Worli Heat And Run: वरळी हीट अँड रनमधील BMW वर पक्षाचं चिन्ह; अपघातानंतर खोडण्याचा प्रयत्न; नेमकं काय घडलं?
Worli Hit And Run: वरळी हिट अँड रन प्रकरणातील बीएमडब्ल्यू कार ताब्यात घेतली आहे.
Worli Hit And Run Accident: मुंबई : पुण्यातील (Pune News) कल्याणीनगरमधील हिट अँड रन (Heat And Run Case) प्रकरणानं संपूर्ण देशाला हादरला. अपघात प्रकरण आणि त्यानंतर अल्पवयीन आरोपीला वाचवण्यासाठी झालेले प्रयत्न याबाबत अनेक खुलासे समोर आले. पण पुण्यातील प्रकरणाप्रमाणेच आता मुंबईतील (Mumbai News) हिट अँड रन (Heat And Run) प्रकरणानं संपूर्ण शहर हादरलं आहे. मासे आणण्यासाठी गेलेल्या एका कोळी दाम्पत्याला बीएमडब्ल्यून उडवल्याचा धक्कादायक प्रकार घडला आहे. या अपघातात नवरा थोडक्यात बचावला असून महिला मात्र गाडीखाली चिरडून मृत्यूमुखी पडली आहे. महत्त्वाची बाब म्हणजे, ज्या गाडीनं दुचाकीला धडक दिली, ती गाडी पोलिसांनी ताब्यात घेतली आहे.
मुंबईतल्या वरळीतून हिट अँड रन च्या घटनेने मुंबई हादरली आहे. या अपघातात एका महिलेला तिचे प्राण गमवावे लागेल आहेत. तर कार चालकानं घटनास्थळावरुन पळ काढला होता. वरळीतील अॅट्रिया मॉलजवळ ही घटना घडली आहे. याप्रकरणात ज्या गाडीनं दुचाकीला धडक दिली ती गाडी पोलिसांना सापडली आहे. तसेच, पोलिसांनी एका संशयिताला ताब्यात घेतलं आहे.
पांढऱ्या BMW वर पक्षाचं चिन्ह, अपघातानंतर खोडण्याचा प्रयत्न
वरळी पोलिसांनी हिट अॅड रन केसमध्ये एक पांढऱ्या रंगाची BMW गाडी ताब्यात घेतली आहे. ज्यावर एका पक्षाचं चिन्ह असून अपघातानंतर ते चिन्ह खोडण्याचा प्रयत्न झाल्याचं समोर आलं आहे. पोलिसांनी गाडीसोबतच संशयिताला ताब्यात घेतलं आहे.
काय घडलं नेमकं?
मुंबईतील वरळीत असलेल्या प्रसिद्ध अॅट्रिया मॉलजवळ हिट अँड रनची घटना घडली आहे. अॅट्रिया मॉलजवळच असणाऱ्या वरळी कोळीवाडा परिसरात राहणारं नाकवा हे कोळी दाम्पत्य सकाळी मासांच्या लिलावासाठी ससून डॉकला जाण्यासाठी घराबाहेर पडलं होतं. मासे घेऊन दुचाकीवरुन परतत असताना दाम्पत्याच्या दुचाकीला एका चारचाकी गाडीनं धडक दिली. दाम्पत्याकडे खूप सामान आणि मासे होते. त्यामुळे नवऱ्याचं दुचाकीवरचं नियंत्रण सुटलं आणि दोघेही चारचाकी गाडीच्या बोनेटवर पडले. नवऱ्यानं प्रसंगावधान राखत बोनेटवरुन बाजूला उडी टाकली. मात्र, महिलेला स्वतःला बाजूला होता आलं नाही. अचानक झालेल्या सर्व प्रकारामुळे चारचाकी गाडीचा चालक घाबरला होता. चालकानं गाडी पळवली. त्यात त्यानं बोनेटवर पडलेल्या कोळी महिलेला फरफटत नेलं. या अपघातात नवरा थोडक्यात बचावला. मात्र, महिला गंभीर जखमी झाली होती. महिलेला तात्काळ मुंबई सेंट्रल येथील नायर रुग्णालयात दाखल करण्यात आलं. मात्र, तोपर्यंत फार उशीर झाला होता. डॉक्टरांनी महिलेला मृत घोषिक केलं.
महत्त्वाच्या इतर बातम्या :
Worli Heat And Run: वरळीत 'हिट अँड रन'; गाडीखाली चिरडून महिलेचा मृत्यू, चालक फरार
पाहा व्हिडीओ : Worli Heat and Run : वरळीत पहाटे 5:30 वाजता कारने दोघांना फरफटत नेलं
महत्त्वाच्या बातम्या
ट्रेंडिंग न्यूज
