Teachers Day : शिक्षक दिनी आंदोलनावरून शिक्षकांमध्ये उभी फूट, काळ्या फिती लावण्याला अनेकांचा विरोध
शिक्षकांच्या रिक्त जागा, रखडलेली पदोन्नती, उपक्रम व प्रशिक्षणांची भरमार, वारंवार लादली जाणारी अशैक्षणिक ( Non Educational) कामे याविरोधात शिक्षक संघटनांकडून नियमित आंदोलन सुरू आहे.
नागपूर: शिक्षक दिनी सोमवारी (Teachers Day) काळ्या फिती लावून काम करण्याची हाक काही शिक्षक संघटनांनी दिली आहे. पण, या आंदोलनावरून शिक्षकांमध्ये मतभेद (Disagreement among teachers) आणि उभी फूट दिसून येत आहे. काहींनी आंदोलनाचे समर्थन केले तर काही शिक्षक व संघटनांनी या आंदोलनाला विरोध दर्शविला आहे. गुरूजणांचा सन्मान करण्याच्या दिवशीच काळ्या फिती लावणे असंयुक्तिक असल्याचा युक्तिवाद केला जात आहे. हे आंदोलन म्हणजे पतसंस्थांच्या निवडणुकीच्या निमित्ताने केला जाणारा ड्रामा (Drama Before Elections) असल्याची परखड प्रतिक्रियाही शिक्षकांमध्ये उमटली आहे. आज शिक्षक दिनानिमित्त मुक्यमंत्र्यांनी मात्र नागपूर जिल्ह्यातील 20 शिक्षकांशी संवाद साधला.
शिक्षकांच्या रिक्त जागा, रखडलेली पदोन्नती, उपक्रम व प्रशिक्षणांची भरमार, वारंवार लादली जाणारी अशैक्षणिक ( Non Educational) कामे याविरोधात शिक्षक संघटनांकडून नियमित आंदोलन सुरू आहे. गेल्या पंधरा दिवसात जिल्ह्यातही वेगवेगळी दोन आंदोलने झालीत. नुकतीच वर्गात गुरूजींचा फोटो लावण्याचा निर्णय व आमदार बंब यांच्या शिक्षक विरोधी वक्तव्याच्या निषेधार्थही (protest) काही संघटनांनी काळ्या फिती लावल्या. त्यात आता शिक्षक दिनीही काळा फिती लावण्याची हाक दिली गेली. पण, शिक्षक दिन शिक्षकांचा सन्मान व शिक्षकांप्रती आदर व्यक्त करण्याचा दिवस आहे. या दिवशी जिल्हा, राज्य व राष्ट्रीय स्तरावर प्रशासनाच्या व अनेक सामाजिक संस्थांच्या माध्यमातून शिक्षकांना त्यांच्या कामाची दखल घेत 'आदर्श शिक्षक' म्हणून गौरविण्यात येते. अशावेळी शिक्षक संघटनांकडूनच शिक्षकांना काळ्या फिती लावण्याचे आवाहन करणे संयुक्तीक नसल्याचे मत काही सामाजिक व पालक संघटनांनी व्यक्त केले आहे. त्यामुळे सर्व संघटना यामध्ये एकत्रपणे सहभागी झाल्या नाही.
...म्हणून फूट
त्यामुळेच जिल्ह्यातील प्रमुख शिक्षक संघटना (Principal Teachers Association of the District) असलेल्या महाराष्ट्र राज्य प्राथमिक शिक्षक संघ, महाराष्ट्र राज्य प्राथमिक शिक्षक सेना (Shikshak Sena), महाराष्ट्र राज्य प्राथमिक शिक्षक समिती (Maharashtra State Primary Teachers Committee), शिक्षक भारती, शिक्षक परिषद (Teachers Council) व अन्य काही संघटना या आंदोलनात सहभागी नसल्याचे कळविले आहे. मात्र यावरुन पुन्हा एकदा सर्व शिक्षक संघटनांमध्ये सहकार्य नसल्याचे दिसून आले. यावर औपचारिक प्रतिक्रिया देणे शिक्षकांनी टाळले.
इतर महत्त्वाच्या बातम्या
Teachers Day : नागपूर जिल्ह्यातील 20 शिक्षकांसोबत मुख्यमंत्र्यांचा संवाद, शैक्षणिक विकासात भरीव सहभाग नोंदविण्याचे शिक्षकांचे अभिवचन
Nagpur Ganeshotsav 2022 : 'पर्यावरणपूरक' गणेश विसर्जनासाठी 350 कृत्रिम तलावांची व्यवस्था
Education Loan Information:
Calculate Education Loan EMI
महत्त्वाच्या बातम्या
