एक्स्प्लोर
Advertisement
मुंबईत दीड महिन्याच्या बालकांना आजपासून देण्यात येणार पीसीव्ही लस, काय आहेत फायदे?
मुंबई महापालिका क्षेत्रात आज 13 जुलै पासून दीड महिन्याच्या बालकांना ‘न्युमोनिया’ व इतर ‘न्युमोकोकल’ आजारांपासुन संरक्षण देणारी ‘न्यूमोकोकल कॉन्जुगेट व्हॅक्सीन’ देण्यास सुरूवात करण्यात येणार आहे.
मुंबई : मुंबई महापालिका क्षेत्रात आज 13 जुलै पासून दीड महिन्याच्या बालकांना ‘न्युमोनिया’ व इतर ‘न्युमोकोकल’ आजारांपासुन संरक्षण देणारी ‘न्यूमोकोकल कॉन्जुगेट व्हॅक्सीन’ (Pneumococal Conjugate Vaccine / PCV) देण्यास सुरूवात करण्यात येणार आहे. सुरुवातीच्या टप्प्यात मनपा आरोग्य केंद्रांमध्ये व रूग्णालयांमध्ये असणा-या आरोग्य केंद्रांमध्ये सकाळी 9 ते साधारणपणे दुपारी 1 या कालावधी दरम्यान ही लस मोफत दिली जाणार आहे, अशी माहिती अतिरिक्त महानगरपालिका आयुक्त सुरेश काकाणी यांनी दिली आहे.
राज्य शासनाच्या निर्देशांनुसार 13 जुलै पासून सुरु करण्यात येत असलेल्या पीसीव्ही लशीकरणाच्या पहिल्या टप्प्यात दीड महिन्याच्या बालकांना लशीची पहिली मात्रा (डोस) देण्यात येणार आहे. हे लसीकरण बृहन्मुंबई महानगरपालिका क्षेत्रात 208 ठिकाणी करण्यात येणार आहे. सदर लसीकरणाच्या अनुषंगाने पूर्वतयारीचा भाग म्हणून संबंधित कर्मचा-यांना आवश्यक ते प्रशिक्षण देण्यात आले असुन क्षेत्रीय स्तरावर या लसीकरणाबाबत जनजागृती करण्यात येत आहे. तसेच लस, सिरींजेस व इतर सामुग्री इत्यादींच्या वितरणाची व्यवस्था देखील करण्यात आली आहे, अशी माहिती महापालिकेच्या सार्वजनिक आरोग्य खात्याव्दारे देण्यात आली आहे.
विस्तारीत लसीकरण कार्यक्रमाअंतर्गत बीसीजी, पोलिओ, घटसर्प, डांग्या खोकला, धनुर्वात, हेपेटाइसिस-बी, एच इन्फ्लुएंझा-बी, रोटा वायरस, गोवर, रुबेला या आजारावर प्रतिबंधक लस देण्यात येते. राज्य शासनाच्या निर्देशांनुसार सदर लसीकरण मोहिमेत ‘न्यूमोकोकल कॉन्जुगेट व्हॅक्सीन’ (PCV) या लशीचा अंतर्भाव करण्यात आल्याने बालकांना ‘न्युमोकोकल न्युमोनिया’ आणि इतर ‘न्युमोकोकल’ आजारांपासून संरक्षण मिळु शकणार आहे.
भारतात सन 2010 मध्ये ‘न्युमोकोकल’ या आजाराने पाच वर्षाखालील अंदाजे 1 लाख बालमृत्यूंची नोंद झाली होती. तर त्याचवर्षी देशभरात 5 ते 6 लाख बालकांना ‘न्युमोनिया’ हा गंभीर आजार झाल्याची नोंद देखील झाली होती. ‘स्ट्रेप्टोकोकस न्युमोनिया’ या जीवाणूमुळे ‘न्युमोकोकल’ हा संसर्गजन्य आजार होतो हा आजार म्हणजे फुप्फुसांना होणारा एक प्रकारचा संसर्ग आहे. या आजारामुळे बालकांना श्वास घ्यायला त्रास होतो, धाप लागते, ताप येतो व खोकलाही येतो तसेच जर सदर संसर्ग गंभीर स्वरूपाचा असल्यास तर मेंदुज्वर, नुमोनिया सेप्टीसीमीया अशा कारणामुळे मृत्यू देखील ओढवू शकतो.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
पुणे
महाराष्ट्र
मुंबई
महाराष्ट्र
Advertisement
ट्रेंडिंग न्यूज
उमेश अलोणे, एबीपी माझाअकोला जिल्हा प्रतिनिधी
Opinion