Mumbai Cruise Drugs Case: क्रुझ ड्रग्ज प्रकरणी आतापर्यंत 16 जणांना अटक, समीर वानखेडे म्हणाले...
Mumbai Cruise Drugs Case: एनसीबीने अलीकडेच मुंबईहून गोव्याला जाणाऱ्या क्रूझवर ड्रग्ज पार्टी केल्याप्रकरणी आतापर्यंत एकूण 16 जणांना अटक केली आहे. काल या प्रकरणात आणखी 4 जणांना अटक करण्यात आली आहे.
Mumbai Cruise Drugs Case: एनसीबीने अलीकडेच मुंबईहून गोव्याला जाणाऱ्या क्रूझवर ड्रग्ज पार्टी केल्याप्रकरणी आतापर्यंत एकूण 16 जणांना अटक केली आहे. काल या प्रकरणात आणखी 4 जणांना अटक करण्यात आली असून त्यांना आज न्यायालयात दाखल केले जाणार आहे, अशी माहिती एनसीबीचे झोनल डायरेक्टर समीर वानखेडे यांनी दिली आहे.
समीर वानखेडे म्हणाले की, आम्ही आणखी चार जणांना अटक केली आहे, जे ऑर्गनयझर आहेत. त्यांना आज कोर्टात दाखल केले जाईल. जे आम्हाला सांगायचे आहे ते कोर्टात सांगितले आहे. ते आम्ही शेअर करू शकत नाही. या प्रकरणात आता पर्यंत 16 जणांना अटक केली आहे. आमच्याकडे आणखी तपासासाठी वेळ आहे, चांगला तपास केला जाईल, असं ते म्हणाले.
क्रीप्टो करन्सीबाबत बोलताना ते म्हणाले की, त्यात तपासाचा लीड आहेत त्या शेयर करू शकणार नाही, जे काही काही विदेशी ड्रग्स जप्त करण्यात आले आहे, त्याचा प्रॉपरली तपास सुरू आहे. आणखी काही रेड बाबत सांगू शकत नाही, असं समीर वानखेडे म्हणाले.
मुंबई पोलिसांकडून परवानगी घेण्यात आली नाही
शाहरुखचा मुलगा आर्यन खान ज्या ड्रग्ज पार्टीमुळे कोठडीत आहे, त्यात आता मुंबई पोलिसांची एन्ट्री झाली आहे. कॉर्डिलिया क्रूझवरील पार्टीप्रकरणी आता मुंबई पोलिसांनी चौकशी सुरु केली आहे. विशेष म्हणजे, या पार्टीसाठी मुंबई पोलिसांकडून परवानगी घेण्यात आली नसल्याची माहिती सुत्रांकडून मिळत आहे. त्यामुळे पाच पेक्षा जास्त लोक याठिकाणी जमलेच कसे, याचा तपासही आता मुंबई पोलिसांकडून केला जात आहे. त्यामुळे मुंबई पोलिसही याप्रकरणात कलम 188 अंतर्गत गुन्हा नोंदवण्याची शक्यता आहे. दरम्यान, सध्या मुंबई पोलिसांनी विविध यंत्रणांकडून माहिती गोळा करण्यास सुरुवात केली आहे. त्यामुळे पुन्हा एकदा एनसीबी विरुद्ध मुंबई पोलीस असा संघर्ष पाहायला मिळत आहे.
मुंबई पोलीस गुन्हा दाखल करण्याची शक्यता
या प्रकरणात जर नियम मोडल्याची बाब समोर आली तर मुंबई पोलीस त्यामध्ये कलम 188 अन्वये गुन्हा नोंदवू शकतात. मुंबई पोलिसांनी क्रूझ प्रकरणाचा तपास सुरू केला आहे. या घटनेशी संबंधित माहिती गोळा करण्यासाठी मुंबई पोलीस क्रूझ टर्मिनलचे सीसीटीव्ही फुटेज तपासतील. पोलीस सूत्रांचे म्हणणे आहे की ज्या सोशल मीडिया प्लॅटफॉर्मवर त्या घटनेशी संबंधित माहिती आली (Instagram) त्याचीही चौकशी केली जाईल.
आर्यनसह 8 लोकांना 7 ऑक्टोबरपर्यंत कोठडी
मुंबई पोलिसांनी शनिवारी रात्री क्रूझवर ड्रग्ज पार्टी केल्यामुळे शाहरुख खानचा मुलगा आर्यन खानसह 8 जणांना ताब्यात घेतले होते. नंतर त्यांना अटक करण्यात आली. सध्या, आर्यनसह सर्व आठ जणांना 7 ऑक्टोबरपर्यंत एनसीबी कोठडीत पाठवण्यात आले आहे. एनसीबी या प्रकरणाची चौकशी करत आहे.
क्रुझवर कसं पोहोचलं ड्रग्ज?
सूत्रांनी दिलेल्या माहितीनुसार एका अधिकाऱ्यानं सांगितलं की, या प्रकरणात सहभागी असलेल्या लोकांनी आपल्या पॅंट, अंडरवेअर, कॉलरच्या सिलाईमध्ये तसंच महिलांनी आपल्या पर्सच्या हॅंडलमध्ये लपवून आणलं होतं.
Before You Go
Umesh Tagunde Maharaj Pune Vastav 291 : महिला पाय धुवून पाणी पितात, पुण्याच्या बाबाचं वास्तव
महत्त्वाच्या बातम्या
