Mumbai Crime : मुंबईतील खारमध्ये भररस्त्यात पतीचा पत्नीवर चाकूने हल्ला, वार करुन आरोपीचा पोबारा
Mumbai Crime : मुंबईच्या पश्चिम उपनगरातील खारमध्ये पतीने पत्नीवर भररस्त्यात चाकूने हल्ला केल्याची धक्कादायक घटना घडली आहे. या चाकू हल्ल्यात पत्नी गंभीर जखमी झाली आहे.
Mumbai Crime : मुंबईच्या पश्चिम उपनगरातील खारमध्ये (Khar) पतीने पत्नीवर भररस्त्यात चाकूने हल्ला केल्याची धक्कादायक घटना घडली आहे. या चाकू हल्ल्यात पत्नी गंभीर जखमी झाली असून तिला जवळच्या रुग्णालयात उपचारांसाठी दाखल करण्यात आलं आहे. तर हल्ला केल्यानंतर आरोपी पतीने घटनास्थळावरुन पोबारा केला.
खार पश्चिमेत काल (30 जुलै) रात्री आठच्या सुमारास ही घटना घडली. हे जोडपे धारावी पट्ट्यातील रहिवासी आहेत. दोघांचं वैवाहिक आयुष्य फारसं सुरळीत नव्हतं. त्यांच्यात वाद सुरु होते. शिवाय त्यांनी न्यायालयाचे दार ठोठावले अशल्याचं पोलिसांनी सांगितलं.
रस्त्यात भांडण झालं आणि पतीने पत्नीच्या गळ्यावर वार केला...
रविवारी रात्री धारावीच्या शाहू नगर परिसरातून खार इथे फिरायला गेले असता त्यांच्यात पुन्हा भांडण झालं. दोघांमधील वादावादी वाढली. रात्री साडेआठच्या सुमारास ते दोघे 14 व्या रोडवर होते, त्यावेळी पतीने त्याच्याजवळ असलेल्या पेपर कटरने पत्नीवर हल्ला केला आणि तिच्या गळ्यावर वार केले. यानंतर तो तिला रक्तबंबाळ सोडून पळून गेला.
सीसीटीव्ही फुटेज आणि कॉल डेटा रेकॉर्डची तपासणी
तिथे उपस्थित असलेल्या लोकांची या घटनेची माहिती पोलिसांनी दिली. माहिती मिळताच खार पोलीस घटनास्थळी दाखल झाले आणि जखमी महिलेला उपचारांसाठी जवळच्या रुग्णालयात दाखलं केलं. सध्या तिच्यावर उपचार सुरु असून प्रकृती स्थिर असल्याची माहिती पोलिसांनी दिली. बोलताना अडचणी येत असल्या तरी महिलेने पतीविषयी काही तपशील दिले आहेत, असंही पोलिसांनी सांगितलं. आरोपी पतीचा शोध घेण्यासाठी सीसीटीव्ही फुटेज आणि कॉल डेटा रेकॉर्ड तपासत असल्याचं पोलीस म्हणाले.
रागाच्या भरात हल्ला की हत्येचा कट?
दरम्यान पतीकडे चाकू नेमका कुठून आला, हा गुन्हा रागाच्या भरात घडल की पत्नीची हत्या करण्याचा त्याचा कट होता का या संदर्भात आता अधिक तपास खार पोलीस करत आहेत. तर महिलेच्या सुरक्षेसाठी पोलिसांची एक टीम हॉस्पिटलमध्ये तैनात करण्यात आली आहे, असंही पोलिसांनी सांगितलं.
VIDEO : Mumbai Khar : मुंबईतील उच्चभ्रू परिसरात पतीने केला पत्नीवर चाकू हल्ला : ABP Majha
महत्त्वाच्या बातम्या
ट्रेंडिंग न्यूज
