Mumbai Drugs Case LIVE Updates : मुंबई क्रूझ ड्रग्ज प्रकरणाला वेगळं वळण; प्रत्येक घडामोडी फक्त एका क्लिकवर...
Mumbai Drugs Case LIVE Updates : क्रूझ ड्रग्स प्रकरणाला नवं वळण मिळालं आहे. या प्रकरणी सध्या अनेक आरोप प्रत्यारोपांच्या फैरी होताना दिसत आहेत. या प्रकरणाशी संबंधित सर्व घडामोडी फक्त एका क्लिकवर...
Background
KP Gosavi Arrested : मुंबई क्रूझ ड्रग्स प्रकरणाला वेगळं वळण लागलं आहे. पंच प्रभाकर साईलच्या (Prabhakar Sail) आरोपांमुळे या प्रकरणाला अनेक वळणं मिळाली आहेत. अशातच साईलच्या आरोपांनंतर चर्चेत आलेल्या किरण गोसावीला अखेर पुणे पोलिसांनी ताब्यात घेतलं आहे. तसेच पुणे पोलिसांनी दावा केला आहे की, किरण गोसावीनं (Kiran Gosavi) सरेंडर केलेलं नसून आम्ही आमच्या इंटलिजेंसच्या आधारे त्याला अटक केली आहे. प्रभाकर साईल (Prabhakar Sail) आर्यन खानला ज्या प्रकरणी ताब्यात घेण्यात आलं आहे, त्या मुंबई क्रूझ ड्रग्स (Mumbai Cruise Drug Case) प्रकरणातील पंच आहे. तर दुसरा पंच असलेल्या किरण गोसावीचा बॉडिगार्डही आहे. प्रभाकर साईलनं माध्यमांसमोर येत गौप्यस्फोट केल्यापासूनच किरण गोसावी फरार होता. तो लखनौमध्ये असल्याची माहिती मिळाली होती. याप्रकरणी पुणे पोलीस आयुक्त सकाळी 11 वाजता माध्यमांशी संवाद साधणार आहेत.
पंच प्रभाकर साईल यांच्या गौप्यस्फोटानंतर या प्रकरणातील दुसरे पंच आणि साधीदार किरण गोसावी याची अटक अटळ होती. पुणे पोलिसांचं पथक गोसावीला अटक करण्यासाठी लखनौला रवाना झालं होतं. गोसावीवर आतापर्यंत चार गुन्हे दाखल आहेत. वेगवेगळ्या प्रकरणांच्या तापासासाठी पोलीस त्याचा शोध घेत होते. फसवणूक प्रकरणी गोसावीविरोधात पुणे पोलिसांत गुन्हा दाखल झालेला आहे. सोमवारी सायंकाळी गोसावीची एक ऑडिओ क्लिप व्हायरल झाली होती. यामध्ये तो सरेंडर करण्यासाठी लखनौ पोलिसांकडे गेल्याची माहिती मिळाली होती. मात्र लखनौ पोलिसांनी गोसावीला अटक करुन घेण्यास नकार दिल्याचंही म्हटलं जात होतं. इतर ठिकाणी सरेंडर होण्याचा सल्ला लखनौ पोलिसांनी दिला होता. गोसावी लखनौमध्ये आहे, हे समजताच पुणे पोलिसांचं पथक रवाना झालं आहे. त्यामुळे आता गोसावीची अटक निश्चित मानली जात आहे.
Nawab Malik : समीर वानखेडेंनी 26 बनावट केसेस करत लोकांना फसवलं?, नवाब मलिक यांनी दिला पुरावा
प्रभाकर साईलच्या गौप्यस्फोटानंतर गोसावीची ऑडिओ क्लिप व्हायरल?
रविवारी प्रभाकर साईल यांनी एबीपी माझाला मुलाखत देताना अनेक गौप्यस्फोट केले. त्याच्या गौप्यस्फोटानंतर एनसीबी अधिकारी समीर वानखेडे यांच्या कारवाईवरही प्रश्नचिन्ह उपस्थित करण्यात येऊ लागले. त्यानंतर किरण गोसावीची एक व्हायरल क्लिप समोर आली होती. यामध्ये तो लखनौ पोलिसांना मला सरेंडर व्हायचंय, असं म्हणत असल्याचं कळत होतं. तर पोलीस अधिकारी सरेंडर करून घेण्यास गोसावीला स्पष्टपणे नकार देत असल्याचं ऐकायला येतं होतं. इथे का सरेंडर करायचं आहे? असा प्रश्न पोलीस अधिकारी गोसावीला विचारत होते. आपल्याला येथील पोलीस स्टेशन जवळ आहे, यामुळे सरेंडर करायचं आहे, असं गोसावी त्या संबधित अधिकाऱ्याला म्हणत होता. तर इथे सरेंडर करून घेणार नाही, दुसरीकडे जा, असं सांगत पोलीस अधिकारी किरण गोसावीला नकार देताना ऑडिओ क्लिपमध्ये ऐकू येत आहे.
