही पूर्णपणे पॅसेंजर ट्रेन आहे. त्यात फक्त व्यापारी आणि उच्च मध्यमवर्गीय प्रवासीच प्रवास करु शकतील. कामठी येथे लष्करी छावणी आहे जी देशातील सर्वात मोठी लष्करी छावणी मानली जाते. याशिवाय नागपूरजवळ असलेल्या व्यावसायिक क्षेत्रातही कामठीचे नाव समाविष्ट आहे. कामठीपासून 7 किमी अंतरावर मध्य भारतातील सर्वात मोठा कळमना बाजार आहे. जेथे छत्तीसगडमधील व्यापारीही येतात. अशा परिस्थितीत कळमनाहून नागपूरला येण्याऐवजी छत्तीसगडहून (Chattisgarh) वंदे भारत एक्स्प्रेसमध्ये बसून 7 किमी अंतरावर असलेल्या कामठीला जाणे अधिक सोयीचे ठरेल. यासोबतच कँटोन्मेंटमधील वरिष्ठ लष्करी अधिकारी आणि सैनिकांसाठी कामठी अतिशय उपयुक्त ठरणार आहे.
वेळीची बचत होणार
तुमसर-भंडारा भागाला विदर्भाचा आणि छत्तीसगड हा परिसर देशात तांदळासाठी प्रसिद्ध आहे. दोन्ही भागात मोठ्या प्रमाणात व्यापाऱ्यांची ये-जा सुरु आहे. तुमसर ते भंडारा हे अंतर फक्त 30 किमी आहे. अशा स्थितीत तुमसरमध्येही वंदे भारतला थांबा मिळाला, या परिसरातील प्रवाशांना फायदा होईल. कोविडनंतर तुमसरहून अनेक गाड्यांच्या थांब्यामध्ये आधीच मोठी कपात झाली आहे. अशा परिस्थितीत लहान-मोठ्या व्यावसायिकांना आपला वेळ वाचवण्यासाठी खासगी वाहनांचा वापर करावा लागत आहे. वंदे भारत एक्सप्रेसला तुमसर येथे थांबा मिळाल्यास मोठ्या प्रमाणात लोकांचा वेळ वाचेल.
रेल्वेचे उत्पन्नही वाढेल
तुमसरचे रहिवासी कंत्राटदार व व्यापारी राजेश मलेवार सांगतात की आमचा संपूर्ण व्यापार व व्यवसाय नागपुरातून होतो. गोंदियाची बाजारपेठ तुमसरपासून जवळ असली तरी नागपूरच्या कळमना बाजारपेठेतून अधिक व्यवसाय होतो. दररोज अनेक व्यावसायिकांची नागपुरात ये-जा असते. विशेषत: शुक्रवारी त्यांची संख्या जास्त असते कारण या दिवशी तुमसर बाजार बंद असतो. तुमसर येथे वंदे भारत बंद झाल्यास व्यापाऱ्यांसह रेल्वेचे उत्पन्नही वाढेल, यात शंका नाही.
ही बातमी देखील वाचा
Nagpur Crime : मृत्युला कवटाळण्यापूर्वी विद्यार्थिनीने संपूर्ण शरीर लिपस्टिकने रंगवले!
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)