Mumbai : धक्कादायक! उंदराने कुरतडलेली फळं ग्राहकांना विकली, बोरिवली स्टेशन बाहेरील फळविक्रेत्याचा व्हिडीओ व्हायरल

Mumbai Borivali Fruit Vendor Viral Video : मुंबईतील बोरिवली पश्चिम भागात एका फळ विक्रेत्याच्या दुकानात केळीच्या करंडीवर उंदीर ताव मारत असल्याचा व्हिडीओ सोशल मीडियावर व्हायरल झाला असून खळबळ उडाली आहे.

Mumbai Borivali Fruit Vendor Viral Video

Source : abp majha

Mumbai Viral Video Case : मुंबईकरांच्या आरोग्याशी आणि सुरक्षिततेशी खेळ खेळणारा आणखी एक धक्कादायक प्रकार समोर आला आहे. मुंबईतील बोरिवली (Borivali) पश्चिम रेल्वे स्थानकाबाहेरील एका फळ विक्रेत्याच्या दुकानाचा कथित व्हिडीओ सध्या सोशल मीडियावर प्रचंड व्हायरल होत आहे. या व्हिडीओमध्ये दुकानात ठेवलेल्या केळीच्या करंडीवर एक मोठा उंदीर बसून फळांवर ताव मारताना स्पष्ट दिसत आहे. उंदराने कुरतडलेली हीच फळे ग्राहकांच्या माथी मारली जात असल्याचा गंभीर आरोप सोशल मीडियावर केला जात आहे.

हा व्हिडीओ समोर आल्यानंतर मुंबईकरांमधून तीव्र संताप व्यक्त होत असून, खाण्यापिण्याच्या वस्तूंच्या स्वच्छतेबाबत पुन्हा एकदा मोठा प्रश्नचिन्ह उपस्थित झाला आहे.

Rat Infestation Health Hazards : प्लेग आणि लेप्टोस्पायरोसिससारख्या गंभीर आजारांचा धोका

पावसाळ्याच्या दिवसांत मुंबईत आधीच लेप्टोस्पायरोसिस (Leptospirosis) आणि डेंग्यूसारख्या आजारांचा प्रादुर्भाव वाढलेला असतो. अशातच उंदरांनी विष्ठा केलेली किंवा कुरतडलेली फळे खाल्ल्यास नागरिकांना प्लेग आणि लेप्टोस्पायरोसिससारख्या जीवघेण्या आजारांची लागण होण्याचा मोठा धोका असतो. हा व्हिडीओ व्हायरल झाल्यापासून स्थानिक रहिवासी आणि ग्राहकांमध्ये आपल्या आरोग्याविषयी चिंतेचे वातावरण निर्माण झाले आहे.

Adulteration Unhygienic Practices Mumbai : यापूर्वीही समोर आले धक्कादायक प्रकार

मुंबईत रस्त्यावरील खाद्यपदार्थ आणि फळ-भाज्यांच्या अस्वच्छतेची ही पहिलीच वेळ नाही. यापूर्वीही मुंबईच्या विविध भागांत फळांना ताजी आणि चमकदार दाखवण्यासाठी धोकादायक रसायनांचा (Chemicals) वापर करणे, तसेच गटाराच्या किंवा अस्वच्छ पाण्यात फळे आणि भाज्या धुऊन त्या ग्राहकांना विकण्याचे धक्कादायक प्रकार समोर आले आहेत. त्यामुळे रस्त्यावरून फळे खरेदी करताना नागरिकांनी आता अत्यंत सावध राहण्याची गरज निर्माण झाली आहे.

FDA Investigation Local Authority Action : व्हिडीओची सत्यता आणि एफडीएकडून पडताळणी सुरू

सोशल मीडियावर हा व्हिडीओ वेगाने पसरल्यानंतर अन्न व औषध प्रशासन (FDA) आणि स्थानिक बृहन्मुंबई महानगरपालिकेचे (BMC) प्रशासन सतर्क झाले आहे. हा व्हिडीओ नेमका बोरिवलीतील कोणत्या भागातील आहे आणि संबंधित फळविक्रेता कोण आहे, याची ओळख पटवण्याचे काम प्रशासनाकडून युद्धपातळीवर सुरू आहे. तसेच या व्हिडीओची सत्यता तपासली जात असून, दोषी फळविक्रेत्याचा शोध घेऊन त्याच्यावर कडक कायदेशीर कारवाई केली जाईल, असे संकेत प्रशासकीय अधिकाऱ्यांनी दिले आहेत.

ही बातमी वाचा: