Maharashtra Politics : नोव्हेंबर गेला, जानेवारी पण हुकला, सुधीरभाऊ वाघनखं कुठपर्यंत पोहोचली? विजय वडेट्टीवारांचा खोचक सवाल
Chhatrapati Shivaji Maharaj Wagh Nakh : विजय वडेट्टीवार यांनी सुधीर मुनगंटीवारांना छत्रपती शिवाजी महाराजांची वाघनखे महाराष्ट्रात कधी येतील, असा खोचक सवाल करत निशाणा साधला आहे.
Chhatrapati Shivaji Maharaj's Iconic Tiger Claws : छत्रपती शिवाजी महाराजांची (Chhatrapati Shivaji Maharaj) लंडनमधील व्हिक्टोरिया अँड अॅल्बर्ट संग्रहालयात असलेली वाघनखं ही भारतात आणण्यात येणार आहेत. आपल्या जाज्वल्य इतिहासातील अमूल्य ठेवा मायभूमीत परत यावीत याची सर्वजण आतुरतेने वाट पाहत आहेत. काही दिवसांपूर्वीच राज्याचे सांस्कृतिक मंत्री सुधीर मुनगंटीवार (Sudhir Mungantiwar) यांनी याबाबत माहिती दिली होती. यापूर्वी नोव्हेंबर महिन्यातचं ही वाघनखं (Wagh Nakh) महाराष्ट्रात येणार असल्याचा दावा करण्यात आला होता.
दरम्यान, त्यानंतर अनेक दिवस झाले असले तरी, वाघनखं अद्याप महाराष्ट्रात आलेली नाहीत. यावरून आता विरोधी पक्षनेते विजय वडेट्टीवार (Vijay Wadettiwar) यांनी सुधीर मुनगंटीवारांना खोचक सवाल विचारला आहे. "नोव्हेंबर गेला, जानेवारी पण हुकला, सुधीरभाऊ वाघनखं कुठपर्यंत पोहोचली?" असं म्हणत विजय वडेट्टीवार यांनी निशाणा साधला आहे.
सुधीरभाऊ वाघनखं कुठपर्यंत पोहोचली?- विजय वडेट्टीवार
राज्य सरकारने लंडनमधील म्युझियमशी करार केला आणि वाघनखं महाराष्ट्रात आणण्याची प्रक्रिया सुरू झाली. त्यासाठी राज्याचे सांस्कृतिक मंत्री सुधीर मुनगंटीवार स्वतः लंडनमध्ये गेले होते. आतापर्यंतच्या कोणत्याही सरकारला जमलं नसलेलं काम, हे या सरकारने केलं आहे. ही वाघनखं महाराष्ट्रात 16 नोव्हेंबरपर्यंत येतीलल. असा दावा राज्याचे सांस्कृतिक मंत्री सुधीर मुनगंटीवार यांनी केला होता.
आता याच मुद्द्यावरून विरोधी पक्षनेते विजय वडेट्टीवार यांनी आपल्या ट्विटर अकाउंटवरुन ट्वीट करत सुधीर मुनगंटीवारांना खोचक सवाल विचारला आहे. थाटामाटात विमानतळावर ढोल वाजवून, सरकारी तिजोरीतून जाहिरातबाजी करत तुम्ही वाघनखं आणायला लंडन पर्यटनाला गेले. येताना मात्र रिकाम्या हाताने परत आले होते. त्यानंतर वाघनखं नोव्हेंबरमध्ये येणार असं तुम्ही सांगितलं, तो महिना गेला. वर्ष संपले, 2024 उजाडले, आता जानेवारी पण हुकला! वाघनखं काही आली नाही. आता परत लंडनवारी करणार की, पुढची तारीख देणार? असं विजय वडेट्टीवार यांनी आपल्या ट्वीटमध्ये म्हटलं आहे.
वाघनखं सध्या ब्रिटनच्या व्हिक्टोरिया अँड अॅल्बर्ट संग्रहालयात
शिवाजी महाराजांनी 15 नोव्हेंबर 1659 रोजी प्रतापगडाच्या पायथ्याशी अफजलखानाचा कोथळा बाहेर काढला होता. अफजलखानाच्या वध केल्यानंतर शिवरायांना आदिलशाहीला नामोहरण करण्यासाठी बळ मिळालं होतं. दरम्यान, शिवाजी महाराजांनी अफजल खानाचा वध ज्या वाघनखांनी केला होता, ती वाघनखं ब्रिटनमधून परत आणण्यासाठी महाराष्ट्र सरकार आग्रही आहे. ती वाघनखं सध्या ब्रिटनच्या व्हिक्टोरिया अँड अॅल्बर्ट संग्रहालयात आहेत. सर्व काही ठरल्याप्रमाणं घडलं तर या वर्षीच ही वाघनखं भारतात परत आणली जातील, असे सुधीर मुनगंटीवार म्हणाले होते.
शिवरायांची वाघनखं निवडणुकीच्या दृष्टीने महाराष्ट्रात आणणार?
काँग्रेस पक्षाला आजवर ही वाघनखं महाराष्ट्रात आणता आली नाहीत. भाजप सरकार निवडणुकीच्या तोंडावर ही वाघनखं महाराष्ट्रात आणण्याचा प्रयत्न करत असल्याचे देखील आरोप करण्यात आले. असं असलं तरी, यामुळे निवडणुकीत याचा फायदा भारतीय जनता पक्षाला होणार का? हे पाहणं महत्वाचे ठरणार आहे.
हेही वाचा :
महत्त्वाच्या बातम्या
ट्रेंडिंग न्यूज