गोसावी लखनौमध्ये असल्याचं समजताच पुणे पोलिसांचं पथक तात्काळ रवाना झालं होतं. मुंबईतील क्रूझवरील अंमली पदार्थ पार्टी प्रकरणात पंच आणि साक्षीदार राहिलेल्या गोसावी याच्या विरोधात फसवणूक प्रकरणी पुण्यात गुन्हा दाखल झाला आहे. त्याप्रकरणी पुणे पोलीस त्याला अटक करण्यासाठी रवाना झाले होतं.
क्रूझ ड्रग्ज प्रकरणात किरण गोसावी चर्चेत
क्रूझ ड्रग्ज पार्टी प्रकरणात किरण गोसावीने आर्यन खानला सोडवण्याच्या बदल्यात शाहरूख खानकडून 25 कोटी रुपये मागितल्याचा आरोप त्याचा पंच प्रभाकर साईल यानं केला आहे. तसेच किरण गोसावीवर पुण्यामध्ये गुन्हे नोंद असून गेले बरेच दिवस पुणे पोलीस त्याच्या शोधात होते.
दरम्यान, गोसावी लखनौमध्ये असल्याचं समजताच पुणे पोलिसांचं पथक तात्काळ रवाना झालं होतं. मुंबईतील क्रूझवरील अंमली पदार्थ पार्टी प्रकरणात पंच आणि साक्षीदार राहिलेल्या गोसावी याच्या विरोधात फसवणूक प्रकरणी पुण्यात गुन्हा दाखल झाला आहे. त्याप्रकरणी पुणे पोलीस त्याला अटक करण्यासाठी रवाना झाले होतं. परंतु, किरण गोसावीनं (Kiran Gosavi) पुणे पोलिसांना उत्तर प्रदेशमध्येही गुंगारा दिला होता. पुणे पोलिसांच्या दोन पथकांकडून किरण गोसावीचा उत्तर प्रदेशमध्ये तपास सुरु होता. गोसावीचं शेवटचं लोकेशन यूपीतील फत्तेपूरमध्ये असल्याचं सूत्रांनी सांगितलं होतं. तसेच, किरण गोसावी सध्या उत्तर प्रदेशमध्ये असून तो सातत्याने त्याचं लोकेशन बदलत असल्याची माहिती पुणे पोलिसांनी दिली होती.
Exclusive : समीर वानखेडेंच्या पहिल्या पत्नीच्या वडिलांची माध्यमांना प्रतिक्रिया
Aryan Khan Drugs Case : एनसीबीचे झोनल डायरेक्टर समीर वानखेडे यांच्यावर मुंबई क्रूझ ड्रग्स प्रकरणात वसुली केल्याचे आरोप लावण्यात आले आहेत. यावरुन सध्या चर्चांना उधाण आलं असून आरोप-प्रत्यारोपांच्या अनेक फैरीही रंगल्या आहेत. अशातच समीर वानखेडे यांच्या पहिल्या पत्नी डॉक्टर शबाना कुरेशी यांचे वडिल डॉक्टर जाहिद कुरेशी यांनी एबीपी न्यूजसोबत खास बातचित केली. त्यावेळी ते म्हणाले की, हे लग्न अरेंजमॅरेज होतं, लव्ह मॅरेज नव्हतं. लग्नापूर्वी तीन-चार वर्ष अगोदर आम्ही एकमेकांना ओळखत होतो आणि हे देखील माहीत होतं की, ते कुटुंब मुस्लिम आहे. ते म्हणाले की, ते आमच्याकडे मुस्लिम बनून आले होते.
जाहिद कुरेशी म्हणाले की, त्यावेळी समीर वानखेडे यूपीएससीची तयारी करत होते आणि नमाज पठणानासाठी मशिदीतही जात होते. ते म्हणाले की, आम्हालाही माध्यमांमधून समजलं की, ते हिंदू आहेत. जाहिद म्हणाले की, आमच्या मुलीचा घटस्फोट झाल्यानंतर या दुःखातून आम्ही सावरलो होतो. परंतु, जेव्हा हे प्रकरण माध्यमांसमोर आलं त्यावेळी मात्र बोलावं लागलं.
NCB चे वादग्रस्त पंच Kiran Gosavi पुणे पोलिसांच्या ताब्यात,नोकरीचं आमिष देत तरुणाच्या फसवणुकीचा आरोप
मुंबई क्रूझ ड्रग्स प्रकरणाला वेगळं वळण लागलं आहे. पंच प्रभाकर साईलच्या (Prabhakar Sail) आरोपांमुळे या प्रकरणाला अनेक वळणं मिळाली आहेत. अशातच साईलच्या आरोपांनंतर चर्चेत आलेल्या किरण गोसावीला अखेर पुणे पोलिसांनी ताब्यात घेतलं आहे. तसेच पुणे पोलिसांनी दावा केला आहे की, किरण गोसावीनं (Kiran Gosavi) सरेंडर केलेलं नसून आम्ही आमच्या इंटलिजेंसच्या आधारे त्याला अटक केली आहे.
महत्त्वाच्या बातम्या
