BEST Super Saver Plan : बेस्टचे सुपर सेव्हर प्लान; एका दिवसापासून 84 दिवसांपर्यंतच्या प्रवासाचं नियोजन शक्य

BEST Super Saver Plan : बेस्ट प्रशासनाने प्रवाशांसाठी 72 सुपर सेव्हर प्लॅन जाहीर केले आहेत. प्रवासाच्या नियोजनाप्रमाणेे हे प्लॅन निवडता येतील.

BEST Super Saver Plan

BEST Super Saver Plan : मुंबईत तुम्हाला रोजचा बस प्रवास करण्यासाठी आता मोबाईलच्या रिचार्जप्रमाणे प्लान निवडता येणार आहे. कारण बेस्ट प्रशासनानं प्रवाशी संख्या वाढवण्यासाठी प्रवासाचे 72 सुपर सेव्हर प्लॅन (BEST Super Saver Plan) जाहीर केले आहेत. दररोजच्या प्रवासाची गरज पाहून प्रवाशांना हे प्लान निवडता येतील. त्यामुळे प्रवास खर्चात मोठी बचत होणार असल्याचा दावा करण्यात येत आहे. बेस्टच्या या नव्या नियोजनानुसार, प्रवाशांना एका दिवसापासून 84 दिवसांपर्यंतच्या प्रवासाचं नियोजन करता येणार आहे. 

बेस्टने प्रवाशांसाठी पैसे बचत करणारे आणि हव्या त्या मार्गांवर प्रवास करण्याची मुभा देणारे 72 प्रकारचे वेगवेगळे प्लॅन आणले आहेत. ही योजना बेस्टकडून लवकरच लागू होणार आहे. आपल्या प्रवासाच्या गरजा पाहून दररोज प्रवास करायचा आहे की, थोड्या दिवसांसाठी प्रवास करायचा आहे. याप्रमाणे आपला हवा तो प्लॅन आता निवडता येणार आहे. बेस्टचे मोबाईल अॅप आणि स्मार्टकार्डवरही योजना लवकरच लागू होणार आहे.

पाहा व्हिडीओ : बेस्ट प्रवाशांसाठी खुशखबर, बेस्टचे 72 सुपर सेव्हर प्लॅन 

बेस्टच्या या योजनेत पैशाची बचत होणार असून एका फेरीसाठी अवघे 1.99 रुपये लागणार आहेत. या योजनेत बेस्टच्या नेटवर्कवर कुठेही प्रवास हवा तसा प्रवास करण्याची किंवा निवडक भाडे टप्प्यात एसी किंवा नॉन-एसी बसनं प्रवास करण्याची मूभा राहणार आहे. यात प्रवाशांना एका दिवसाच्या प्लॅनपासून 84 दिवसांच्या प्लॅनची निवड करता येणार आहे.

दरम्यान, 2 फेऱ्या ते 150 फेऱ्यापर्यंतची निवड करता येणार आहे. प्रवाशांना त्यांनी निवडलेल्या भाडे टप्प्यानुसार कोणत्याही स्टॉपपासून कोणत्याही स्टॉपपर्यंत प्रवास करता येणार आहे. प्रवाशांना त्यांनी निवडलेल्या भाडे टप्प्यानुसार, कोणत्याही स्टॉपपासून कोणत्याही स्टॉपपर्यंत प्रवास करता येणार आहे. सध्या अस्तित्वात असलेले विद्यार्थ्यांचे पास आणि अमर्यादित अंतराचे बसपासदेखील या नवीन योजनेत कायम राहणार आहेत.मात्र, दुसरीकडे येणाऱ्या मुंबई मनपाच्या निवडणूक डोळ्यासमोर ठेऊन हा प्लॅन आणल्याची चर्चा होत आहे.

महत्त्वाच्या इतर बातम्या : 

मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह'