Lalbaugcha Raja Visarjan 2023: चैन पडेना आम्हाला... आज लालबागचा राजा विसर्जनासाठी मार्गस्थ होणार, कशी असेल विसर्जन मिरवणूक?

Lalbaugcha Raja Visarjan 2023 : दहा दिवसांच्या पाहुणचारानंतर नवसाला पावणारा लालबागचा राजा आज विसर्जनासाठी मार्गस्थ होणार आहे. कसा असेल राजाच्या विसर्जनाचा मार्ग, पाहुयात सविस्तर...

Lalbaugcha Raja Visarjan 2023

Lalbaugcha Raja Visarjan Miravnuk 2023 LIVE: नवसाला पावणारा अशी ख्याती असणारा आणि लालबाग-परळकरांसोबतच देशभरातील भाविकांचं श्रद्धास्थान असलेला लालबागचा राजा (Lalbaugcha Raja) आज विसर्जन मिरवणुकीसाठी मार्गस्थ होणार आहे. दहा दिवस लालबागच्या (Lalbaugcha Raja Visarjan) गणेश नगरात विराजमान असलेला लालबागचा राजा आज अकरा वाजता विसर्जनासाठी मार्गस्थ होणार आहे. त्यापूर्वी दहा वाजता लालबागच्या राजाची आरती होईल, त्यानंतर पारंपारिक कोळी नृत्यानं राजाच्या विसर्जन मिरवणुकीला सुरुवात होईल. 

लालबागच्या राजाच्या विसर्जन मिरवणुकीसाठी पोलिसांकडून कडेकोट बंदोबस्त करण्यात आला आहे. लालबाग-परळ परिसरातील गणेशविसर्जन मिरवणूकांवर पोलिसांचं विशेष लक्ष असेल. लालबागचा राजा आणि मुंबईचा राजा विसर्जन मिरवणूकीत हजारोंच्या संख्येनं गणेशभक्त सहभागी होत असतात. त्याकरता विशेष व्यवस्था पोलीस प्रशासनाकडून करण्यात आली आहे.  

गुरुवारी, 28 सप्टेंबर रोजी सकाळी 10 वाजता लालबागच्या राजाची आरती होणार आहे. त्यानंतर सकाळी 11 वाजता लालबागच्या राजाची राजेशाही मिरवणूक लालबाग मार्केटमधून निघणार आहे. यामध्ये कोळी बांधवांकडून मानवंदना दिली जाते. मंडळाच्या सुरुवातीच्या वर्षांपासूनचीही परंपरा आहे. शुक्रवारी, 29 सप्टेंबर रोजी सकाळी 6 वाजण्याच्या सुमारास गिरगाव चौपाटीवर लालबागच्या राजाचं प्रस्थान होणार आहे. त्यानंतर शेवटची आरती करून लालबागच्या राजाचे विसर्जन सोहळा अरबी समुद्रात सुरू होईल. सकाळी 7.45 वाजण्याच्या सुमारास समुद्राला भरती आहे. त्यावेळी लालबागच्या राजाचं विसर्जन अरबी समुद्रात होणार असल्याची माहिती मंडळाच्यावतीने देण्यात आली. 

लालबाग-परळ परिसरातील गणेश विसर्जन मिरवणूकांकरता मुंबई पोलिसांची व्यवस्था 

• केवळ लालबाग-परळ भागांत- 300 सीसीटीव्ही 
• महिला सुरक्षेकरता 6 छेडछाडविरोधी पथक 
• मोबाईल चोरी करता 6 विशेष पथके
• एटीएस - आतंकवादी कारवाया रोखण्याकरता 
• 3 बॉम्ब शोधक नाशक पथके  
• रॅपीड अॅक्शन फोर्सची नियुक्ती
• 5 एसआरपीएफ ची पथके
• 3 दंगलनियंत्रक पथके
• 3 सिसीटीव्ही व्हॅन  
• 2500 पोल्स मित्र कार्यकर्ते
• 6 वॉच टॉवर्स

कसा असेल लालबागच्या राजाच्या विसर्जनाचा मार्ग? 

श्री. गणेश नगर, लालबाग- गरमखडा जंक्शन उजवे वळण घेऊन नॉर्थ बॉन्ड डॉ. बी. ए. रोड ने भारतमाता जंक्शन भारतमाता जंक्शन येथून पुन्हा उजवे वळण घऊन डॉ. बाबासाहेब आंबेडकर रोडने गरमखाडा जंक्शनला उजवे वळण घेणार. पुढे साने गुरूजी मार्गाने चिंचपोकळी ब्रिज वरून आर्थर रोड नाका-ना. म. जोशी मार्गाने बकरी अड्डा- एस. ब्रीज चौक, भायखळा रेल्वे स्टेशन पश्चिम, घोडके चौक, अग्निशमन दलासमोरून खडा पारसी जंक्शन क्लेअर रोड- नागपाडा जंक्शन- दोन टाकी रोड-संत सेना महाराज मार्ग-सुतार गल्ली माधव बाग- व्ही.पी. रोड-ऑपेरा हाऊस- गिरगांव चौपाटी- गिरगांव असा विसर्जन मार्ग आहे. 

दरम्यान, दहा दिवस गणपती बाप्पाची मनोभावे सेवा केल्यावर आज बाप्पाला निरोप देण्यात येईल. मुंबई आणि पुण्यात विसर्जानाचा उत्साह काही वेगळाच असतो. मुंबईत गणेशगल्लीतील मुंबईच्या राजाती मिरवणूक थोड्याच वेळात निघणार आहे, तर लालबागच्या राजाची आरती सकाळी 10 वाजता सुरू होणार आहे. विसर्जनासाठी मुंबईतील अनेक प्रमुख रस्ते आज वाहतुकीसाठी बंद असतील.  

महत्त्वाच्या इतर बातम्या :