एक्स्प्लोर

मनसेकडून कुठेकुठे दहीहंडीच्या नियमांचं उल्लंघन?

Written By : एबीपी माझा वेब टीम | Updated at : 25 Aug 2016 07:58 AM (IST)

मुंबई : सुप्रीम कोर्टाने दहीहंडीबाबत आखून दिलेले नियम मनसेकडून पायदळी तुडवण्यात आले आहेत. चेंबुर, ठाण्यामध्ये मनसेने थरांचं बंधन धुडकावून लावत उंच दहीहंडी रचली. 20 फुटांच्या वर दहीहंडी बांधण्याला आणि 18 वर्षाखालील गोविंदांच्या सहभागाला सुप्रीम कोर्टानं बंदी घातली आहे. चेंबूरमध्ये मनसेने 8 थर लावत सुप्रीम कोर्टाच्या निर्णयाचं उल्लंघन केलं. विशेष म्हणजे मनसेनं दहीहंडी 20 फुटांवर बांधली. मात्र आठ थरांची सलामी देत सुप्रीम कोर्टाच्या निर्णयाचा मनसेने अनोखा निषेध केला. मनसेचे पदाधिकारी कर्ण दुनबळे यांची ही दहीहंडी होती. दुसरीकडे ठाण्यातील नौपाड्यातही मनसेनं तब्बल 40 फुटांवर हंडी बांधली. या हंडीला कायदाभंग असं नाव देण्यात आलं. नऊ थर रचणाऱ्या गोविंदा पथकाला मनसेकडून 11 लाखांचं बक्षीसही जाहीर करण्यात आलं. ठाण्यात गोविंदा पथकाने 35 फुटांवर सात थरांचा मनोरा रचत नियम मोडला.

कुठेकुठे निषेध ?

ठाण्यात जतन गोविंदा पथकाकडून तोंडात मोजपट्टी धरुन दहीहंडी

दादरला महिला गोविंदांची अनोखी 'चक्रीहंडी'. हंडी फोडण्यासाठी चार फिरत्या थरांची थरारक कसरत. छोट्या बालगोविंदाने फिरत्या चक्रीथरांवर चढून फोडली हंडी.

भाजप खासदार किरीट सोमय्या यांनी भ्रष्टाचारांची हंडी फोडली

दादरमध्ये शिडीने दहीहंडी फोडून सुप्रीम कोर्टाच्या निर्णयाचा निषेध

दादरमध्ये जय हनुमान मंडळाचे जमिनीवर झोपून 9 थर

जोगेश्वरी परिसरात साईराम गोविंदा पथकाने डोळ्यावर काळी पट्टी बांधून चार थरांची सलामी दिली

कुठे नियम मोडले ?

गोरेगावच्या गांवदेवी महिला गोविंदा पथकाचीही पाच थरांची हंडी. उंचीची मर्यादा आणि वयाची मर्यादा यांचा भंग
डोंबिवलीतल्या नव साई गोविंदा पथकाने 5 थरांचा मनोरा रचत 20 फुटांपेक्षा जास्त सलामी दिली